diversa

1403-3-12 <….> non fiat capta nec ordine
In minori consilio more solito congregato captum fuit de portando ad maius consilium pro decreto duhana cuiuslibet vendicionis rerum stabilium antequem fiat banicio solvatur in contrasse?? conputatis. Et duhanerii nostre duhane non possint accipere pro ipsis vendicionibus pignora aliqua accipere et si vendicio non processerit vel denarii soluti pro huiusmodi vendicionem remaneant nostro comuni.
(Ref 32, f. 31v)
1403-3-22 Pro douana possesionum et bonorum immobiliarum solvenda in contatis
[n maiori consilio, ball LXXII] Prima pars est quod de cetero omnes emptores rerum stabilium qui ipsas emptiones scridari voulerint et baniri cum ordinibus Ragusii ante concedatur fieri bannitio et scrida venditionis et emptionis rei stabilis vendite vel empte debeat solvere communi nostro douanam consuetam in peccuniis numeratis. Et douanerii nostri dicte douane non possint accipere aliqua pignora pro dicta douana solvenda nisi solum pecunias contatas ut premittitur cum hac condicione si emptio non procederat quis aliquo causa infringeretur tunc denarii soluti pro gabella dicte emptionis infacte restitui debeant illi qui solverit dictam gabellam. Item si emptio aliqua fieret ad racionem soldorum terre et non specificaretur quantitas ipsorum solidorum douanerii dicte douane debeant dare sacramentum tam vendenti quam ementi de dicendo cum veritate quot soldos extimant esse rem venditam et pro tot soldis quot ipsam extimabunt solvi debeat dictam gabellam in contatis ut superius dictum est. Capta per LXXII.
(Ref 32, f. 207v)

1409-11-30 Contra canes
In minori consilio captum fuit quod quilibet habens canem debeat hodie ligare vel ipsum mitere extra Ragusium. Et quod ab hodie inantea regimen teneatur incidi facere omnes canes qui reperti fuerint non ligati.
Isto die cridata fuit in plateas per Pribil precone comunis. (Ref 33, f. 125r)

1409-02-09 Pro meretricibus
Captum fuit quod publice meretices habitantes hic Ragusii debeant habitare et comorari a domo ser Marini de Zrieva usque ad maceriam hospitalis ser Marini de Bodacia per rugam versus mare usque ad menia civitatis. Et in nullo alio loco in civitate Ragusii possint comorari. Et quod dicte debeant se redurre ad dictum locum comorantes per totum presentem mensem februarii sub pena eis et cuilibet ipsarum danda ad beneplacitum regiminis si contrafactum fuerit per ipsas vel aliquam earum. Et ita preceptum fuit publicis meretricibus omnibus eodem die per Milasium et Branchum precones. (Ref 33, f. 88r)

1410-10-20
Prima pars est de accipiendo libertatem consilio minori de possendo expendere pro acrescimendo civitatis Ragusii ut videretur domino rectori cum suo consilio minori et consilio rogatorum. Per: omnes. (Ref 33, 284r)

1410-11-30 Pro eisdem [pro fossis] Item captum fuit de faciendo fieri in rugis seu viis comunis illas foveas que fieri possint. (Ref 33, f. 166r)

1411-06-20
Captum fuit de eundo ad maius consilium quod ad quamlibet vendicionem factam per cridam cancelarii scribant procuratores hospitalis comunis prout scribunt tesaurarios, camerarios et procuratores Sancte Marie et Sancti Blasii. (Ref 33, f. 192r)

1411-10-17
Captum fuit quod nulla persona audeat balistare vel sagitare cum balista vel arcu ad Pillas in aliqua parte vel versus aliquam partem, preterea quam stando sub lobia Pilarum vel ibi prope sub via prohiciendo ad bersalium versus pelagum sub pena ypp. quinque pro quolibet et qualibet vice. Et quilibet possit accusare et habeat medietatem pene probata accusione. (Ref 33, f. 205v)

1411-06-04
Captum fuit [in minori consilio] de franchando canonicos, presbiteros et personas ecclesiasticas a mittendo ad fodiendum fossum. (Ref 33, f. 190v)

1412-11-18 Providimentum
Captum fuit de eligendo tres officiales qui habeant providere super omnibus opportunis pro confinatione et pro reparatione civitatis Ragusii et etiam castri Stagni munitionum, armorum et de omnibus aliis providimentis opportunis et custodibus tam civitatis, quam castri Sancti Laurencii et etiam castri Stagni et aliis providimentis et quod omnes provisiones adducant in forma.
Ser Iunius de Georgio
– Iuravit.
Ser Marinus de Restii
Ser Lodovicus de Goziis
– Iuravit.
(Ref 34, f. 49r)

1416-2-3 Pro Turiza
Captum fuit de dando illis qui ludunt ad Turizam yperperos quinque et fiat eis pollicia in camera. (CMin 1, f. 63v)

1416-2-20 Portarii quatuor portarum civitatis:
Et ad portam pontis sancti Luce
Ad portam dohane
Ad portam Pillarum
Ad portam portus
(CMin 1, f. 68r)
(electio annuatim, aliae deliberationes non transcripte)

1417-6-11 Pro cazamortuis
Captum fuit de precipiendo cazamortuis quod in pena ypp. vigintiquinque pro quolibet per totam diem crastinam debeant ponere omnes illos pauperes qui sunt ad portam Sancti Luce et ad Pillas et ubique, inter duos muros civitatis et ibi stare debeant. (CMin 1, f. 141r)

1421-12-13 Pro ser Clemente de Bodaça
Captum fuit de concedendo unum magazenum comunis ser Clementi de Bodaça solvendo dicto ser Clemente pro pensione dicti magazeni salinariis nostri comunis et hoc pro sale dicti ser Clementis ponendo in dicto magazeno cum hac condicione quod quando fuerit necessarium dictum magazenum salinariis predictis pro comune, quod dictus ser Clemens statim sine aliqua dilatione exonere teneatur sal suum et evacuari illam. (CMin 2, f. 229v)

1422-9-17 Contra ser Nalchum de Georgio
Captum fuit quod pro certis verbis inhonestis dictis et prolatis per ser Nalchum de Georgio contra dominum rectorem in detrimentum honoris regiminis Ragusii idem ser Nalchus stare debeat sex diebus proximis in domo propria pro confinibus videlicet per totam diem mercurii XXIII presentis mensis septem qui si de domo ipsam exierit ante dictum terminum stare debeat in Sancto Marco detentus diebus duodecim continuis. (CMin 3, f. 9v)

1422-11-05 Pro monialibus forensibus non accipiendis in monasteriis Ragusii
[ball. LXXXVIII] Prima pars est quod de inceps aliqua forensis non possit recipi in aliquo ex sex monasteriis Ragusii sine licentia et voluntate consilii rogatorum. Et quod aliqua abatissa ex dictis sex monasteriis non possit aliquam foresteriam, et quod foresteria intelligatur que non esset nata in Ragusio vel in suo districtu, in aliqua ex dictis sex monasteriis recipere sine licentia consilii rogatorum, sub pena dicte abatisse perpetui exilii et privationis abatie ipsius. Et sub pena dicte forensi recepte contra hunc ordinem expulsionis perpetualiter ex illo monasterio ubi esset recepta. Captum per LXXVIIII, contra VI. (CMa 2, f. 103r)

1423-1-25 Pro nive non proicienda
Captum fuit quod nullus cuiusque conditionis existat, audeat vel presumat de cetero prohicere nivem aliquo modo contra quoscumque sub pena ypp. quinque pro quolibet contrafaciente. Et qui accusaverit habeat medietatem pene de credentia habeatur. Eodem die gridata sunt per Stephanum preconem per loca consuetata. (CMin 3, f. 43r)
1423-4-17 Pro oleo
Captum fuit quod nullus audeat vel presummat vendere vel retinere oleum in aliqua domo sive statione videlicet incipiendo a lobia comunis usque ad viam ser Marini de Zrieva et a dicta via usque ad domum ser Benedicti de Gondola et de inde usque ad stacionem ser Thome de Bona et a dictam staçionem usque ad carrum sub pena yperperorum vigintiquinque <pro quolibet>. Et si quis haberet oleum in dictis staçionibus illud debeat extrahere per totum presentem mensem sub predicta pena.
In margine: Die 18 aprilis 1423 publicata per Stiepcum preconem comunis.
(CMin 3, f. 62r)

 1423-7-29 Pro vetatione affictuum
Captum fuit quod minus consilium non consentiat per totum mensem septembris proxime futurum quod aliquis possit affictare aliquam domum sive terenum ullum quoque modo perpetualiter sive annuatim. (CMin 3, f. 81v)

1424-1-15 Pro armis non portandis
Captum fuit quod nemo audeat portare arma per civitatem Ragusii sub pena yperperorum quinque et de perdendo arma pro quolibet contrafaciente et qualibet vice et quod domini officiales de nocte teneantur qualibet facere inquisitionem et inquerere contrafacientes per civitatem. (CMin 3, f. 114r)

1424-1-15 Pro non eundo de nocte
Captum fuit quod nemo audeat vel presumat ire de nocte sine lumine per civitatem Ragusii post unam horam post tertium sonum campane et qui contrafecerit debeat deduci ad manus dominationis Ragusii. (CMin 3, f. 114r)

1424-3-30 Pro expellendis leprosis de civitate
Captum fuit de expellendo de civitate omnes leprosos ad locum leprosorum cum aliis et de precipiendo illis qui sunt in loco quod recipiant illos et si quis nollet stare cum eis debeat pelli extra confines Ragusii. (CMin 3, f. 134v)

1424-10-19 Pro porcis non retinendis in civitate
Captum fuit quod a crastino die in posterum nullus porcus possit nec per civitatem et quicunque interfecerit aliquem porcum euntem per civitatem illum interficeri possit impune et habeat carnes per se et similiter sit si forent plures porci. (CMin 3, f. 168v)

1427-02-28 Contra presbiteros
Captum fuit quod quicumque presbiter deinceps reperietur post tertium sonum campane que pulsatur pro custodia civitatis usque ad matutinum quod pulsatur in ecclesia cathedrali sine lumine et sine honesto socio quod domini de nocte illum presbiterum vel illos presbiteros repertos sine lumine et honesto socio tractari debeant pro mundaniis et illum vel illos debeant capere et in carceribus mancupare et mane facto dicti domini de nocte debeant illum vel illos presbiteros domino rectori demittiare qui dominus rector habita denuntiatione predicta debeat illud mittere ad notificandum et dicendum domino archiepiscopo. Et hec pars fuit capta et scripta cum voluntate et consensu domini archiepiscopi Ragusii. (CMin 4, f. 75r)

1428-10-12 Pro non laborando lanam in domibus comunis
Captum fuit de portando ad consilium maius pro ordinando quod a die XVI mensis augusti proxime futuri in antea nemo audeat vel presumat laborare pannos a lanam in domibus comunis intra muros Ragusii sub pena yperperos quinquaginta grossorum pro quolibet contrafaciente et qualibet vice et si fuerit accusator per quem veritas habeatur habeat dimidiam dicte pene et teneatur de credentia. (CMin 4, f. 194r)
1428-10-16 Pro arte lane non exercenda in domibus comunis [ball. LXXXV] Prima pars est quod a die XVI mensis (octobris presentis cancell.) augusti futuri in antea (videlicet hodierna die cancell.) nemo audeat vel presumat laborare pannos et lanam in domibus comunis intra muro Ragusii sub pena yperperorum quinquaginta grossorum pro quolibet contrafaciente et qualibet vice et si fuerit accusator per quem veritas habeatur, habeat dimidiam dicte pene et teneatur de credentia. Per LXXIII, contra XII.
In margine: Cridata per Ratchum preconem comunis die 15 octobris 1428.
(CMa 3, f. 225v)

1428-11-04 Officiales pro descriptione personarum
Ser Nicolaus de Basilio et ser Iohannes Mar. de Georgio ad describendum sexterium Pusterne et de Sancta Maria et de Castella.
Ser Iohannes Mi. de Resti et ser Iacobus Ma. de Gondola ad describendum sexterium Sancti Petri et Sancti Blasii.
Ser Zive Ni. Petri de Poza et ser Blasius de Zamagno ad describendum sexterium Sancti Nicolai.
Electi fuerunt officiales ad describendum homines et personas civitatis ut supra apud quocumque scriptum est scribendo nomina hominum ad arma habiles videlicet etatis ab annis XVI usque ad annos LXV et reliquos homines et feminas et personas per numerum quam descriptionem portare debeant in scriptis ad nostrum consilium usque ad diem quintadecimam presentis mensis novembris sub pena ypp. XXV pro quolibet. (CMin 4, f. 200v)
1430-03-11 Officiales pro descriptione personarum civitatis [simile] (CMin 5, f. 22r)

1429-06-18 Pro vite eradicanda ad petitionem illorum de Zamagna
Captum fuit quod quia una vitis que est in via comunis apud domum heredum Goiachi Odrancich vastatura esset cisterna que fit et cavatur ibi prope per ser Martolum et ser Stefanum de Zamagno, ideo quod dicta vitis debeat sucidi et taliter eradicari quod nullo modo pullulare et revivere possit post usque ad post festum Sancti Michaelis proxime futurum ut comode dicti heredes habere possint presentem frucutum huius anni hoc delcarato quod se predicti de Zammagno voluerint primo eradicare dictam vitem solvere debeant fructum predictum dictis heredibus prout extimabitur per bonos viros, quo fructu ita soluto possint ad beneplacitum eorum dicti de Zamagno eradicare dictam vitem. (CMin 4, f. 248v)

1430-04-01 Pro pannis non lavandis ad puteos civitatis
Captum fuit quod nulla persona cuius status vel condicione intra civitatem ad puteos audeat vel presumat lavare pannos lane nec avrire (?) aquam ad ipsos puteos cum seclis purgi sub pena cuique contrafacienti yperperi quinque cuius medietas sit accusatoris si per eius accusationem veritas reperietur et alia medietas nostri comunis. Et de hoc fieri debeat proclama.
In margine: Cridata eodem die per Radinaç preconem.
(CMin 5, f. 27r)

1431-04-10 Pro liberatione domorum in quibus fuerunt pestilentiati
Captum fuit quod omnipotente Deo sua misericordia nobis graciam concedente civitatem nostram sanam esse et nullo signo contagionis aggredi per totum presentem mensem aprilis quod quilibet cui clausa fuerit domus per officiales cazamortuorum possit transacto mense ex iis qui civitatem intrarunt isto aprilis et citius si videbit et placebit officialibus cazamortuorum intrare et habitare domos clausas habitationis eorum salvo in domibus in quibus fuerunt sepulti mortui pestilentiati. (CMin 5, f. 105v)

1433-05-19 Pro ampliando civitatem
Prima pars est de induciando super facto ampliandi et augmentandi civitatem nostram. Captum per xxviiii contra vii
Secunda pars est de deliberando (cancell.) (CRog 5, f. 141v)

1434-04-17 Officiales
Ser Andreas de Volzo, ser Blasius de Georgio, ser Nicola de Lucari Ste. electi fuerunt officiales ad formando et defferendo ad hunc consilium providimentum ubi et quomodo reponi et teneri debeant olea in civitate pro securitate civitatis. (CMin 6, f. 127r)
1434-10-30 Pro provedimento amplianda civitatem
Prima pars est de induciando super provedimento allato per officiales de ampliando cum muro civitatem nostram (cancell.)
Secunda pars est de deliberando supe ipso provedimento. Per xviiii contra xvi
Prima pars est de portando dictum provedimentum ad maius consilium. Per xxviii contra vii
Secunda pars est de non portando (cancell.)
Prima pars est de portando ad maius consilium eundem provedimentum ad diem Jovis iiii mensis novembris proximi cum pena. (cancell.)
Secunda pars est de portando ipsum ad diem sabati vi dicti mensis novembris cum pena ut supra. Per xx contra xv. (CRog 5, f. 228v)

1436-08-08 Pro iperperi CLXX infra solvendo personis pro rebus suis amissis in combustione domorum comunis.
Prima pars est de dando libertatem domino rectori et eius minori consilio possendi expendere et dare ab iperperi centum LXX infra ex denariis communis illis personis que res suas comodaverunt (?) et perdiderunt in combustione et crematione pridie secuta de domibus communis. Capta per omnes, contra I. (CMa 5, f. 89v)

1438-02-25 Pro expellendo leprosos de civitate
Captum fuit de expellendo omnes leprosos et leprosas existentes in civitate cum consilio nostrum medicorum videlicet extra civitatem. (CMin 7, f. 200v)

1439-08-07 Contra euntes de nocte
Captum futi quod nulla persona <cuiuscumque status existat> (audeat, cancell.) possit ire per civitatem post tercium sonum campane sine lumine. Et quilibet qui de per oculis faciat ire per civitatem post tertium sonum campane noctis sine lumine sit in arbitrio domini nostri ad providendum eum.
In margine: Cridatum ea die per Lucam riparium. (CMin 8, f. 81r)
1439-11-25 Contra euntes de nocte
[simile] (CMin 8, f. 108v)

1441-04-10 Contra iacentes ballotas per civitatem
Captum fuit de faciendo publice proclamari in logia comunis quod non sit aliquis qui audeat iactare de ballotis cum arcu per civitatem nec per muros civitatis sub pena ypp. quinque pro quolibet contrafaciente et qualibet vice.
In margine: Cridatum per Iohanem Urtich die hoc. (CMin 8, f. 245v)

1441-06-27 Pro focis in viis civitatis et follis non faciendis
Captum fuit quod nemo cuiuscunque condicionis existat audeat vel presumat facere focum vel ignem in civitate super viis vel stratis comunis. Et similiter non possint super ipsis viis et stratis pannos follare vel follos tenere sub pena contrafacientibus auferendi ad voluntatem domini rectoris et sui minoris consilii. (CMin 9, f. 1v)

1441-07-30 Libertas pro yperperis CCCC levandis ex deposito communis pro laboreriis civitatis veteris [b. CXIII] Prima pars est de dando libertatem domino rectori et eius minori consilio possendi levare de denariis depositi communis usque yperperos quadringentos pro laboreriis fiendis in civitate veteri. Per b. CII.
(Secunda pars est de non dando dictam libertatem. Cancell.)
(CMa 6, f. 117v)
1441-07-29 Pro levando ypp. 400 de deposito comunis
Prima pars est de dando libertatem domino rectori et eius minori consilio levandi de deposito communis yperperos quadringentos pro dandis ipsis officialibus laboreriorum civitatis veteris pro opportunitate dictorum laboreriorum. Per CXI, contra V.
(Secunda pars de non dando dictam libertatem. Cancell.)
(CMa 6, f. 123r)

1441-11-21 Pelles non sicentur nisi ad pellillas consuetis
Item nemo audeat nec presumat sicare pelles salitas animalium alio quam ad pellillas consuetas sub pena iperperi unius ad rationem centenarii pellium pro quolibet contrafaciente solvenda et qualibet vice, cuius pene medietas sit accusatoris, si fuerit, per quem veritas habeatur et alia medietas sit nostri comunis. Et nichilominus solvere teneatur dohanam consuetam per pellibus siccando ad dictas pellillas. (CMin 9, f. 37r)

1442-08-04 Quod sulfur specialium personarum collocandum in voltis
Captum fuit quod omnes et singuli habentes sulfurem debeant ipsum collocasse ad tardius, in vel sub voltis, usque XII presentis sub pena yperperi XXV pro quolibet contrafaciente salvo quod in apotecis vel aliis locis possint tenere de dicto sulfure usque libris XX pro monstra absque aliqua pena. (CMin 9, f. 109v)

1443-01-24 Officiales
Ser Marinus Mi. de Restis, (Ser Iunius Mat. de Gradi cancell.), Ser Sigismundus de Georgio, Ser Nicola Si. de Goze loco scripti ser Iunii Mat. de Gradi ellecti fuerunt ad videndum et examinandum tam in civitate quam extra usque montis (?) locum idoneum pro fossis fiendis pro conservatione grani et reportando presenti consilio. Et de pluri examinare debeant pro getto cere fiendo alibi et reportando ut supra. (CMin 9, f. 154v)

1445-02-02 Contra Petrum ser Vite de Restis
Captum fuit quod Petrus ser Vite de Restis tenere non debeat ludum azari nec baratariam in apotheca sua nec alia sub pena standi duobus mensibus in carceribus communis. (CMin 10, f. 101v)

1445-05-29 Contra ferrentes arma
Captum fuit de faciendo publice cridari in logia comunis quod nulla persona cuiusque condicionis extat que tam de die quam de nocte audeat vel presumat portare aliquem cultellum nec aliquid arma per civitatem que excedit longitudinem unius palmi cum manico et qui contrafecerit stare debeat singula vice qua contrafactum fuerit tribus diebus in uno ex carceribus comunis nostri et de pluri solvere debeat pro pena nostri comuni ypp-i quinque cuius pene medietas sit acusatoris si fuerit aut illius qui eum ceperit cum arma et allia medietas sit comunis nostri. Et ammittendi arma. Et quod domini de nocte videlicet illi quibus nocte precedenti tetigisset custodia debeant una cum aliquibus de squaraguayta debeant singula die de mane aut post prandium ire per civitatem ad querendum contrafacientes quod cum invenientur capere et intromittere debeant si portaverint aut si non portaverint statim denunciare domino rectori et minori consilio sub pena cuilibet domino noctis ypp-i XXV et cuilibet de squaraguayta ypp-i quinque singulum vice que contrafactum fuerit.
In margine: Eo die cridate per Maroe Dobrosalich. (CMin 10, f. 133r)

1445-05-29 Contra euntes de nocte sine lumine
Captum fuit de faciendo publice cridari in logia comunis nostri quod aliqua persona cuiusque condicionis existat sic que audeat vel presumat nec sine lumine per civitatem post tertium sonum campane sub pena standi tribus diebus in uno ex carceribus comunis nostri. Et quod domini de nocte videlicet illi qui fuerunt de custodia teneantur una cum squaraguayta ire singula nocte per civitatem ad querendum contrafacientes. Et quoscumque invenerint contrafacientes quod capere et intromittere debeant si potuerint et si non potuerint quod denunciare debeant domino recori et minori consilio sub pena ipp-is XXV pro quolibet domino de nocte et ipp-i quinque pro quolibet de ipsa squaraguayta singulo vice qua per ipsos contrafacientes fuerit.
In margine: Eo die cridata per Maroe Dobrosalich. (CMin 10, f. 133r)

1445-11-13 Non ludendum ad pillam circumcirca ecclesaim Sancte Marie
Captum fuit quod nemo cuiusque condicionis existat audeat nec presumat ludere ad pillam circumcirca ecclesaim Sancte Marie. (CMin 10, f. 178v)

1445-12-23 Proclamata per Marinum preconem non ludatur ad taxillos
Captum fuit de faciendo proclamari in logia communis publice quod nemo cuiusque conditionis existat audeat nec presumat ludere ad taxillos in aliquo loco civitatis nec extra circumcirca civitatem sub pena ypp-iorum quinque pro quolibet contrafaciente et qualibet vice. (CMin 10, f. 190v)

1446-05-19 Non ludendo ad pillas prope Sanctam Mariam et ecclesiam Sancti Francisci
Captum fuit quod nulla persona cuiusque conditionis existat audeat ludere ad pillam prope eclesiam Sancte Marie nec prope eclesiam Sancti Francisci sub pena ypp-i unius pro quolibet contrafaciente et qualibet vice. Quo ypp non soluto per totam diem qua fuerit contrafacta tunc contrafaciens stare debeat introcluxus in camera suepriore regiminis ubi est nunc tribus diebus continuis. (CMin 10, f. 242v)

1446-06-06 Crida pro porcis
Captum fuit de faciendo publice proclamari in loco sollito logie quod nulla persona habens porcum non permittat illum ire per Plateam neque logiam civitatis nostre et si quis receptus fuerit quod possit impune occidi. Et de pluri quod patronus et dominus illius solvat pro pena et banno ypp-i quinque. (CMin 11, f. 14v)
1446-09-10 Quod porca non eant per civitatem
Captum fuit quod habentes porcos sive sues in civitate debeant abduxisse et vias menasse per totam diem crastinam. Et si quis contrafacerit transacto dicto termino sit licitum cuilibet volenti interficere tale porcum sive porcos repertos ire per civitatem. (CMin 11, f. 35v)

1447-08-31 Crida ut non eant per civitatem porci
Captum fit de faciendo publice in locis consuetis cridari quod nemo dimittat nec per civitatem nec per becariam porcos suos sub pena contenta in ordinibus superinde loquentibus.
In margine: Cridata per Gvarchum Urtich. (CMin 11, f. 124v)

1447-02-20 Ordines
Captum fuit per sententiam minoris consilii quod nulla persona cuiusque conditionis existat exceptis his qui essent domini de nocte aut de squaraguayta nocturna audeat nec presumet ire per civitatem de nocte transacta secunda hore noctis sub pena standi uno mense in carceribus comunis de subtus videlicet sine lumine.
In margine: die XX februarii suprascripti cridata per Iohannem Urtich. (CMin 11, f. 79r)

1447-04-25 Pena illis qui iactant cum arcu ballotarum
Captum fuit de faciendo publice cridari in logia confacta quod non sit aliqua persona que audeat aliquo iactare per civitatem cum arcu ballotarum sub pena ypp-i quinque pro quolibet contrafaciente et qualibet vice.
In margine: Eo die cridatum per Marcum Dobrosalich rivarium. (CMin 11, f. 91r)

1447-08-08 Pena euntium antimuros
Captum fuit de faciendo publice cridari quod nulla persona cuiusque condicionis existat audeat intrare in antimuros ubi est canale aqueductus fontane sub pena standi diebus XV in carceribus.
In margine: Cridata die dicto per Maroe rivarium. (CMin 11, f. 116r)

1448-04-29 Libertas pro inveniendo contra sagiptatores
Captum fuit de eundo ad maius consilium pro levando libertatem domino rectori et suis iudicibus possendi expendere ab ypp-i cc infra nostri comunis pro inveniendo et sciendo qui fuerunt illi qui perdet sagitando proicierunt duas sagiptas in civitate videlicet unam in Platea aliam ad pontem portus. Ita tam et ad hoc quod si quis ex dictis delinquentibus sagiptatoribus qui tales sagiptas proiassent alterum eorum accusasset sit ipse ire franchus et liber a pena quam incurrisset. (CMin 11, f. 190v)

1448-06-14 Contra ballantes per civitatem
Captum fuit quod nulla persona tam masculus quam femina tam in nocte presentis diey quam etiam Sanctorum Iohannis et Petri pulsata tertia vice campana noctis non audeat per plateas neque vias neque per aliquam partem civitatis trepudiare neque ballare neque ignes facere sub pena standi per tres dies in carceribus comunis. Et ad eandem penam cadere debeat quelibet persona que post secundam horam noctis reperta fuerit nec per civitatem in ipsis noctibus predictorum dierum. (CMin 11, f. 208r)

1449-03-15 Pro puteis et cisternis comunis nectandis
Captum fuit quod officiales nostri laboreriorum debeant nectari facere putea communis et ea claudi ne prohiciantur immondicie intus. Et similiter debeant nectari facere cisternas comunis necessarias ad nectandum. (CMin 12, f. 62r)