e5 domus voyvode sandali |

e5

domus voyvode Sandali

1407-05-13 Ser Paulus de Gondola, ser Stephanus de Lucaris et ser Marinus Martoli de Bucignolo fuerunt electi officiales ad ordinandum laboreria fienda in domo data voyvode Sandali et ad mitendum pro lignaminibus necessariis et opportunis et faciendum omnes expense necessarie pro ipsa domo et ad mitendum Signam vel Veneciarum pro dicto lignamine. Et pro predictis haberint tantam auctoritatem et arbitrium quantam habet presens minus consilium. (Ref 33, f. 20v)

1408-03-24 Pro domo Sandalis
Item in dicto [minori] consilio captum fuit de aptando domum concessam voyvode Sandali laboreriis necessariis lapidum et lignaminis non erigendo illam altius. (Ref 33, f. 50v)
1408-05-05 Super scalis domus Sandalis
Item [in minori consilio] de induciando super laboreriis scalarum domus concesse voyvode Sandali. (Ref 33, f. 54r)
1408-03-16 Super domo Sandalis
Prima pars est de dando libertatem domino rectori et suo minori consilio respondendi nuncio voyvode Sandalis super facto reparationis domus date dicto Sandali in Ragusio. Captum per omnes. (Ref 33, f. 232v)

1409-01-22 Pro domo concessa Sandalis
Item captum fuit quod scale domus date Sandali fiant intus domum et non extra. Item quod scale per quas ascendebatur in aula dicte domus fiant in loco ubi primo fuerunt. Item quod super suteraneum ubi ad presens est coquina fiat una volta lapidum seu tuffi. (Ref 33, f. 86v)

1419-10-3 Officiales pro laboreriis futuris in domo Sandali
Ser Natalis de Proculo, ser Aloysus Mar. de Gozzis, ser Marinus Iu. De Gradi electi fuerunt et quod ipsi una cum ser Theodoro de Prodanello ire debeant ad videndum et extimandum laboreria que fieri opportent in domo voyvode Sandalii et quod illud reducant in scriptis et portari debeant illud scriptum ad presentem consilium. (CMin 2, f. 86v)
1420-1-23 Officiales
Ser Nicola Mar. de Goçis et ser Natalis de Proculo electi fuerunt officiales ad videndum et examinandum laborerium fiendum ad domum concessam seu datam voyvode Sandalie et portandum quod viderint et examinaverint ad presens minus consilium. (CMin 2, f. 106r)

1420-05-22 Pro domo danda Sandaglie per alia secunda parte Canalis
Prima pars est de dando libertatem domino rectori et minori consilio, super facto domus dande Sandaglie, pro secunda parte Canalis ab eo habite que fuit quondam voyvode Petha(!). Captum per xxviii contra v extra ii
Secunda pars est de deliberando factum ipsius domus in presenti consilio [cancell.] (CRog 2, f. 114v)
1420-06-08 Pro voyvoda Sandalio
Prima pars est de assignando voyvode Sandalio et dando domum que fuit illorum de Volchasso sitam iuxta monasterium sancte Marie ab angelis, pro parte Canalis que fuit Petri voyvode nobis data. Captum [cancell.] Secunda pars est de non assignando. Captum per xviii contra xii (CRog 2, f. 124v)
1420-7-23 Pro reaptatione domus concesse voyvode Sandalie
Captum fuit quod ser Nicola P. de Poza et socii officiales electi ad videndum et examinandum laborerium fiendum circa domum concessam voyvode Sandalie per comune portasse debeant in scriptis per totum presentem mensem modum et ordinem quibus fieri debeat et laborari ad dictam domum sub pena yperperorum vigintiquinque pro quolibet. (CMin 2, f. 141v)
1420-9-23 Pro domo voivode Sandagl
Captum fuit de imponendo penam yperperorum quinque pro quolibet ser Natali de Proculo et sotiis officialibus domus construende sive reparande pro voivoda Sandagl quatenus usque ad diem iovis proxime futurum per totam diem debeant posuisse in forma et attulisse ad presens consilium formam constructionis et edificationis sive reparationis et reaptationis dicte domus. (CMin 2, f. 148r)
1420-10-2 Pro domo Sandalii aptanda
Captum fuit de faciendo fabricari domum voivode Sandalii ad terrenum sicut est designata preter que de tirando portam versus pelagus per tres aut per quatuor scalinas. Et primum palmentum dicte domus fabricetur sicut est designatum. Et secundum palmentum fabricatur sicut est designatum. Et in duabus cameris dicti palmenti secundi fiant due fenestre saracine ad arma et cum cimerio deaurati in medio ipsarum fenestrarum. Et in duabus cameris prope scalam secundi palmenti fiant due porte videlicet in unaque ipsarum una porta. Et in meçanino dictarum camererum fiat una porta per quam eat de una camera in aliam. Et domus antiqua Sandalii erigatur sicut domum ser Sime de Gradi que est data dicto Sanadlio. Ita quod dicta domus antiqua Sandalii erecta coequetur domui dicte quondam ser Sime de Gradi. Et quod officiales laboreriorum nostri comunis debeant fieri facere laboreria supradicta expensis comunis.
Die V decembris 1420 per dominum recotrem ser Micaelem de Restis et minus consilium eius captum fuit de addendo huic parti quod ultra omnia alia contenta in ipsa parte additur quod in dicta domo voyvode Sandalii fiat etiam una cisterna. (CMin 2, f. 149/a r)

1421-3-4 Pro maderiis mutandis ad cisternam domus Sandagl
Captum fuit de precipiendo Obrado Ostoich ab arsenate quod mutuare debat officialibus laboreriorum comunis pro armando cisternam domus voivode Sandagl de corticibus maderiorum comunis quot erunt opportuni et debeat tenere de illis conputum pro recuperando illos a dictis officialibus post conpletam dictam cisternam. (CMin 2, f. 181r)
1421-7-21 Pro Alegretho Bogavzich appodissia
Captum fuit de mutuando ex denariis comunis Alegretho Bogavzich petrario pro parte solutionis laborerii quod ad domum Sandalie facere debet iuxta conventiones secum factas per ser Andream de Menze et ser Iunium de Bona duos de consilio ex comissione eis facta per dominum rectorem et minus consilium yperperos centum pro quo quidem Alegretho quod datas videlicet yperperos centum Radinus Clapzich acceptatus in minori consilio ubi novem ex dictis consilio interfuerunt omnes de acceptatione concordes se plegium et principalem pagatorem constituit, de quibus fiat appodissia ad salem. (CMin 2, f. 206r)
1421-8-6 Pro domo voyvode Sandalie
Prima pars est de dando libertatem domino retori et minori consilio ut comittere debeant officialibus laboreriorum comunis ut faciem anteriorem domus deversus ecclesiam, que struitur pro voyvoda Sandalia, tota equetur solo et reficiatur de novo. Captum per xxv contra iii
Secunda est de non diruendo dictum murum partis anterioris sed de repezando illum ubi expediat (cancell.) (CRog 3, f. 52v)
1421-8-11 Libertas datas ser Natali de Proculo et ser Iunio de Bona
Captum fuit quod ser Natalis de Proculo et ser Iunius Ia. de Bona duo ex illis de minori consilio electi libertatem habeant faciendi concordiam cum magistro Anthonio petrario et tam aliis quibuscumque petrariis quam cum ceteris artistis pro omnibus laboreriis tam lapicideis quam alteriis cuiuscunque manerici que <neseccaria sint> pro laborerio domus quam pro magnifico voyvode Sandalia fabricatur. Et quod quidquid convenerint firmum sit et ratum proinde ac si per totum consilium minus conventum et seu firmatum esset. (CMin 2, f. 210v)
1421-8-13 Pro ser Aloisio de Goze Ma.
Captum fuit quod si canalem per derupationem muri interioris domus que paratur pro voivoda Sandagl contigue domum ser Aloisii Ma. de Goze inferentur et vel fieret aliquid damnum domui dicti ser Aloisii quod comune Ragusii de cuius mandato paratur dicta domus voivode Sandagl emendere debeatur dicto ser Aloisio ipsum damnum. (CMin 2, f. 211v)
1421-8-22 Pro lignamine domus Sandagl
Captum fuit de dando libertatem officialibus laboreriorum quod possint mittere usque ad Segnam pro lignamine comunis pro opportunitatibus et laboreriis domus voivode Sandagl et quod accipiant de illis ypp. quingentis qui assignati sunt ad salem. (CMin 2, f. 212v)
1421-9-26 Pro domo Sandagl
Captum fuit de commitendo ser Nicole de Prodanello et sotiis officialibus laboreriorum comunis quod aptari et poni faciant ad portam novam que construitur pro voivoda Sandagl mantelletos convenientes ad laborerium dicte porte. (CMin 2, f. 217v)
1421-10-20 Pro eisdem officialibus
Captum fuit de precipiendo officialibus laboreriorum comunis predictis quod reaccipere debeant in se omnes lapides quos ipsi alienaverant seu vendiderant aut conprestaverant ex lapidibus exsistentibus in domo et pro domo Sandali. (CMin 2, f. 221r)

1422-1-16 Pro lignamine pro domo voivode Sandagl . . .
(CMin 2, f. 241r)
1422-1-22 … lignamine extraheri … domo Sandale et … ad alias domos … conpletis
Captum fuit quod officiales laboreriorum … … faciant lignamina de domo que per comune edifficatur pro voyvoda Sandalie et illud lignamen in opus poni faciant ad domos comunis que conplete non sunt in locis quibus fuerint accomoda. (CMin 2, f. 242v)
1422-2-9
Ser Aloisus Ma. de Goze, ser Marinus de Restis, ser Marinus de Gradi electi fuerunt officiales ad adducendum in forma quantum debeant solvi annuatim affictuum pro domibus et terreno datis voyvode Sandali secundum partem captam infrascripto die in consilio rogatorum. (CMin 2, f. 246r)
1422-3-7 Pro officialibus laboreriorum apodixia
Captum fuit de faciendo apodixiam ser Lampre de Menze et sociis officialibus laboreriorum de ypp. centum ad zecham (? ) comunis pro dando magistro Antonio Maroevich lapicide pro parte laboreriorum domus voivode Sandagl. (CMin 2, f. 254v)
1422-3-16 Pro sartis prestandis officialibus laboreriorum
Captum fuit quod officales armamenti nostri comunis comprestare debeant officialibus laboreriorum comunis nostri omnes sartas et funes necessarias ad collandum lapides in domum voivode Sandagl et lignamina. (CMin 2, f. 256r)
1422-8-26 Pro domo Sandalii gorne
Captum fuit de ponendo gornas in domo Sandalii a parte levantis per quas decurrit aqua in cisternam ipsius domus. (CMin 3, f. 8r)
1422-10-1 Libertas officialibus laboreriorum
Captum fuit de dando libertatem ser Georgio de Caboga et sociis officialibus laboreriorum comunis possendi adcrescere menia nostri comunis prope domum Sandagl ut sint equalia et hoc pro comoditate dicte domus Sandagl ut habilius fieri possit coperturam illius. Ita quod bene et hutile sit ut eis melius videbitur et placebit. (CMin 3, f. 13v)
1422-10-10 Pro Cosmazich Zivcho et Radoslavo Mera
Captum fuit quod cum Radossavus Mera et Zivchus Cosmacich qui laborant in domo Sandalii debeant ire ad dezenum Stagnum nunc cum presenti dezeno ideo ne intermittatur laborerium predictum quod debeant inveniri ad ipsum laborerium loco ipsorum alios duos magistros quod si facere non poterunt tunc non vadant pro ista vice sed remaneant in primis vacantibus. (CMin 3, f. 18r)
1422-10-15 Pro domo Sandalii
Captum fuit quod in domo Sandalii palmentum quod est supra coquinam non fiat de lignamine sed fiat in volta. Et planche ponende supra dentes domus ipsius pro ballatorio sint porrecte et posite adeo quod extra ipsos dentes excedant per medium pedem et hoc ad hoc ut ballatorium sit amplius. (CMin 3, f. 19r)
1422-10-15 Pro cimerio futuro in domo Sandalii
Captum fuit de dando libertatem ser Nicole de Prodanello et sociis officialibus laboreriorum comunis possendi se concordare cum magistro qui debet facere cimerium in domo Sandalii et permittere dicto magistro solutionem pro dicto laborerio futuro per ipsum pro ut eis melius visus fuerit quod laborerium fieri debeat secundum designamentum quod habent dicti officiales laboreriorum. (CMin 3, f. 19r)
1422-11-6 Pro scala domus Sandagl
Captum fuit de faciendo in domo Sandagli scalam lapideam tantum amplam quantum vacuum dimissum est pro construendo ipsam videlicet palmorum sex. (CMin 3, f. 24v)
1422-12-1 Libertas officialibus laboreriorum
Captum fuit de dando libertatem officialibus laboreriorum quod possint facere duas ghabias in duabus cameris in domo Sandagl supra lectum. (CMin 3, f. 29v)
1422-12-14 Pro ballatorio domus Sandagl
Captum fuit quod ballatorium de lapide construendum in domo Sandagl officiales laboreriorum debeant commicti magistro Bonino de Mediolano ut illud faciet. (CMin 3, f. 31v)
1422-12-14 Pro cameris in domos Sandagl construendis
Captum fuit quod in camera construenda in sala domus Sandagl palmentum debeat fieri supra planam guberti. Et quidam murus qui est inter duas cameras debeat proici in teram et facere unam cameram solam ex dictis duabus cameris et debeat fieri in ipsa camera unam cabiam per totam cameram. Eodem die post prandium correpta fuit pars predicta quod ubi dicat quod ex duabus cameris debeat fieri unica captum fuit quod murus predictus debeat proici in terrram quo nichilominus debeant remanere due camere inter quas debeat fieri unum travatorium cum ianua. (CMin 3, f. 31v)
1422-12-26 Pro officialibus armamenti et officialibus laboreriorum comunis pro domo Sandalii
Captum fuit quod officiales armamenti comprestare debeant sartias et taglas necessarias officialibus laboreriorum comunis pro tirando in domum Sandalii voivode ballatorium et alia opportuna. (CMin 3, f. 32r)

1423-1-27 Libertas officialibus laboreriorum pro domo Sandagl
Captum fuit de dando libertatem officialibus laboreriorum comunis quod possint aptari et poni facere primas scalas in domo voivode Sandagl de petra et secundas et tertias scalas de lignamine et ballatorium et fieri facere portas quarumcumque fenestrarum dicte domus, laborando predicta laboreria prout eis videbitur melius et utilius pro comuni et quod fieri faciendo unam fenestram in camera primi solarii versus marinam sarachinam ferratam. (CMin 3, f. 44r)
1423-3-1 Libertas officialibus laboreriorum
Captum fuit de dando licentiam officialibus laboreriorum comunis quod possint mittere Venetias acceptum infrascripta lignamina pro fulcimento domus voivode Sandagl videlicet et primo pro fenestris, portis parvis tabulas quadraginta de arice largas brachio uno pro qualibet et longas brachiis sex pro qualibet et grossas digitis duobus et tabulas quinque pro porta magna de arice largas brachio uno pro qualibet longas brachiis sex et grossas digitis tribus pro qualibet tabulas quinquaginta de arice de tagluola pro cantinellis pro rete que sunt nitide sine groppis tabulas triginta de tagluola de albeto largas brachio uno grossas digitis duobus longas brachiis sex pro qualibet labulas viginti de albeto largas brachiis 9 largas digitis II longas brachiis 14, tabulam unam de nuce longam brachiis 13 in tribus petiis largam brachi % grossam quarta parte unius brachii de Ragusio. (CMin 3, f. 50v)
1423-03-01 Pro cimiterio(!) voyvode Sandagl
Prima pars est de ponendo cimerialem armam lapideam nunc perfectam in domo Sandagl ex parte portus Ragusii. Captum per xxii contra v
Secunda pars est de ponendo illam in domo predicta ex parte anteriori videlicet versus ecclesiam sancte Marie. (cancell.) (CRog 3, f. 144v)
1423-4-17 Pro fenestris reddendis Iohanni aromatario
Captum fuit quod officiales laboreriorum nostri comunis debenat reddere Iohanni Zanini Salimberi aromatario illas fenestras fereas que erant in domo voyvode Sandagl <versus mare> quam habuimus a thesaurariis Sancte Marie quia ille imposite fuerunt domui predicte per dictum eius patrem. (CMin 3, f. 61v)
1423-4-21 Poliça officialibus laboreriorum
Captum fuit de faciendo unam poliçam officialibus laboreriorum nostri comunis in dohana fonteci yperperorum centum quinquaginta pro mittendo Venetias ad emendum aurum et açurrum pro pingendo domum voyvode Sandagl. (CMin 3, f. 63r)
1423-5-26 Pro domo Sandagl
Captum fuit et firmatum quod in domo voivode Sandagl camera que est in primo palmento stet prout nunc stat et quod officiales laboreriorum faciant fieri supra lectum unam gabiam et similiter faciant in alia camera unum lectum cum gabia. Et quod in secundo solario ille due camere actentur et in una unum lectum ponatur et alia remaneat pro anticamera. Item quod officiales predicti habeant libertatem faciendi in cucina unam fenestram si erit possibile prout eis melius videbitur et placebit. (CMin 3, f. 71v)

1424-2-1
Captum fuit quod massarii bladorum comunis anni elapsi dare debeant officialibus laboreriorum comunis illos lapides veteres qui sibi supersunt pro reaptando domus voyvode Sandagl. (CMin 3, f. 118r)
1424-4-6 Pro fenestirs in aureandis
Captum fuit de inaureando illas duas infimas fenestras domus voivode Sandagl versus portum Ragusii. (CMin 3, f. 136v)
1424-12-25 Pro mansiones comitum Segne
Captum fuit de offerendo dominis comitibus Anz et Nicolao fratribus comitibus Segne domum voivode Sandagl pro eorum mansione si in palatio regiminis comode stare non poterint. (CMin 3, f. 183r)

1425-2-6 Pro officialibus laboreriorum pro domo Sandalii et planconibus
Captum fuit de dando ser Thome Bla. de Sorgo et sociis officialibus laboreriorum comunis de illis tribus planconibus cum dimidio qui sunt arsenate quot voluerint ipsi officiales laboreriorum et hoc pro aptando et faciendo laboreria necessaria in domo voivode Sandalii. (CMin 3, f. 197v)
1425-3-7 Pro officialibus armamenti
Captum fuit de dando libertatem officialibus armamenti quod de lignamine arresi quod est in arsanata dare debeant officialibus laboreriorum comunis illud quod eis oportnum fuerit pro aptando domum voyvode Sandagl. (CMin 3, f. 205r)
1425-4-17 Pro balconata vitrea domus voivode Sandalii
Captum fuit de dando libertatem officialibus laboreriorum comunis quod invitrari et seu de vitrio claudi facere possint illam summitatem balconate domus voivode Sandali que remanet non clausa et poni faciendi rete ferreum ad ipsam summitatem pro custodia ipsius balconate. Ita tamen quod in totum in hoc expenderi possint de denariis comunis yperperos triginta et non ultra. (CMin 3, f. 215r)
1425-4-17 Pro domo voivode Sandalii et officialibus laboreriorum libertas
Captum fuit de dando libertatem officialibus laboreriorum comunis quod deaurari faciant cum auro et cum azzuro et coloribus aparestata porte domus Sandalii superius et de aurando etiam cimerium et arma et de pingendo ipsa que sunt in liago domus ipisus voivode Sandalii pro ut ipsis officialibus laboreriorum comunis videbitur. (CMin 3, f. 215r)
1425-4-31 Pro stalla futura in domo Sandalii
Captum fuit de dando libertatem officialibus laboreriorum comunis quod fieri faciant sub coquina domus Sandalii stallam cum magnaturis et alios necessariis ad stallam et cum breçusio pro ligando equos prout eis videbitur quod stet bene. (CMin 3, f. 220r)
1425-5-30 Pro scadimento auri laboreriorum Sandagl
Captum fuit de defalcando magistris aurificibus qui laboraverunt laboreria auri voivode Sandagl pro scadimneto et profundendo et pro omni mancamento tam de auro quam de ducatis ad rationem ducatorum duorum auri pro qualibet libra dictorum laboreriorum. (CMin 3, f. 226r)

1426-01-03 Pro archivolto et aliis fiendis in domo et ante domum voivode Sandalii
Prima pars est de faciendo ante domum voivode Sandalii unum archivoltum sicut est illud ante palatium regiminis Ragusini et de schulpendo unum cimerium et ornando eum cum auro, in facie domus ipsius voivode que respicit versum(!) ecclesiam sancte Marie et de pingendo celum unius camere domus sue et cum stellis deauratis et hoc totum si ipse voivoda volet. Captum per xxi contra xiiii
Secunda pars est de non faciendo dicta laboreria (cancell.) (CRog 3, f. 288v)

1427-11-26 Pro officialibus laboreriorum libertas
Captum fuit et data libertas ser Dimitrio de Ragnina et sotiis officialibus laboreriorum quod possint expendere pro pingendo et ornando cameram et saletam ante ipsam cameram que est in sala magna domus voivode Sandagl ypp. quinqueginta quinque de denariis comunis. (CMin 4, f. 120v)

1428-02-24 Pro officialibus laboreriorum pro domo Sandagl
Captum fuit de imponiendo et comitendo officialibus ordinariis laboreriorum quod exequi et complere facere debeant laborerium in domo voivode Sandagl pro quo officiales anni proxime lapse pactum et conventionem fuerunt cum pictore. (CMin 4, f. 142r)
1428-04-24 Pro logia domus Sandagl
Prima pars est de induciando super facto laborerii logie faciende ante domum voivode Sandagl. Captum per xxvii contra v.
Secunda pars de deliberando (cancell.). (CRog 4, f. 54r)
1428-05-04 Officiales lobie Sandagl
Ser Iacobus de Georgio Mat., ser Antonius Cle. de Goze et ser Iunius de Gradi iurati, electi fuerunt officiales ad fieri faciendum lobiam ante domum voivode Sandagl secundum quod sibi committetur
per dominem rectorem et minus consilium. (CMin 4, f. 158r)
1428-06-04 Pro officialibus laboreriorum libertas
Captum fuit de dando licentiam dictis officialibus laboreriorum quod possint emere de denariis nostri comunis tantum de auro et coloribus quantum deficiet eis ad ornandum et pingendum laboreria domorum voivode Sandagl et voivode Radossavi ultra ducatos illos quinquaginta pro quibus primo habuerint libertatem. (CMin 4, f. 167r)
1428-08-03 Libertas officialium logiete domus Sandal
Captum fuit de dando libertatem officialibus ad fieri faciendum logietam ante domum voivode Sandagl quod se acordare possint cum magistris de quibus sibi melius videbitur expendendo et dando usque ad yperperos mille et abinde infra prout melius facere et se convenire poterunt dando magistro seu magistris cum quibus se convenerint dictam logietam completam et perfectam tam de ferris quam de omnibus aliis que necessaria fuerunt ad tardius usque ad unum annum cum dimidio proxime futuro <et abinde citra, si poterunt convenire se de minori> et si mutuum terminus aliquod voluerint quod teneatur dare ydoneam plegiariam et quod obligari facere debeant ipsum magistrum seu magistros cum quibus se convenerunt solemniter et cum cautelis oportunis et penis er stricturis de quibus sibi videbitur. (CMin 4, f. 181r)
1428-10-07 Pro officialibus laboreriorum libertas
Captum fuit quod officiales laboreriorum de scripta reparari faciant murum comunis in domo voivode Sandagl versus portum cohoperiendo archetas et aptando inter merlos aut cum plozis aut cum cupis vel alio modo prout videbitur sic quod aqua non possit penetrare domum predictam. (CMin 4, f. 192v)

1429-01-15 Officiales domus Sandagl et domorum Marcane et Scopulorum
Ser Iacobus de Georgio, ser Benedictus Mar. de Gondola loco dicti ser Iacobi electus fuit die VII mai,
ser Marinus Bla. de Mençe, ser Iunius de Gradi, electi fuerunt officiales domus voivode Sandagl et ad fieri faciendum habitationem in Marcana et in scopulis Sancti Petri et Bobare prout eis ordinabitur per dominum rectorem et minus consilium. (CMin 4, f. 216v)
1429-07-06 Pro voivoda Sandagl pro domo emenda
Prima pars est de rogando illos quibus spectat, domus quam petit voivoda Sandagl emere, pro ampliando domus sua. Et hoc si dominus Pribislavus ambaxiator dicti voivode voluerit. Captum per xxviii contra i extra ii.
Secunda pars est de excusando nos et non impediendo. (cancell.)(CRog 4, f. 111v)
1429-07-09 Pro domo quam petit emere Sandagl
Prima pars est quod minus consilium se impedire debeat in et pro petitione quam faciat pro domo domini Pribisslavius Poqualiza. Captum per xxvii contra vii
Secunda pars est quod se impedire non debeat (cancell.)(CRog 4, f. 112r)
1429-07-23 Pro magistro lobie Sandagl
Captum fuit de dando licentiam officialibus lobie Sandagl quod possint dare Ratcho petrario magistro dicti laborerii occasione dicti laborerii ultra id quod habuit ab eis yperperos centum non obstando quod secundum pactum superinde factum cum dictis officialibus illos pro nunc habere non debeat et de faciendo polizam dictis officialibus in camera de dictis ypp. centum. (CMin 4, f. 256r)
1429-10-29 Pro Ratcho Ivanzich pro officialibus armamenti
Captum fuit de dando libertatem officialibus armametni quod mutuo dare debeant Ratcho Ivanzich petrario taglias et capicium unum sartie pro erigendo columnas laborerii domus Sandagl dando pignus de ipsis et constituendis secundum usum. (CMin 4, f. 273v)
1429-11-08 Pro excusatione facienda pro domo quam petit Sandagl voivoda.
Prima pars est de dando libertatem domino rectori et minori consilio suo faciendi execusatione(!) domino Pribisslavo Poqualize Ambaxiatori Sandagl super petitionem quam facit pro domo emenda qua est apud domum suam, prout sibi melius videbitur. Captum per xxxvi contra i
Secunda pars est de ordinando ipsam in presenti consilio (cancell.) (CRog 4, f. 124v)
1429-11-10 Pro officialibus laboreriorum et galearum
Captum fuit quod officiales laboreriorum <et similiter officiales galeorum> debeant concedere mutuo magistris lobie Sandagl maderia ab agratis opportuna pro dictis laboreriis restituendo eis per dictos magistros. (CMin 4, f. 277r)

1430-01-07 Officiales domus Sandaglis
Ser Michael Na. de Proculo, ser Toma de Sorgo, ser Mateus de Resti electi fuerunt officiales domus Sandagl cum auctoritate, modis et condicionibus consuetis per angariam ut supra. (CMin 5, f. 6v)
1430-01-16 Pena Ratchi Ivanzich et socii petrariorum
Captum fuit de precipiendo Ratcho Ivanzich et socio petrariis quod usque per totam diem XXIIII huius debeant nitidasse et mundasse Plateam ante Sanctam Mariam et alio lapides fragmenta et alias immundicias exportasse sub pena yperperi XXV. (CMin 5, f. 9r)
1430-02-08 Pro Ratcho Ivanzich petrario
Captum fuit de eundo ad maius consilium pro prorogando Ratcho Ivanzich lapicide qui construit laborerium logie domus Sandagl terminum conplendi ipsum laborerium per totum mensem marcii proxime futurum sub penis et stricturis in pacto suo contentis. (CMin 5, f. 16r)
1430-02-10 Pro Ratcho Ivancich
Prima pars est de prorogando Ratcho Ivancich lapicide qui construit laborerium logie domus Sandagl terminum complendi ipsum laborerium per totum mensem marcii proxime futuri sub pena et stricturis in pacto suo contentis. Captum per CXVI, contra <…>. (Secunda pars est de non prorogando. cancell.) (CMa 4, f. 73r)
1430-02-10 Pro Ratcho Ivancich
Prima pars est de prorogando Ratcho Ivancich lapicide qui construit laborerium logie domus Sandagl terminum complendi ipsum laborerium per totum mensem marcii proxime futuri sub pena et stricturis in pacto suo contentis. Captum per CXVI, contra <…>. (Secunda pars est de non prorogando. cancell.) (CMa 4, f. 73r)
1430-03-28 Pro Ratcho Ivanzich
Captum fuit de eundo ad maius consilium pro faciendo graciam Ratcho Ivanzich qui facit logaim domus Sandagl quam dare debebat completam pet totum mensem marcii presentem quod ipsum complere possit et terminum habeat ad ipsam complendam per totum mensem mai proxime futurum sub stricturis et condicionibus contentis in pacto suo. (CMin 5, f. 26r)
1430-03-30 Pro Ratcho Ivancich
[b. CIII] Prima pars est de faciendo gratiam Ratcho Ivancich qui facit logiam domus voyvode Sandagl, quam dare debet completam per totum mensem martii presentis, quod ipsam complere possit et terminum habeat ad ipsam complendam per totum mensem maii proxime futurum sub stricturis et condicionibus contentis in pacto suo. Captum per LXXXXVIII, contra V. (CMa 4, f. 82v)
1430-04-27 Pro officialibus armamenti
Captum fuit quod officiales armamenti comunis possint pro planchis domus voivode Sandagl trahendis, ordinandis et aptandis mutuare sartias, taleas et lignamina nostri comunis pro tali aptatione plancarum ut supra ordinandarum et trahendarum opportuna et necessaria. (CMin 5, f. 36v)

1431-01-22 Pro domo quam petit Sandagl
Prima pars est de respondendo domini Pribissavo ad petitionem domum quam fuit pro Sandagl, quod loqui debeat cum illis ad quos spectat. Et quod dominium nostrum propricium erit, quantum poterit, in rogando eos. Captum per xxxiii contra viii
Secunda pars est de excusando nos …(?). (cancell.)(CRog 4, f. 266v)
1431-01-24 Pro responsione dansa ambaxiatori Sandagl pro domo quam petit
Prima pars est quod dominus rector et eius minori consilio respondere debeat domino Pribissavo Poqualize ambaxiatori Sandagl, et offerre quod consilium loquetur cum illis quorum est et ad quos spectat domus quam petit, rogando eos. Et responsionem quam …(?) illis, referre debeant ipsi domino Pribissavo. Captum per xxvi contra iiii extra.
Secunda pars est de sequendo partem primo captam in presenti consilio pro huiusmodi peticione domus. (cancell.)(CRog 4, f. 267r)
1431-07-21 Pro hospitio ipsius Allibeg
Prima pars est quod ipse Allibegh allogiari et hospitari debeat in domo voivode Sandagl. Captum per omnes
Secunda pars est de hospitando ipsum alibi. (cancell.)(CRog 5, f. 23r)
1431-08-02 Officiales domus Sandagl
Ser Blasius de Ragnina, ser Paulus Nico. de Goze de Pusterna, ser Iunius Mat. de Gradi electi fuerunt officiales ad laborare faciendum laborerium liagi domus Sandagl cum auctoritate, modis et condicionibus consuetis. (CMin 5, f. 133v)
1431-10-03 Pro conductu faciendo in domo voivode Sandagl.
Prima pars est de faciendo unum conductum in domo voivode Sandagl, in camera in sala, expensis nostri comunis. Captum per xxx contra i
Secunda pars est de non faciendo (cancell.)(CRog 5, f. 38v)
1431-10-13 Pro magistro Allegreto sartori
Captum fuit de providendo et dando magistro Allegreto sartori qui tenebat ad affictum domum voivode Sandagl pro camera ei accepta et data ambassatoribus domini regis Hungarie et oratori domini Teurcorum qui steterint in ipsa domo pro quatuor mensibus yperperos decem pro sublevatione occupationis ei facte de dicta causa. (CMin 5, f. 150r)

1432-03-15 Officiales laboreriorum domus voivode Sandagl
Ser Iunius de Gradi, ser Paulus Ni. de Goze, ser Damianus de Sorgo electi fuerunt ad laborerium opportunum domui voivode Sandagl. (CMin 5, f. 184r)

1434-04-17 Pro domo Sandagl reaptanda cum pena
Captum fuit (de faciendo preceptum cancell.) quod officiales laboreriorum communis per totum mensem mai proxime futurum sub pena yperperorum vigintiquinque pro quolibet eorum debeant aptari fecisse uti expedit in domo voivode Sandagl ubi aqua damnum faciebat soffite ipsius domus de versus levantem et in camera picturam quam destruxit aqua.
Eodem die denunciata ser Michaeli de Proculo officiali laboreriorum. (CMin 6, f. 127r)

1434-11-10 Pro excusatione domus faciende domino Pribissavo ambaxiatori Sandagl
Prima pars est de excusando nos more solito ipsi domino Pribissavo ambaxiatori pro requisitione quam facit de domo ser Alovisii de Goze dotis eius filie. Captum per xxxiiii contra i.
Secunda pars est de acceptando (cancell.)(CRog 5, f. 229v)

1436-06-08 Pro fida Ratchi Ivancich.
Prima pars est de dando fidam et salvum conductum Ratcho Ivancich petrario per unum mensem proxime futurum a die qua applicurit Ragusium veniendo per totum presentem mensem iunii presentem ab aliis debitis specialium personarum et comunis non rumpis (?) primum viagium. Per omnes, contra 0.
In margine: Die XXV iunii 1436 Ratchus Ivancich venit et applicuit Ragusium et se coram domino rectori ser Martolo de Zamagna presentavit.
(CMa 5, f. 78v)
1436-08-12 Oficiales
Ser Iohannes de Gondola, ser Georgius de Goze, ser Marinus Ni. de Resti, ser Nicola Matei de Georgio, ser Andreas de Babalio electi fuerunt officiales ad eundum obviam domino duci Austro et eum invitandum et introducendum in civitatem in domum voivode Sandagl et ipsum cortizandum. (CMin 7, f. 77v)

1437-04-03 Pro responsione ambaxiatori Voivode Stipani pro quatuor domibus attinentium.
Prima pars est de dando libertatem domino rectori et suo minori consilio respondendi ambaxiatori Voivode Stipan pro denariis quatuor domorum attinentium voivode Sandagl, quibus legat, quod ad volendum facere debitum dominii nostri, opus est ut ipsos nominatos quibus legatum est et qui nobis incogniti sunt, cognoscamus tam ipsos quam nuntios suos. (…) (CRog 6, f. 116r)
1437-04-03 Pro responsione nunciorum attinentium voivode Sandagl.
Prima pars est quod dominus rector cum suo minori consilio respondere debeat nunciis dictorum affinium quatuor domorum voivode Sandagl qui huc venerunt, secundum quod in suprascripta proxima parte contra et captum fuit. Captum per omnes.
Secunda pars est de facendo aliter (cancell.) (CRog 6, f. 116r)

1438-10-31 Pro repizando cohoperta domus voyvode Stipani
Prima pars est de dando libertatem domino rectori et eius minori consilio excusandi nos Grupcho nuntio voyvode Stipani a faciendo aptari domum dicti voyvode videlicet a coperta que fluat aqua (cancell.)
Secunda pars est de faciendo repizari dictam cohopertam expensis nostri comunis prout fuerit opportunum. Per XVII contra XVI. (CRog 6, f. 239r)