DE CALCE, LIGNAMINIBUS ET LAPIDIBUS
de calce
1410-07-31 Pro calce non extinguenda cum aqua maris
Item captum fuit quod calcina non debeat balneari cum aqua marina sed cum aqua de puteo sub pena decem perperorum contrafacienti. (Ref 33, f. 156v)
de calce descaricanda
1408-06-20
Captum fuit in consilio predicto [minori] quod nulla persona audeat vel presumat descharigare calcem ad portam portus nec portam pischarie sed vadat descharigare ad portam Pille sub pena standi in carceribus, videlicet patronus et rector navis et marinarii per dies VI. Proclamata per Milassium XXI iunii. (Ref 33, f. 59r)
1410-01-11 Pro Matheo de Gradi
In minori consilio captum fuit de faciendo gratiam ser Matheo de Gradi quod possit dehonerari facere ad pontem unam barcham calcis cum condicione quo faciat quam citius poterit dictam calcem ab inde exportari facere. (Ref 33, f. 132r)
1419-7-15 De calzina non scudanda intra portum
Captum fuit quod nemo deinceps scudare audebit neque presumat calcinam intra portum Ragusii sub pena yperperorum quinque cuilibet contrafacienti et pro qualibet vice. (CMin 2, f. 74r)
1425-7-10 Pro Radino petrario
Captum fuir de consentiendo Radino petrario quod possit exonerare calcem suum ad piscariam non obstante ordinibus in contractum. (CMin 3, f. 238v)
1428-05-04 Pro calce extra ad molum discaricanda
Captum fuit de commitendo officialibus laboreriorum quod quam celerius fieri potuerint faciant fieri unam portam prope turrim de molo ubi nunc est alia porta parva que porta debeat esse larga palmis quatuor et alta palmis octo bona et sufficiens et quod clavis dicte porte construende stare debeat in manibus Givchi Guosdarich custodis catenarum et quod postquam facta erit dicta porta nemo audeat vel presumat disaricare intus in portu Ragusii per aquam in terram aliquod quantitatem calcis aliquo modo iam vel ingenio sub pena yperperis quinque pro quolibet contrafaciente et qualibet vice qua contrafecerit et perdendi calcem quam discarichasset contra dictum ordinem sed debeant exonerare calcem extra muros ad molum civitatis et conduci facere per bastasios dum illam vendunt per dictam portam declarando quod si fortuna esset possit barca cum calce introduci in portu transferendo calcem cum sachis extra ad molum per dictam portam. (CMin 4, f. 158r)
de calce habenda
de calce danda
de lignamnibus habendis
de lignaminibus dandis
de lapidibus dandis
de arena
