d4-chervoye |

d4

domus ducis Chervoie

1412-01-13 Pro ser Micaele de Caboga
Captum fuit [in minori consilio] de faciendo poni ser Paulum de Gondola nomine ser Michaelis de Caboga in possessionem domus et aliarum possessionum comitis Chervoie secundum de tenorem literarum predicti domini ducis Chervoye nostro regimini … (?) missarum. Et insuper de faciendo denunciari uxori Latinize quod hodie ad dies octo proxime futurum debeat exivisse domum dicti domini ducis Hervoye. (Ref 34, f. 7r)
1412-02-05
[in consilio rogatorum, ball. <…>] (Prima pars est de precipiendo ser Michaeli di Chaboga quo nullo modo se impediat ad impetrandum per donationem perpetuam vel emptionem domum Chervoye positam in Ragusio, nec partem sibi datam in Terris novis. cancell.)
Secunda pars est de induciando ad diem martis ad consulendum super predictis et de precipiendo omnibus de consilio rogatorum. Captum per 19. (Ref 34, f. 160v)

1416-12-01 Pro domo domini ducis Chervoye
Prima pars est de induciando super facto domus domini olim ducis Chervoye reassumende pro comuni. Captum per xviii contra xvii
Secunda pars est de deliberando (cancell.) (CRog 1, f. 56r)

1418-02-15
Prima pars est de providendo super domum et partes olim ducis Chervoie et filii. Captum per xx contra viiii
Secunda part est de stando ut statur (cancell.) (CRog 1, f. 84r)
1418-4-23
Ser Marinus Sy. De Restis, ser Matheus de Gradi, ser Iunius de Georgio electi fuerunt ad portandum in forma consilio rogatorum sub qua forma debeant dari domus quondam Chervoy domine Elene regine Bosne. (CMin 1, f. 201r)

1421-9-26 Pro domibus domini regis Bosne
Captum fuit de procedendo et inquirendo per quem modum et per quem affictate fuerunt a pluribus annis citra domus domini regis Bosne et quod hoc inquiratur per minus consilium. Et similiter de domo olim ducis Chervoye. (CMin 2, f. 217v)

1422-02-23 Libertas pro faciendo officiales pro domo et possesionibus Chervoy affictandis
Prima pars est de dando libertate domino rectori et suo consilio eligendi tres officiales qui possint affictare domus duas Chervoye, partes eius ad Terras Novas et partem Balse eius ut videbitur dicto minori consilio. (…) Captum per omnes (CRog 3, f. 73v)
1422-10-3 Pro domo Chervoy aptanda
Captum fuit de dando libertatem officialibus domus Chervoy quod aptari faciant domum predictam expensis comunis usque ad ypp. quinque. (CMin 3, f. 14r)

1424-3-14 Pro ser Michaele de Resti
Captum fuit quod ser Michael de Resti debeat deponere in camera affictum pro uno anno proxime elapso domus olim Chervoie ad manus camerariorum comunis per scripturam depositi more solito. (CMin 3, f. 130v)

1433-05-21 Procura Dorathee pro affictibus et introitibus recipiendis
Captum fuit de habendo Steffanum filium Hermie de Grabroronich pro nuntio et procuratore done Dorathee filie Balse olim filii ducis Chervoie et consortis Simonis filii Georgii de Cladussa ad recipiendum et exigendum introitus, redditus et affictus domorum existentium Ragusii et possessionum dicti olim ducis Chervoie pro dimidia spectante dicte done Dorathee prout patuit minori consilio per litteris sclavis dicte done Dorathee et etiam per literas patentes Latinis testimoniales factas per capitulum ecclesie Zagrabiensi ditis feria tercia proxima ante festum Anunciacionis Virginis Gloriose anno Domini 1433hic affixas presentatas regimini nostro per eundem Steffanum, nuntium et procuratorem predictum infrascriptum una cum dicto Simone Georgii, viro dicte done Dorathee coniunctum et divisum prout ipsis literis capituli Zagrabiensis plenius continetur. (CMin 6, f. 44v)

1434-07-03 Autenticatio procure domine Derotee condam filie Balse et relicte Simonis
Captum fuit de autenticando et habendo pro autenticis literis capituli eccllesie Zagrabiensis sigillatas bulla ipsius capituli, quibus domina Dorothea relicta condam Simonis filii Georgii de Cladussa et filia condam Balse filii quondam Hervoie ducis de Glassa facit suos procuratores Dragissam et Martinum familiares suos ad levandum et recipiendum pro ea censum et solutiones sibi debitum et debitas pro domo et possessionibus quas ipsa domina habet in civitate et districtu Ragusii tam pro tempore preterito, presenti quam futuro in totum usque ad summam florenorum sive ducatorum centum auri secundum et prout in ipsis literis dicti capituli datis in festo Ascensionis Domini anno eiusdem MCCCCXXXIIII hic affixis plenius continetur. (CMin 6, f. 146v)

1438-08-06 Pro ser Marino Mi. de Restis et fratribus
Captum fuit per minus consilium ad plenum existens loco et more solitis congregatum visa et lecta litera credentiali facta per Tuerdchum Borovinich Milorath diacho et nuntio suo in ydiomate sclavo directa domino Et confessione eiusdem Milorath nuntii dicentis et confitentis se nomine et vice dicti Tverdichi Borovinich habuisse et recepisse a ser Marino Michaelis de Restis et fratribus pro affictu domorum tempore preteriti et anni presentis 1438 usque in die presentem <integram et debitam solutionem> que domus fuerant olim ducis Chervoye de habendo dictas ratam credentialem et confessionem affictuum predictorum pro autenticos et legiptime factis et pro sufficienti cautela et robore dictorum ser Marini et fratrum de Restis. (CMin 7, f. 242v)

1439-04-25 Autenticatio affictum facte ser Marino Mi. de Resti et fratribus
Captum fuit de autenticando et pro autentica et firma habendo locationem domus et possesionum olim ducis Chervoe pro illa tantummodo parte spectante domine Dorothee filie quondam Balse filii olim Chernoye ducis de Glassa alias relicte quondam Simeonis filii Georgii de Cladussa et nunc consortis Iohannis filii Nicolai filii Ivani de Berzoroyza factam die hodierna pro annis duodecim pro affictu in totum ducatorum centum quinque auri ser Marino Mi. de Restis et fratribus ut in ea locatione latius contur per Stephanum et Thomam familiaros et procuratores legiptimos eiusdem domine Dorethee ut de dicta procura patet literis capituli Zagrabiensis ecclesie sublati feria sexta proxima ante festum Beati Valentini martiris anno domini millesimo quadringentesimo vigesimo nono, hic affixis. (CMin 8, f. 51r)
1439-11-15 Pro ser Marino Mi. de Restis et fratribus
Captum fuit per minus consilium ad plenum existens loco et more solitis congregatum visa et lecta littera credentiali facta per Tverdchum Borovinich Milorad diaco et nuntio suo in ydiomate sclavo directa doimino. Et confessione cuiusdam Milorath nuntii nuntii (!) dicentis et confitentis se nomine et vice dicti Tverdchi Borovinich habuisse et recipisse a ser Marino Michaelis de Restis et fratribus pro affictu domorum temporis preteriti et anni presentis 1439 usque in die presenti integram et debitam solutionem qua domus fuerit olim ducis Chervoye de habendo dictam licentiam credentialem confessionem affictuum predictorum pro auctenticis et legittime factis et pro sufficienti cautela et robore dictorum ser Marini et fratrum de Restis. (CMin 8, f. 106r)