pro saligiando et reparando stratas

1407-06-11 Pro lapidibus dandis pro saligando stratas
In minori consilio captum fuit quod coparii teneantur dare officialibus nostris ellectis ad salizandum stratas civitatis Ragusii medietatem omnium lapidum coctorum et aliam medietatem vendant specialibus personis. (Ref 33, f. 24v)
1407-06-11 Ordines pro salizando stratas Ragusii capti per LXV.
Ut civitas nostra Ragusii sit mondior solito et quod aque discurantes melius faciunt eorum cursum in locis debitis, captum fuit quod in maiori consilio eligantur tres officiales quorum perduret officium per quinque annos et habeant illud salarium quod datur officialibus laboreriorum nostri comunis. Et dictum officium inteligatur angaria et possint eligi de qualibet officio.
Qui predicti officiales obligandi debeant sellizare facere omnes stratas civitatis Ragusii cum lateribus sive lapidibus coctis et de petra viva, videlicet de lapidibus coctis ubi ordinatum fuerit per minus consilium et similiter de petra viva, ubi ordinatum fuerit sellizari di petra viva.
Et quod omnes vie comunis sellizande debeant scribi in cedulis que ponantur in capello et singulo anno extrahantur illa quantitas cedulorum quanta fieri potest illo anno. Et illa vel ille cui venerit sors seligendum. Et comune nostrum solvat medietatem expensarum. Et patroni domorum seu terrenorum ruge sellizate aliam medietatem. Qui patroni domorum et terrenorum teneantur solvere dictam eorum medietatem expensarum infra unum mensem a die quando ruga sellizata fuerit sub pena quarti.
Item quod via magistra que incipit a regimine et vadit versus puteum illorum de Zerieva usque ad monasterium pulcellarum Sancte Clare non ponatur ad sortem, sed primo sit selligenda tota cum lateribus coctis et expense solvantur ut superius dictum est.
Item quod omnes ruge que sunt ultra Plateam a latere monitis debeant sellegari cum lapide vivo ut est ruga auriffichum usque ad primam viam Sancti Nichole que vadat de levante ad ponentem.
Item si fuerit aliquis habitans in predictis rugis ultra Plateam a latere levantis volluerit laborare cum lateribus cottis, si maior pars vicinorum fuerit concors, possit sellizari cum dictis lateribus solummodo expensis ut dictum est.
Item si aliqui volluerint sellizari facere eorum rugam anteque eis venerit sors, si maior pars vicinorum erit concors, possit sellizari. Et expense solvantur ut superius dictum est.
Item cum predicti officiales percompleverint sellizare ut dictum est, comitatur officialibus laboreriorum comunis quod sub pena sacramenti atendant cum diligencia ad faciendum reaptari rugas et stratas ubi destructa fuerit seligata expensis comunis et specialibus personarum ut dictum est supra. (Ref 33, ff. 314v-315r)
1407-06-11 Officiales
In maiori consilio ball. LXVIII] Electio trium officialium pro seligando civitatem
Ser Marinus de Bocignolo – balote XLI – Iuravit.
Ser Nicola de Goze – balote 0
Ser Natalis de Proculo – ball. XXXII
Ser Laurencius de Sorgo – ball. 0
Ser Marinus M. de Georgio – ball. XLIIII – Iuravit. – MCCCCVIII, die VI iunii electus fuit ser Natalis de Georgio in loco ser Marini predicti
Ser Andreas B. de Menze – ball. 0
Ser Mathcus Viti de Benessa – ball. XLIIII – Iuravit.
Ser Symon Michaelis de Resti – ball. XXXIIII
Ser Marcus Viti de Benessa – ball. 0
(Ref 33, f. 315v)
1407-07-28 Pro ruga Sancti Nicolai
In minori consilio captum fuit de precipiendo officialibus laboreriorum comunis ser Nalcho de Georgio, ser Laurentio de Sorgo et ser Simoni de Restis quod faciant asselegari rugam Sancti Nicolaii de levante ad ponentem usque ad locum conventus Sancti Francisci et quod faciant vicinos solvere medietatem et aliam medietatem comune. (Ref 33, f. 27v)
1407-12-22 Pro expensis vie Sancti Nicolai
In consilio minori captum est per omnes expensis facte et fiende in aptando viam que pretendit de ecclesia Sancti Nicolai versus Sanctum Franciscum in frangendo lapides, in reportando terrenum, in faciendo scalas, in aptando portas super dictam viam et stratam et similia fiant expensis nostri comunis, sed salicatura fiat expensis comunis et specialium personarum et quod comune solvat pro medietate et persone speciales habentes domo super dicta strata et via solvant aliam medietatem. (Ref 33, f. 36v)

1408-01-16 Pro viis salizandis
In minori consilio more solito congregato captum fuit et declaratum quod omnes habentes facies muri confinantes cum viis salizatis per nostros officiales et cum hiis que salizari debent per officiales nostros teneantur solvere ratum suam secundum partem captam in maiori consilio. (Ref 33, f. 42r)
1408-01-24 Pro fratribus minoribus
Captum est [in minori consilio] quod fratres minores non solvant (pro una cancell.) aliquod a salizatam factam per officiales comunis in viam noviter salicata sed comune nostrum solvat pro illa parte expensas in quantum pretenditur ecclesia Sancti Francisci. (Ref 33, f. 43r)
1408-06-06 Electio unius officialis ad assalizandum contratas in loco ser Marini de Georgio
In maiori consilio ball. LXI
Ser Natalis de Proculo 0
Ser Natalis de Georgio XXXII, contra XXVII
Ser Simon Michiel de Resti XXVIIII, contra XXVI
(Ref 33, f. 343r)

1409-03-26
Captum fuit quod dentur et solventur offitialibus deputatis ad salligiandum civitatem treginta perperis de denariis dovane. Pp. XXX. (Ref 33, f. 94r)

1411-01-14
Ser Marino de Bucignolo, ser Mateo de Benessa, ser Nalcho de Georgio [in minori consilio] officiales ad salicandum pro expensis in salicando fiat policia de yperperi treginta. (Ref 33, f. 174r)
1411-01-22 Pro saligio
Item in dicto [minori] consilio data fuit libertas officialibus saligii civitatis quod faciant salligia cum panza (?) sicut inceperunt, sed si potest fieri, volventur aque ad viam Pillarum. (Ref 33, f. 175r)
1411-11-03
Captum fuit de faciendo tres gradus ruge prope domum habitationis ser Raphaelis de Goze. (Ref 33, f. 208r)
1411-12-17
Captum fuit de dando libertatem salinariis nostris possendi salizare cum schalinis et secundum ut eis videbitur rugam prope slanicas salis apud Sanctum Nicolam. (Ref 33, f. 213r)

1413-09-28
Item captum fuit [in minori consilio] de faciendo salizare rugam in qua morantur filii ser Lampre de Menze et filii quoddam ser Michielis de Bona que invente maiori parte vicinie in una oppinione. (Ref 34, f. 88r)

1414-05-05 Electio trium officialium ad saligiandum civitatem et insuper habeant providere super portum ad purgationem ipsius et fiant per annis V proxime venturis
[in maiori consilio, ball. LXXX] Ser Iunius de Ragnina ball. 0
Ser Dominicus de Baballio ball. 0
Ser Martolus I. de Crieva ball. XLV
Ser Iohannes Lampre de Zrieva ball. 0
Ser Michael de Martinussio ball. 0
Ser Vita de Restis ball. XXXVIII
Ser Martolus de Georgio ball. LX – Iuravit.
Ser Marinus Marini de Resti ball. XXXII
Ser Daniel de Sorgo ball. XLI – Iuravit.
(Ref 34, f. 301v)
1414-07-12
Captum fuit [in minori consilio] de faciendo compleri ad faciendum salizare viam qua itur ad portam versus Sanctum Iacobum incipiendo a porta dohane usque ad porta pontis levatorii ex lateraciis lapidibus. (Ref 34, f. 131v)
1414-07-12
Captum fuit [in minori consilio] quod omnes petrarii qui habeant lapides super rugal (?) que de novo salizatur prope ecclesiam Sancti Dominici debeant illos lapides inde removere hinc ad dies octo proximos sub pena perdendi dictos lapides. (Ref 34, f. 131v)
1414-10-21
Captum fuit [in minori consilio] de faciendo unam policiam yperperorum centum ser Martholo de Zrieva et sociis officialibus super salegio ad dohanam magnam. (Ref 34, f. 142v)

1415-07-02 Pro saligio
Captum fuit de comittendo officialibus supra salegium quod debeant incipere ad salizandum prope sanctum Blasium et quod etiam faciant salizari ubi tenetur biscoctis. (CMin 1, f. 33v)
1415-11-4 Pro officialibus saligii
Captum fuit de dando licentiam officialibus saligii quod illud terrenum quod tollunt de viis que saligantur possint facere poni in turribus comunis. (CMin 1, f. 46v)
1415-11-20 Auctoritas
Captum fuit quod officiales saligii possint destrui facere domunculam lignaminis prope ecclesiam sancti Blasii et salizent plateam circhum circha ecclesiam sancti Blasii.(CMin 1, f. 48r)

1417-09-23 Officiales electi ad salizandum dictam callem
Ser Nicho de Martinussio et ser Iunius de Chalich electi fuerunt officiales ad salizandum callem illorum de Slavce. (CMin 1, f. 156r)

1420-10-19 Pro scala aptanda in ruga ser Nicole de Gozis
Captum fuit quod officiales laboreriorum comunis aptari faciant scalas ruge ser Nicole Mar. de Gozis. (CMin 2, f. 152v)

1421-06-04 Pro via ser Nicole de Goze saligianda
Captum fuit de committendo officialibus laboreriorum nostri comunis quod debeant saligari facere cum lateribus viam ubi est domus ser Nicole Mar. de Goze accipiendo illam refusuram prout consuetum fuit de aliis viis saligatis per civitatem. (CMin 2, f. 196v)
1421-08-07 Pro ruga ser Raphaelis de Goze saligianda
Captum fuit de commitendo officialibus laboreriorum comunis quod faciant saligari rugam ser Raphaelis de Goze et quod pro parte comunis ipsi solvant et partem dicti ser Raphaelis et aliorum vicinorum exigant secundum usum. (CMin 2, f. 209v)
1421-08-11 Appodissa
Captum fuit de faciendo appodissam ser Nicole de Prodanello et sociis officialibus laboreriorum comunis de yperperis quindecim ad fonticum bladorum pro aptando stratam comunis apud domum ser Raphaelis de Gozis. (CMin 2, f. 210v)
1421-12-10 Pro ruga illorum de Binzola salizanda
Captum fuit de faciendo graciam ser Dobre et ser Martolo de Binçola quod eis fiat una poliça de ypp. quindecim dando eis dictos denarios de denariis nostri comunis pro saliçando eorum rugam et quod de predictis reddere teneantur nostris officialibus laboreriorum comunis ita quod ex hoc comune Ragusii habeat suum rectum et dicti fratres de Binçola habeant suum rectum. (CMin 2, f. 229r)

1424-01-22 Pro schalis vie Sanctorum Petri, Laurentii et Andree
Captum fuit de precipiendo officialibus laboreriorum comunis quod debeant fieri facere scalas ad viam Sanctorum Petri, Laurentii et Andree a parte ponentis in ruga domus Matei de Bizia pro ascendendo ad viam superiorem que vadit a Sancto Nicola versus fratres minores prout factum fuit in capitibus aliarum viarum ascendentium ad dictam viam. (CMin 3, f. 115v)
1424-09-28 Pro via ad murarios reparanda
Captum fuit de precipiendo dictis officialibus laboreriorum quod debeant elevari facere murum qui est ad murarios supra viam que descendit ad portam per traversum uno brachio altius quam nunc est et ab uno latere ad aliud sic quod aqua que venita parte Gravosii non possit descendere versus portam. Et debeant mundare et evacuari facere gathum qui est inter ortum ser Iohanis de Volço et ortum Milete sic quod aqua discurrat ad aliud latus vie versus Sanctum Vitum intra ortos. Et similiter viam iuxta portam que descendit a Sancto Andrea aptari faciant ita quod aqua vadat ad viam maris et non in fossum. (CMin 3, f. 164r)

1425-06-14 Pro via Sancti Anthonii aptanda
Captum fuit de dando denariis nostri comunis yperperos quinque officialibus infrascriptis et quod ipsos expendere debeant in cunziando viam comunis a ponte porte Sancti Luce usque ad furcas comunis prout eis melius videbitur et convenit (?) et de faciendo eis polizam in camera pro dictis yperperis. Ser Andreas de Bonda et ser Clemens de Restis electi fuerunt officiales ad faciendum aptari et reparari viam supradictam cum modis et condicionibus consuetis. (CMin 3, f. 232r)
1425-07-12 Pro via ultra Plateam reaptanda
Captum fuit de dando libertatem officialibus laboreriorum comunis quod reaptari facere debeant viam ultra Plateam in qua moratur Bartolus Marini expensis tam comunis quam aliorum iuxta formam et tenore statutorum et ordinum comunis Ragusii. (CMin 3, f. 239r)

1426-03-16 Pro saligio civitatis et pro officialibus super inde
Captum fuit per octo consiliarios ex minori consilio concordes de portando ad maius comsilium provedimentum pro saligio civitatis et pro officialibus super inde futuris. (CMin 3, f. 294v)
1426-04-12 Pro officialibus vie Sancti Anthonii
Captum fuit de dando libertatem officialibus vie Sancti Anthonii quod accipere possint ad laborandum viam predictam unum petrarium de illis vocatis Chervaniçic. (CMin 3, f. 298v)
1426-04-27 Ellectio trium officialium per angariam pro annis quinque pro saligiando plateam et vias comunis ut patet [ball. LXXVIIII] per partem captam in presenti libro sub die XXIII martii proxime preteriti
Ser Nicola Alo. de Goçe, b. 0 0 0
Ser Damianus de Mençe, b. XXXVIII, contra XXXVI, extra V)
Ser Martolus Iu. de Zriva, b. LII, contra XXII, extra V – Remansit.
Ser Marinus Ni. de Goçe, b. 0 0 0
Ser Nicola Si. de Goze, b. LVIII, contra XV, extra VI – Remansit. – Iuravit.
Ser Marinus Mi. de Bona, b. XLI, contra XXVI, extra XII
Ser Iacobus Mat. de Georgio, b. XLVI, contra XXV, extra VIII – Remansit. – Iuravit.
Ser Blasius Mar. de Zamagno, b. 0 0 0
Ser Marinus Bla. de Mençe, b. 0 0 0
(CMa 3, f. 111r)
1426-05-02 Pro officialibus vie Sancti Antonii
Captum fuit de faciendo unam polizam de ypp. centum in becharia ser Andreee de Bonda et aliis suis sociis officialibus vie Sancti Antonii pro opportunitate officii sui et quod possint accipere ad laborem Vechoevich petrarium. (CMin 4, f. 2r)
1426-06-11 Ellectio unius officialis salegii [ball. LXXIIII] Ser Petrus de Sorgo, ball. XL, contra XXVII, extra VII
Ser Nicola Io. de Caboga, ball. XXXVI, contra XXXII, extra VI
Ser Andreas de Babalio, ball. XL, contra XXVIIII, extra V
Quia scripti ser Petrus et ser Andreas habuerunt tot ballloctis unus quot alter non balloctaverint iterum et remansit ser Andreas. (CMa 3, f. 118r)

1427-03-21 [ball. LXXX] (Electio duorum officialium salegii civitatis Ser Andreas de Babalio remansit de preteritis cancell.)
Pro officialibus salegii
Electio duorum officialium salegii loco ser Nicole Si. de Goze et ser Iacobi de Georgio qui exiverunt confinia qui durare debent annis quinque inceptis die 27 aprillis 1426 iuxta partem ellectionis eorum simul cum ser Andrea de Babalio, officiale tercio ellecto die XI iunii preteriti.
Ser Vita Alo. de Goze, ball. 0
Ser Marinus Iu. de Georgio, ball. LIII, contra XXIIII, contra III
Ser Michael An. de Menze ball. 0
Ser Nicola Iu. de Zrieva, ball. 0
Ser Paulus An. de Sorgo, ball. 0
Ser Marinus Iu. de Sorgo, ball. 0
Electio unius scripti officialis salegii
Ser Marinus Iu. de Sorgo, ball. 0 0
Ser Iacobus de Prodonello, ball. 0 0
Ser Marinus Bla. de Menze, ball. LXIIII, contra XVI – Remansit. – Iuravit.
(CMa 3, f. 161v)
1427-07-27 Pro officialibus salegii
Captum fuit quod postquam officiales salegii compleverint viam et rugam quam ceperunt usque ad domum filiorum ser Iacobi de Gondola debeant saligari facere rugam ser Thome de Bona videlicet a Platea comunis usque ad domum filiorum ser Iunii de Crieva, qua completa debeant saligiari facere rugam illorum de Volchasso incipiendo a Platea communis. (CMin 4, f. 102r)
1427-08-11 Pro ruga salizanda inter domos ser Pauli de Gondola et ser Petri de Gondola
Captum fuit de salizando illam rugam parvam que est inter domum heredum quondam ser Pauli de Gondola et domum ser Benedicti et ser Federici fratrum filiorum quondam Petri de Gondola post alias rugas salizandas ut alias captum est. (CMin 4, f. 104r)

1428-02-21 Pro ecclesia Sancti Blasii pro salegio
Captum fuit quod illud quod tangit ecclesiam Sancti Blasii solvere pro salegio officiales salegii id debeant recipere et ponere in ratione comunis. (CMin 4, f. 141v)
1428-02-23 Pro officialibus saligii et domina Mare de Gondola
Captum fuit quod officiales saligii videlicet ser Marinus B. de Mençe et sotii qui asserunt habere debere a domina Mare olim domini Andree de Gondola pro via salegiata ante domum suam gross. triginta quatuor cum dimidio debeant accipere dictos grossos 34% ex ratione proficui de V pro C quod dicta domina Mare habere debeat a comuni Ragusii et quod camerarii comunis debeant ponere ad rationem dictorum officialium saligii dictos gross XXXIIII per (?) V de racione dicti proficui. (CMin 4, f. 142r)
1428-02-28 Pro officialibus salegii pro ser Nicola de Goze
Captum fuit quod ser Nicola Mar. de Goze pro domo sua iuxta Sanctum Blasium solvere debeat pro salegio vie illud quod sibi petitur per officiales pro ipso salegio. (CMin 4, f. 144r)
1428-07-12 Pro rugis saligandis
Captum fuit quod saligari debeat cum matonis ruga que est ad portas usque ad murum civitatis et similiter ruga ser Blasii de Sorgo usque ad domum voivode Radossavi. Et ille due ruge que sunt circum domum ser Benedicti P. de Gondola cum illis modis, formis et condicionibus de quibus constat in ordine capto in minori consilio pro salegio faciendo. (CMin 4, f. 175r)
1428-07-23 Pro via de Volcas saligianda
Captum fuit quod postquam officiales saligii compleverint de saligando omnes vias que saligiari debent secundum partes huc usque captas quod saligiari faciant rugam illorum de Volchas incipiendo a confine Platee comunis usque ad domum Marini de Bizea. (CMin 4, f. 178v)

1429-04-12 Pro viis salizandis
Captum fuit quod officiales saligii debeant saligiari facere viam Pobianam in qua est domus ser Luce de Bona et ser Marini de Resti postquam salizari fecerint viam Platee comunis que incipit a Lucariça usque ad cantonem domorum ser Pauli de Gondola quam in primis omnium salizari facere debeant Etiam postea saligiari facere dictam viam Pobianam et postea salizari facere viam Sancti Domini usque ad domum ser Gauze de Poza que saligia fieri debeant expensis partim comunis et partim specialium personarum secundum usum et ordinem Ragusii. (CMin 4, f. 233v)
1429-05-07 Pro viis saligandis ser Blaxii de Sorgo et de Volcasio
Captum fuit quod officiales salegii conpletis salegiis viarum que saligiari facere debent secundum partem captam in nostro consilio die 12 aprilis proxime preteriti postea saligiari facere debeant viam seu rugam ser Blaxii de Sorgo sursum usque ad domum voivode Radossavi. Et postea saligiari facere debeant viam seu rugam de Volchasio secunudum usum et consuetudinem. (CMin 4, f. 240r)
1429-05-14 Electio unius officialis ad salegium loco ser Andree de Babalio qui ivit ad viagium [1429 <ball. …>] Ser Nicola Mar. de Caboga b. XXXV, contra XXIIII
Ser Nicola Iohannis de Caboga b. XXXVIIII, contra XX
Ser Nicola Si. de Goze b. XL, contra XVI – Remansit.
(CMa 4, f. 34r)
1429-06-23 Pro officialibus saligii
Captum fuit quod officiales saligii debeant infra unum mensem proximum a die conpletarum rugarum per eos saligiandarum exegisse a specialibus personis quicquid solvere debuerint pro rata ipsarum specialium personarum etiam se non exigerint ad terminum predictum solvere teneatur de suo proprio. Denuntiata ser Nicole de Goze. (CMin 4, f. 250v)
1429-08-13 Pro officialibus salegii
Captum fuit de commitendo officialibus salegii quod saligiari facere debeant rugam ser Clementis de Bodaza et ser Matei de Gradi modo et forma consuetis. (CMin 4, f. 260r)

1431-05-05 Ellectio duorum officialium salegii loco ser Marini Bla. de Menze et ser Marini Iu. de Georgio qui finiverunt officium [ball. LXXXVIIII] Ser Iunius Mari. de Crieva, b. LI, contra XXXII
Ser Marinus Ni. de Bona, b. LVI, contra XXI – Remansit. – Iuravit.
Ser Damianus Bla. de Menze, b. LIII, contra XXX
Ser Iohannes Marini de Crieva, b. 0 0 0
(Ser Paulus Ni. de Goze de Pusterna cancell.)
Ser Nicola Bla. de Menze, b. LX, contra XXII, ex. VII – Remansit. – Iuravit.
Ser Iohannes Mat. de Georgio, b. LII, contra XXVIII
(CMa 4, f. 135v)
1431-06-01 Electio unius officialis saligii loco ser Nicole Bla. de Menze qui ivit ad viagium [b. LXII] Ser Daniel de Sorgho, b. XLIIII, contra XIII – Remansit.
Ser Iohannes Math. de Georgio, b. XXXI, contra XXVII
(Ser Dragoe de Goze cancell.)
Ser Nicola Mar. de Caboga, b. XXXI, contra <->
(CMa 4, f. 138v)
1431-07-31 Ellectio unius officialis sallegii loco ser Nicole Iohannis de Goze qui ivit ad viagium
Ser Paulus Ni. de Poza, b. XLII, contra XVII
Ser Dragoe de Goze, b. 0 0 0
Ser Daniel de Caboga, b. XXX, contra XXVIII
(CMa 4, f. 147v)
1431-06-22 Pro officialibus salegii pro via ser Matei de Gradi saligianda
Captum fuit quod officiales salegii saligiare facere debeant totam viam ubi moratur ser Marinus de Gradii de versus curtem domus ipsius ser Matei incipiendo a scala illorum de Georgio et eundo versus ostruum tantum quantum durat ipsa via. (CMin 5, f. 123r)
1431-08-02 Pro saligando viam ser Georgii de Goze
Captum fuit quod officiles salegii saligiare facere debeant viam ser Georgii et ser Aloisii fratrum de Goze. (CMin 5, f. 134r)
1431-08-02 Pro saligiando viam a portis et viam ser Matei de Gradi
Captum fuit quod officiales salegii saligiare facere debeant de matonis viam que est a portis usque ad scalam illorum de Georgio pro medietate expensis comunis et pro alia medietate expensis ser Matei de Gradi ita contentantis et solvere offerentis ita tamen quod nulla alia persona pro ipso salegio angariari debeat. Et quod via que est a domo ser Matei de Gradi procedens versus mare usque ad muros civitatis saligiari debeat de lapidibus vivis. (CMin 5, f. 134r)
1431-08-05 Pro saligiando viam comunis ante domum ser Teodori de Prodanello
Captum fuit quod ab angulo domus ser Iacobi se Georgio versus montem usque quo durat curia domus ser Theodori de Prodanello <viam publicam> debeat saligiari cum petris coctis prout nunc petris vivis saligiata est solvendo dictam expensam secundum usum. (CMin 5, f. 135r)
1431-09-25 Pro saligando rugas duas
Captum fuit quod officiales saligii comunis nostri teneantur et debeant facere saligiare rugas duas unam positam inter domos olim ser Pauli de Gondola versus domos ser Fedori de Gondola et aliam inter casale dicti olim ser Pauli et domum ser Petri de Gondola secundum ordines Ragusii. (CMin 5, f. 146r)
1431-11-13 Pro ruga ser Tome de Sorgo et ser Marini de Goze saligianda
Captum fuit de dando libertatem officialibus salegii quod secundum consuetudinem saligiari facere debeant rugam in qua morantur ser Tomas de Sorgo et ser Marinus Ra. de Goze. (CMin 5, f. 155v)

1432-02-14 Pro via Sancti Nicole saligianda
Captum fuit quod officiales salegii cum matonis saligiari facere debeant rugam Sancti Nicole incipiendo inter domos archiepiscopatus et ser Luce de Bona et eundo versus Sanctum Nicolam usque ad locum Zervesivascha (?) solvendo comune nostrum id quod solvere debet et vicini solvabitur id quod solvere tenentur. (CMin 5, f. 178r)
1432-06-10 Pro via Sancti Stefani
Captum fuit quod officiales salegii saligiari facere debeant viam a Sancto Steffano usque ad porticum illorum de Ragnina faciendo sibi solvi sive solutionem accipiendam iuxta morem. (CMin 5, f. 201r)

1433-01-26 Pro officiales salegii
Captum fuit quod officiales salegii dare debeant mutuo offficialibus laboreriorum comunis matonos oportunos pro faciendo tramediaturas in domo comunis empta et accepta a Dobrossavo Mergich. (CMin 6, f. 19r)
1433-05-07 Pro officiales salegii pro ruga Pribissavi Radulini
Captum fuit quod officiales salegii saligiare facere debeant rugam in qua stat Pribissavus de Radulino ipso Pribissavo dante et exbursante ipsis officialibus denariis tocius expense ipsius saligii.Qui officiales assignare debeant in dohana granda partem tangentem comune nostrum et ab aliis vicinis exigere debeat ipsi officiales id quod unusquisque solvere debuerit et illud quod exigerent dare et restituere debeant dicto Pribissavo pro eo quod exbursavit pro dicta expensa salegii facienda. (CMin 6, f. 40v)
1433-07-21 Pro officialibus salegii pro ruga illorum de Binzola
Captum fuit quod officiales salegii saligiare facere debeant secundum ordines rugam ser Dobre et ser Martoli de Binzola sub voltis usque ad domum ser Nicole de Zrieva.
Die 17 novembris 1435. Captum fuit quod officiales salegii per totum mensem ianuarium proxime futurum debeant fecisse saligiare scriptam rugam sub pena yperperorum 25 pro quolibet. (CMin 6, f. 57v)
1433-08-13 Pro ruga ser Danielis de Sorgo saligianda
Captum fuit quod officiales saligii debeant saligiare facere stratam domus ser Danielis de Sorgo incipiendo a platea et eundo versus pelagum usque ad Sanctam Barbaram modis et conditionibus consuetis. (CMin 6, f. 64r)

1434-03-13 Pro via ser Andree de Bonda saligianda
Captum fuit quod officiales salegii saligiare facere debeant rugam que incipit ad domum ser Michaelis de Resti et tendit supra usque ad domum Marini de Bizia cum modis et condicionibus consuetis. (CMin 6, f. 117r)
1434-04-20 Pro ruga ser Nicole de Lucari saligianda
Captum fuit quod officiales salegii facere debeant saligiare cum matonis rugam ser Nicole de Lucari et sociorum ad expensas secundum ordines. (CMin 6, f. 128r)
1434-04-20 Pro ruga Pusterne saligianda
Captum fuit quod officiales saligii debeant facere saligiare rugam Pusterne incipiendo a porta que est penes ecclesiam Sancte Marie et eundo recto tramite usque ad ecclesiam Sancti Iohannis secundum ordines. (CMin 6, f. 128r)
1434-05-18 Pro ruga domus ser Zupani de Bona saligianda
Captum fuit quod officiales saligii nostri saligiare facere debeant rugam domus nove ser Zupani de Bona per quam introitur domum ipsius ser Zupani secundum ordines. (CMin, f. 134v)
1434-07-10 Pro salegio pro domo Radossavi voivode et Sancte Barbare
Captum fuit quod illud quod tangit domum voivode Radossavi ad solvendum pro salegio ruge ibidem saligiate debeat solvi per commune nostrum et ab eccllesia Sancte Barbare nulla solucio accipi debeat quia iustum et dignum non est quod pro eccllesiis ulla solutio salegii accipi debeat. (CMin 6, f. 149r)
1434-08-17 Pro ruga ser Petri de Menze
Captum fuit quod officiales salegii saligiare facere debeant id quod restat ex ruga ser Petri de Poze (!) modis et formis solitis. (CMin 6, f. 163r)
1434-09-22 Pro officialibus salegii
Captum fuit quod officiales salegii secundum consuetudinem saligiari facere debeant calem sive aulizam (!) qua ad domos regis et ser Matei de Croxi. (CMin 6, f. 170v)
1434-09-23 Pro officialibus salegii
Captum fuit quod officiales salegii saligiare facere debeant in ruga Sancti Tome eundo in super (circa passus tres cancell.) versus domum ser Petri de Menze circa passus tres, solvendo secundum morem. (CMin 6, f. 171r)
1434-10-02 Pro rugis illorum de Gondola saligiandis
Captum fuit quod officiales salegii saligiari facere debeant secundum usum et morem illas tres rugas que sunt inter illos de Gondola, videlicet ser Iohannem et fratres, ser Nicola Pauli, ser Petrum et ser Federicum, omnes de Gondola. (CMin 6, f. 174r)
1434-10-23 Pro ruga Storta saligianda
Captum fuit quod officiales salegii saligiare facere debeant secundum morem et usum totam rugam Stortam. (CMin 6, f. 180v)

1435-10-01 Pro ruga ser Georgii saligianda
Captum fuit quod ruga que est inter domos communis ser Georgii de Goze in sexterio Sancti Nicole debeat saligiari per officialibus saligii expensis comunis et participantium secundum ordines et consuetudinem nostram. (CMin 6, f. 283r)
1435-10-08 Pro ruga Nicole de Radulino et Tomchi de Dobrich saligianda
Captum fuit quod officiales salegii secundum usum et morem saligiare faciendo debeant rugam que est et vadit a domo ser Marini Si. de Goze et Nicole de Radulino et Tomchi de Dobrich sursum.
Die X decembris 1435.
Captum et declaratum fuit quod dicti officiales a superiori parte domorum illorum de Ragnina inferius usque ad angulum domorum ipsorum de Ragnina et ser Marini Si. de Goze ruge suprascripte nullo modo saligiare debeant ipsam rugam nec tangere in illam. (CMin 6, f. 283v)
1435-11-17 Pro domibus domini regis Bosne et voivode Radossavi pro salegio
Captum fuit quod officiales salegii nostri ponere debeant ad rationem comunis nostri illud quod tangit domos domini regis Bosne et voivode Radossavi solvere pro rugis ubi sunt ipse domus saligiatis. (CMin 6, f. 291r)

1436-01-12 Pro via qua itur ad Sanctum Andream saligiandam
Captum fuit quod officiales nostri saligii debeant saligiare facere viam comunis que est propinquior foveis nostri communis videlicet illam que vadit a monte ad pelagum cum petris sive matonis prout ipsis videbitur secundum ordines. (CMin 7, f. 13r)
1436-01-26 Pro Milladino cupario cum officialibus salegii
Captum fuit quod officiales salegii solvere debeant Miladino cuppario pro illis matonis quos ab eo acciperunt pro saligiando rugam ser Dobre et ser Martoli de Binzola et hoc infra octo dies proxime futuros sub pena yp.-i quinque pro quolibet. (CMin 7, f. 16v)
1436-02-08 Pro via Sancti Petri saligianda
Captum fuit quod officiales salegii cum promptitudine cum matonis saligiari facere debeant secundum usum et mores civitatis viam Sancti Petri incipiendo de subtus sub volta domus monasterii
Sancte Marie de Castello et eundo sursum per dictam voltam usque ad portam ecclesie Sancti Petri predicte ut maxime tempore istius inminentis quadragesime ipsam ecclesiam que habetur in magna devotione habilius visitari possit sine discrimine et periculo ire volentium ad ipsius visitationem.
Die III augusti 1446 captum fuit quod officiales salegii debeant conplere ad sallizari faciendum viam usque ad domum ser Nicolay Stelle. (CMin 7, f. 21v)
1436-05-15 Ellectio unius officiali salegii loco ser Marini Mi. de Bona qui finit officium. [ball. LXX] Ser Mathcus Mar. de Restis, b. XXXIII, contra XXXI
Ser Michael de Zammagno, b. 0 0 0
Ser Martolus de Georgio, b. LII, contra 14
(CMa 5, f. 75r)
1436-06-28 Ellectio unius officialis salegii loco ser Danielis de Sorgo qui finivit officium
Ser Iacobus Laurentii de Sorgo, b. 0 0 0
Ser Nicola Pauli de Gondola, b. LIIII, contra XXV, ex. <->
Ser Petrus de Menze, b. LXIIII, contra XIIII, ex. <-> – Remansit.
(CMa 5, f. 83v)
1436-07-17 Ruga torta saligianda
Captum fuit quod officiales salegii debeant facere opportuno modo saligiare rugam tortam in qua est domus ser Natalis de Proculo secundum ordines ipsius salegii. (CMin 7, f. 72r)
1436-08-18 Ellectio unius officialis salegii loco ser Pauli Ni. de Poza qui finivit
Ser Laurentius de Ragnina, b. XXXVIII, contra XXI, ex. <-> – Iuravit.
Ser Nicola Marini de Gondola, b. 0 0 0
Ser Nicola Alovixii de Goze, b. 0 0 0
(CMa 5, f. 91r)
1436-10-21 Pro saligiando rugam ser Georgii de Goze hic errore scripta. (cancell.)
Captum fuit quod officiales salegii saligiare facere debeant rugam que est de levante in ponentem inter palacia regiminis et domum ser Georgii de Goze. Incipiendo ibi ad domum dicti ser Georgii usque ad rugam que est et vadit ad domum ser Nicole de Goze (cancell.) (CRog 6, 87r)
1436-10-21 Pro salgiando rugam ser Georgii de Goze
Captum fuit quod officiales salegii saligiare facere debeant rugam que est de levante in ponentem inter pallacia communis et domum ser Georgii de Goze incipiendo ibi ad domum dicti ser Georgii usque ad rugam que est et vadit ad domum ser Nicole de Goze. (CMin 7, f. 95r)
1436-11-13 Pro saligiando rugam ser Pauli et ser Allexandri de Goze
Captum fuit quod officiales salegii secundum usum saligiarie facere debeant rugam usque sursum in qua morantur et habent domos ser Paulus et ser Allexander fratres Ni. de Goze. (CMin 7, f. 99v)
1436-11-13 Pro ruga ser Petri de Menze saligianda
Captum fuit quod officiales salegii saligiare facere debeant rugam ser Petri de Menze incipiendo de subtus usque ad scalam domus ipsius ser Petri cuius expensis comune medietatem solvere debeat et ipsius ser Petrus aliam medietatem. (CMin 7, f. 100r)
1436-12-05 Pro officialibus salegii pro ruga saligianda
Captum fuit quod officiales salegii saligiare facere debeant rugam que est et vadit inter domum ser Vite de Resti et stationes comunis. Et declaratum fuit quod ruga tota que saligiatur, intelligatur et saligiari debeat usque ad terrenum illorum de Resti. (CMin 7, f. 105r)

1437-02-03 Pro ruga secunda Sancti Nicolai saligianda
Captum fuit quod officiales sallegii secundum usum et morem saligiare facere debeant cum matonis secundam rugam Sancti Nicolay. (CMin 7, f. 125r)
1437-12-07 Ellectio unius officialis salegie loco <…> [ball. LXVIIII] Ser Damianus de Poza, b. XXXVII, contra XXVIIII
Ser Iohannes Blax. de Bona, b. XXXV, contra XXVII
Ser Petrus de Poza, b. XXXVIII, contra XXIIII – Remansit. – Iuravit.
(CMa 5, f. 165v)
1438-06-17 Ellectio unius officialis salegii loco ser Laurentii de Ragnina qui ivit ad viagium
Ser Iohannes Alex. de Gozze, b. XLVII, contra XXIIII, extra <->
Ser Nicola Sara. de Bona, b. 0 0 0
(Ser Christoforus de Poza cancell.)
Ser Marinus Luce de Bona, b. XXXVII, contra XXIII, extra <->
(CMa 5, f. 202r)

1438-04-24 Pro saligiando rugam puteorum ecclesie Sancti <…>
Captum fuit quod officiales sallegii debeant sallizari facere rugam que incipit a puteis ecclesie Sancti Iacobi (et vadit, cancell.) usque prope domum ser Natali (rugam que itur ad Sanctam Mariam de Castello, cancell.) ad domum Natalis de Bono et domum illorum de Cotrugli <incluxive> Et hoc iuxta ordines superinde loquentes. (CMin 7, f. 212r)
1438-06-17 Pro salizando rugam illorum de Sorgo
Captum fuit quod ruga que est inter domos illorum de Sorgo prope Sanctum Dominum salizari debeat iuxta solitum et prout alie salizantur. (CMin 7, f. 227r)

1439-12-30 Pro ruga ser Dragoe de Goze
Captum fuit quod officiales nostri salegii debeant salizari facere rugam existentem intra domum ser Dragoe de Goze et stationes comunis respicientes versus pellagum. (CMin 8, f. 115v)

1440-02-22 Pro platea Sancte Marie saligianda
Captum fuit quod officiales nostri salegii debeant salegiari facere plateam matonis cum calcina plateam (!) ante ecclesiam cathedralem Sancte Marie existentem. (CMin 8, f. 133v)

1442-05-24 Pro campo Sancti Iohanis salizando
Captum fuit quod officiales nostri sallegii sequi debeant ad faciendum salizare plateam et campum Sancti Iohannis existentem ante ecclesiam chatedralem domine Sancte Marie secundum partem captam in presenti consilio die XXII februarii 1440. Et quod completa per totum ipsa platea postmodum debeant repizari facere ubi et si pro opportunum fuerit plateam magnam et viam caligariorum. (CMin 9, f. 88r)
1442-07-17 Pro salizando plateam Sancte Marie
Captum fuit quod cum platea Sancte Marie salizari completa fuerit, salizari debeat ruga de Vite et stupi (?) modis et condicionibus consuetis. (CMin 9, f. 105r)

1443-03-12 Salizetur prope fontanam magnam comunis
Captum fuit quod officiales laboreriorum debeant netari fecisse et salizari prope fontanam magnam comunis per modum que aqua que spargetur ex dicta fontana vadat et discurat per suum debitum cursum nec impediat ambitum et via qua itur extra portam Pillarum et qua itur etiam ad ecclesiam Sancte Clare et hoc ad tardius usque per totum mensem aprilis proxime futurum sub pena yperperorum XXV pro quolibet ex dictis officialibus. (CMin 9, f. 164v)
1443-07-16 Salizetur ante fontanas
Captum fuit quod officiales aqueductus salizare facere debeant ante fontanas comunis per modum aqua non spargitur et facit lutamen (?) ante monasterium Sancte Clare ibi non iaceat sed ducatur ita et taliter prout dictis officialibus melius videbitur. Et similiter fiat de aqua que cadit ante fontanam parvam. (CMin 9, f. 189v)
1443-07-12 Ellectio duorum officialium salegii loco ser Petri Nicole de Poza et ser Iohannis Alex. de Goze qui compleverunt
Ser Iohannes Savini de Babalio b. XLVI, contra XXII, ex. <->
Ser Iunius Mi. de Crieva b. XLIIII, contra XXVI, ex. <->
Ser Marinus Io. Lampre de Crieva (?)
(Ser Matheus Nicole de Georgio cancell.)
Ser Iunius Marini de Gradi b. XLII, contra XXXII, ex. <->
Ser Damianus de Poça b. LVIIII, contra XIII, ex. <->
Ser Iohannes Andree de Volcio b. <0 0 0>
(CMa 7, f. 116r)

1444-03-10 Pro via subtus domum ser Iacobi de Georgio saligianda
Captum fuit quod officiales salegii salegiari facere debeant viam subtus …. ser Iacobi de Georgio incipiendo .. domo ser Iacobi de Georgio … usque ad domos ser Iacobi de Prodanello et aliorum ….. fienda solum debeat secundum … (CMin 10, f. 21v)
1444-03-10 Pro Platea et viis civitatis repezandibus
Captum fuit quod officiales nostri salegii repezare facere debeant totam Plateam communis et viam ante palacium regiminis ac ante ecclesiam …….. viam caligariorum ubi … fuerit incipiendo … ad laborandum complevisse debeant usque per totum ….. proxime futurum. (CMin 10, f. 21v)
1444-06-20 Pena officialibus salegii
Captum fuit quod officiales nostri salegii per totum dimidium mensis iullii proxime futuri debeant purgare id quod …… officium pro viis communis .. sallegiarum sub pena ypp. quinque pro quolibet ipsorum officialium. (CMin 10, f. 47v)

1445-06-07 Pro ruga salizanda
Captum fuit quod officiales sallegii debeant salizari facere rugam qua itur a domo ser Nicole Io. de Caboga ad domos ser Petri et ser Marini Mi. de Bona secundum ordines et consuetudines hactenus observatas. (CMin 10, f. 137r)
1445-06-.. Ellectio unius officialis salezii loco ser Iohannis <…> de Lucari qui complevit
Ser Andreas Ill.(?) de Crieva b. 0 0 0
Iur. R. Ser Nicus de Georgio b. XLIII, contra XXXIII
Ser Dragoe de Goze b. <->
(CMa 8, f. 1r)
1445-07-13 Pro via Sancte Marie de Castello salegianda
Captum fuit quod officiales nostri salegii debeant salizari facere viam tendentem ad monasterium Sancte Marie de Castello incipiendo ab ipso monasterio et veniendo infra versus montem usque ad voltam apud domum Natalis de Dobrich. (CMin 10, f. 146r)
1445-07-13 Pro via post eclesaim Sanctorum Petri, Laurentii et Andree salizanda
Captum fuit quod officiales nostri salegii debeant saleziari facere viam tendentem post eclesiam Sanctorum Petri, Laurentii et Andree. (CMin 10, f. 146v)
1445-10-12 Pro salizando rugam domorum ser Dragoe de Goze et Nicole de solito
Captum fuit de salizari faciendo rugam more solito in qua sunt domus ser Dragoe de Goze et Nicola Tucidichi Glavich. (CMin 10, f. 169v)
1445-12-02 Pro scalinis lapidibus faciendis in rugis
Captum fuit quod officiales sallegii in illis rugis in quibus fuerit opportunum fieri facere debeant scalinos <lapideos vivos> per illammet expensis et monetis quibus fuerint salligia pluria de preta et calce. (CMin 10, f. 184v)

1446-06-02 Officiales
Ser Sigismundus de Georgio, ser Blaxius de Zamagno, ser Bartolus de Goze, ellecti fuerunt officiales ad faciendum aptari viam qua itur ad Sanctum Martinum cum yperperi decem sibi dandis per comune pro bene ratio. Et cum hoc quod quilibet capi casnacine frataglie Sancti Michaelis laborare debeat uno die ad dictam viam. (CMin 11, f. 1r)
1446-08-04 Pro via sallegianda ante domum Iohannis de Catharo et ser Michaelis de Babalio
Captum fuit quod officiales salegii debeant salegiari viam ante domum olim Iohannis de Catharo et ante domum ser Michaeilis de Babalio solventibus ipsis ratum expensis que solum debet iuxta ordines. (CMin 11, f. 23v)
1446-08-04 Officiales
Ser Aloixius Ma. de Restis, ser Nicola de Volzio ellecti sunt ad faciendum aptari viam seu scalas versus Sanctum Andream possendo expendere usque sex ypp-i. (CMin 11, f. 23v)

1448-07-11 Pro ruga comunis saligianda
Captum fuit quod officiales salegii debeant salizari facere rugam comunis existentem inter stationem comunis nostri tenutam ad afficutm per se Matheum de Georgio et aliam stationem comunis tenute per ser Marcum Benedicti de Gondola videlicet tantum quantum se extendatur ipse stationes. (CMin 11, f. 217r)

1449-06-05 Pro via coradina salizanda
Captum fuit de salizando viam vocatam coradinam secundum quod dictant ordines loquentes de huiusmodi salezio. (CMin 12, f. 83r)
1449-07-03 Pro officialibus salezii
Captum fuit quod officiales nostri salezii faciant salizare rugam que est inter domum ser Dobre de Buchia et domum ser Petri de Bona in Pusterna secundum ordines et consuetudinem. (CMin 12, f. 90r)

1450-07-16 Pro ruga Sancti Vidi salizanda
Captum fuit quod officiales salezii faciant salizari viam que est ad Sanctum Vidum secundum usum. (CMin 12, f. 173v)
1450-07-16 Pro ruga de castrat salizanda
Captum fuit quod officiales salezii faciant salizari rugam de castrat secundum usum et etiam ipsam aptari secundum quod opus erit. (CMin 12, f. 173v)
1450-07-16 Pro ruga Sancti Segurati salizanda
Captum fuit quod officiales salezii faciant salizari rugam que est ad Sanctum Segurat et etiam ipsam aptari secundum quod opus erit. (CMin 12, f. 173v)

 

See also: de Platea et stratis soleatis: Philippi de Diversis de Quartigianis Lucensis artium doctoris eximii et oratoris Situs aedificiorum, politiae et laudabilium consuetudinum inclitae civitatis Ragusii [1440], Pars secunda, Cap III,23