d5
aressanata
1403-01-13 Officiales pro lignamine arixi
[In minori consilio] Ser Michael de Lucaris et ser Andreas de Volcio electi fuerunt ad providendum ex unde possit haberi de lignamine arixi pro archis nostre resanate. (Ref 32, f. 25r)
1403-04-21 Pro turris murandis.
In dicto minori consilio captum fuit quod pro laboreriis nostrorum turrium et pro murando nostram aressanatam a latere maris officiales nostri super laboreriis nostris emant de lapidibus insule nostre Zuppane. (Ref 32, f. 35r)
1403-04-21 Pro ressanata muranda.
In rogatorum consilio ballotis XXX. Prima pars est de murando nostram ressanatam a latere maris. Captum ballotis XXII. Secunda pars est de suprastando. (Ref 32, f. 143r)
1403-06-12
Die XII iunii. In minori consilio fuit captum quod trabes ponendi ad portas nostre ressanate a latere levantis ponantur intus ita quod archivolti remaneant scapuli ab extra et in eis non fiat aliquod foramen. (Ref 32, f. 41v)
1410-03-01 Pro resanata
Captum est de inferando unam fenestram super arsenam et comittendo officialibus ut ipsam inferari faciant prout alias fuit et de amovendo et ruinando Hobrado (?) quod non audeat aliquo modo eam deferari. (Ref 33, f. 137r)
1410-03-24 Pro claudendo archivoltos arsenatus
Captum fuit de claudendo arsenatum ab archivoltis supra ponendo trabes in curtello et super trabes laborando de lapidibus coctis vel de tuffo. (Ref 33, f. 143v)
1412-01-13 Pro arcubus arsenatus
Captum fuit [in minori consilio] quod die sabati proximo de mane vocentur officiales laboreriorum et etiam magister voltarum ad consilium et de videndo et deliberando super facto arcuum arsenatus qui ceciderunt. (Ref 34, f. 7r)
1412-01-23 Contra Iohannem Grandozium
Captum fuit [in minori consilio] quod et per sententiam condemnatus fuit magister Iohanes Grandozius magister voltarum in dicto consilio minori quo propter defectus quos commisit in laboreriis per ipsum factis in arsenatu de cetero non possit amplius laborare in dicto arsenatu. (Ref 34, f. 7r)
1412-10-07
Item captum fuit [in minori consilio] de comitendo officialibus nostris laboreriorum quod fieri faciant duas choaclas sive privasias, unam in arsanato, et hec primo fiat. Alia ad angulum turris pene. (Ref 34, f. 44r)
1418-7-14 Pro castro sancti Laurentii et civitate
Item quod fiat murus unus a turreta cathene versus resanatum usque ad mare per medium quod transiri non possit per terram post molum. Captum per xxv contra vii.
(…)
Item ordinamus pro arsanato a trabe insuper tantum quantum tenet archivoltum in sursum quod claudatur cum lapidibus coctis. Et a trabe infra claudatur cum palanchis galearum, que palanche semper auferri poterunt et poni ad eorum officium videlicet ad varandum galeas in mare. (CRog 1, f. 128v)
1420-05-17 Ordines editi tam pro custodia quam aliorum necessariorum civitatis, ad presens consilium delati per officiales ad hec ellectos firmati prout inferius apparebit
Primo quod omnes buce arsanati murentur usque ad peducia arcus ex subtiliori muro lapideo quo possibile sit facere pro eo negocio. Firmatum per xvi contra xv.
(…)
Item sub turri sancti Luce post comunem domunculam prope pallatam macelli aptetur et reparetur murum taliter quod a parte exteriori civitatis transiri non possit ad veniendum intus portu. Firmatum per omnes.
(…)
Item fieri debeat unum murum a turreta cathene versus arsanatum usque ad mare taliter quod post molum per terram transiri non possit secundum quod in parte per consilium rogatorum capta in millesimo quadringentesimo decimo octavo die quartodecimo Julii continetur. Firmatum per xxx contra i.
(…)
Item compleatur murum et aditus turris moli, et fieri debeat porta dicte turris in alto eo modo quo in parte per consilium rogatorum capta in millesimo quadringentesimo decimo octavo die quarto decimo aprelis(!) continetur. Captum per omnes.
(…)
Et cum videamus, muris civitatis et castri sancti Laurencii multa laboreria esse necessaria, quia dictis muris non sunt scale nec anditus ad sufficientiam.
(…)
(CRog 2, f. 113v-114v)
1421-8-14 Pro arcu arsenatus
Captum fuit de fieri faciendo in arsenate comunis unum alium arcum secundum illum modum et illam formam que data fuit per Allegretum lapicidam qui laborat laboreria domus voivode Sandagl que causa quo possit fieri secum concordium et de dando libertatem ser Natali de Proculo et ser Iunio de Bona consiliariis parvi consilii possendi convenire et pacisci cum dicto magistro Allegreto pro laborerio dicti arcus cum quam maiori avantagio nostri comunis fieri poterit. (CMin 2, f. 211v)
1421-8-22 Pro arcubus arsenatus
Captum fuit quod in casu quo officiales laboreriorum sunt in concordio cum magistro Iohane Grandoçio et magistro Allegreto lapicida pro duobus arcubus laborandis in arsenatu comunis et scripta fuerint pacta in cancellaria Ragusii quod tunc debent dari duobus dictis magistris ypp. quinquaginta pro unoque eorum pro parte laborerii ad salem de ypp. VC assignatis ibi et quod ser Andreas de Menze et ser Iunius de Bona consiliarii nostri consilii habeant libertatem paciscendi cum dicto magistro Iohanne nomine nostri comunis pro dictis arcubus. (CMin 2, f. 212v)
1422-05-23 Pro ores arsenatus murandis
Prima pars est de dando libertatem domino rectori et suo consilio faciendi murare ora in arsenate que sunt aperte portus. Captum per xxii contra xvi
Secunda pars est de non dando dictam libertatem (cancell.) (CRog 3, f. 95r)
1422-11-7 Pro Allegreto lapicida
Captum fuit de faciendo officialibus laboreriorum pro dando magistro Allegreto lapicide pro parte solutionis arcus construendi in arsenate apodixiam yperperorum quinquaginta in camera. (CMin 3, f. 25r)
1423-6-22 Pro segio arsanate
Captum fuit de commictendo officialibus laboreriorum quod fieri faciant segium in Platea infra arsenatam contiguum usque ad ostium fontechi. (CMin 3, f. 75r)
1424-4-4 Poliza officialibus laboreriorum pro Alegretto
Captum fuit de faciendo polizam unam yperperorum quinquaginta officialibus laboreriorum ad dohanam getti quod ypp. dicti officiales dare debeant Alegretto lapicide pro archu facturo per ipsum Alegrettum in arsenatu Ragusii. (CMin 3, f. 136r)
1424-9-28 Pro reparandis barbacannis in arsenate et aliis
Caputm fuit de imponendo penam yperperorum vigintiquinque pro quolibet officialibus laboreriorum comunis quod usque ad per totum mensem octobris proxime futurum debeant reparasse et reaptasse barbachanes in arsenate et ad Sanctum Iohanem de Pusterna et pontes sive molos portus ubi est opportuna. (CMin 3, f. 164r)
1424-9-28 Pro reparandis barbacanis in arsenate et aliis
… … …. (CMin 3, f. 164r)
1425-1-17 Libertas officialibus laboreriorum pro cuppis
Captum fuit de dando libertatem ser Petro de Bona et sociis officialibus laboreriorum comunis quod pro cohoperiendo cohopertam arsenati possint emere miliaria duo cupporum qui vocantur gravagna ad rationem yperperourm viginti pro miliarii. (CMin 3, f. 192r)
1425-5-31 Pro arcubus in arsenate
Captum fuit de firmando infrascriptum scriptum pactorum cum infrascriptis angariis prout in illo legitur cuius tenor per omnia sequitur videlicet: Per lo dicto lavorerio de arsena io Allegreto et Dobrasin faremo questi archi due a modo come questo quale avemo facto nuovamente et si veli daremo facti perfin a mesi dodici abiando denarii pagamento in questa forma non esser stentati di pagamento adesso voglo imprima ypp. cento et si voglo avanço ogni due mesi ypp. cento perfina mesi XII di nostro termine perche voi sapete bene non abiando pagamento presto non poremo attendere et diquesto a voi daremo sicurtade per che voi sapete bene che l maestro domandando denari non poria attendere. Et questo lavoriero faremo per pregio de ypp mille et la armadura zoe di ligname et di sarthia quel che bisogna per metter li archi in … et de questo vorane aver risposta per fin che no me agio imbratado in altro lavorerio. (CMin 3, f. 227r)
1425-6-1 Nil per totam
Predicti Allegretus et Dobrassinus lapicide predicti super se et omnia eorum bona acceptaverunt dictum pactum in omnibus et per omnia prout superscripta est promittentes attendere et observare prout in eo continetur et numquam aliud laborerium intromittere nec ad alia laboreria attendere quousque dicti arcus erunt perfecti et conpleti dummodo sibi attendatur de solutionibus prout super sibi promissum est et de omnibus dare promiserunt sufficientem plezariam. Renunciantes. (CMin 3, f. 227r)
1425-6-1 Pro officialibus laboreriorum comunis
Captum fuit quod ad laborerium supradictum debeant attendere officiales laboreriorum comunis et ipsum laborerium perduci faciant ad executionem et perfectionem. (CMin 3, f. 227r)
1425-8-21 Libertas officialibus laboreriorum
Captum fuit de dando libertatem officialibus laboreriorum nostri comunis quod reaptare et reparare possint et debeant barbacanes arsanatus prout eis melius videbitur. (CMin 3, f. 250r)
1426-1-5 Pro Allegreto et Dobrasino pro arcu in arsenate
Captum fuit de precipiendo officialibus armamenti quod debeant mutuo concedere Allegreto et Dobrassino lapicidis sartias et taglas opportunas eis pro erigendo arcum in arsenate et officialibus laboreriorum quod dent eis ligna opportuna pro armatura dicti arcus cum conditione quod si rumperent vel vastarent sartias aut taglias teneantur venire ad hoc consilium. (CMin 3, f. 278r)
1426-1-9 Pro officialbus laboreriorum pro magistro Allegreto
Captum fuit de dando libertatem officialibus laboreriorum comunis anni proxime preteriti quod absque plegraria dare debeant yperperos centum magistro Allegreto et socio magistris qui eriguunt et faciunt archum in arsanata. (CMin 3, f. 278v)
1426-1-9 Pro officialibus armamenti pro magistro Allegreto
Captum fuit de precipiendo officialibus armamenti quod armaturas lignaminum arcus veteris arsanate quas habent in salvamentum concedere debeant magistro Allegreto et socio magistris arcus novi arsanate. (CMin 3, f. 278v)
1426-3-16 Pro officialibus laboreriorum
Captum fuit de dando et imponando officialibus laboreriorum comunis quod dare debeant yperperos ducentos Allegreto et Dobrasino magistris archuum arsanate pro ipso laborerio non obstante quod non dent plegariam. (CMin 3, f. 294v)
1426-05-31 Pro officialibus laboreriorum
Captum fuit de dando libertatem officialibus laboreriorum comunis quod sedilia seu sezia existentia ad arsanatum intra ambas utraque portas arsanate prout opus est reaptari facere debeant cum tabulis desuper quas poni facere debeant. (CMin 4, f. 11v)
1427-06-24 Libertas officialium laboreriorum pro segio arsenatu
Captum fuit de committendo officialibus laboreriorum quod compleri faciant segium sive sedile de muro apud murum arsenatus in Platea prout est aliud incipiendo videlicet ab alio quod factum est et eundo usque ad murum vetus muratum in muro prope portam arsenatus et quod super dicto segio tam facto quam futuro nemo possit aliquid vendere sed servetur pro sedendo nobilibus. (CMin 4, f. 101v)
1428-04-24 Pro archubus arsanate
Prima pars est de faciendo murare archus arsanate de versus portum. (cancell.)
Secunda pars est de induciando. Captum per xxi contra xi. (CRog 4, f. 54r)
1428-11-02 Pro remis locandis in arsenate prope galeas
Captum fuit quod officiales armamenti debeant pro salvamento remorum affigi et murari facere in muro arsenatu qui est inter ambas galeas trabes magnas et fortes que ab utraque parte muri exeant tantum quantum non impediant pupim galiarum cum vacarentur et quod super ipsa capita lignorum reponantur et conservantur remi iuxta galeas ipsas videlicet ut quelibet galea habeat remos suos iuxta se. (CMin 4, f. 199r)
1429-02-25 Pro remis locandis
Captum fuit quod officiales galearum pro salvamento remorum debeant affigi et murari facere in muro arsenatus que est inter ambas galeas trabes magnas et fortes que ab utraque parte muri exeant tantum quantum possit non impediendo puppim galearum quando vacarentur. Etiam quod super ipsa capita lignorum reponantur et conservantur remi iuxta galeas ipsas videlicet ut quelibet galea habeat remos suas iuxta se. Et si remi superessent locare illos debent super ipsa ligna versus provas sive prodas galearum et similiter debeant deponere remos qui sunt super cordas quarti arsenatus et sortiri facere illos videlicet magnos a parvis et illos ad galeas ab illis ad brigantinos et se sortitos locare super dictis lignaminibus separando versus dictas provas galearum. (CMin 4, f. 222r)
1429-02-28 Pro non vendendo aliquid super segiis arsenate et Sancti Blasii
Captum fuit quod nemo audeat vendere <granum vel aliud> aliquid super segia que sunt ad latus arsenate in Platea nec super segia circa concham Sancti Blasii sub pena grossorum XXI pro quolibet et qualibet vice qua fuerit contrafactum. (CMin 4, f. 226v)
1429-02-28 Pro segiis fulciendis de arice per officiales laboreriorum
Captum fuit quod officiales laboreriorum debeant mittere Venetias acceptum de tabulis de arice pro fulcimento segiorum lobie tam cohopertorum quam discopertorum et circa concham Sancti Blasii. Et quod fulciant segium arsenate cum maderiis gabelarum que non sint sufficientia pro laborerio galearum. (CMin 4, f. 226v)
1429-05-24 Pro non lavando pannes ad puteos arsenatus
Captum fuit quod nemo audeat vel presumat balneare sive lavare pannos ad puteos prope arsena sub pena grossorum duodecim pro quolibet contrafaciente et qualibet vice.
In margine: Cridata per Ratchum.
(CMin 4, f. 243r)
1429-08-10 Pro officialibus laboreriorum pro reaptatione plurium
Captum fuit de cohortando officialibus laboreriorum comunis quod aptari facere debeant corlat in quo ferrantur equi prout opus est. Et similiter tabulas becarie et sedelia prope arsanatam et circumcirca ecclesiam Sancti Blasii per totum presentem mensem augusti sub pena yperperorum XXV pro quolibet eorum. Et quod accipere possint ab officialibus gallearum si opus fuerit pro aptando corlat trabem unam. (CMin 4, f. 259r)
1429-08-16 Pro officialibus laboreriorum pro mundando arsenatam
Captum fuit de commitendo officialibus laboreriorum comunis quod nitidare et mundare facere debeant arsanatum et terenum et scopaturas in unum colligere et reponere. Et ad catenam portus ordinare quod quelibet navis et barcha vacua que portum exire voluit debeat levare et accipere de dicto terreno et scopaturis factis et assunatis ut supra et ipsum portare et in mari proicere subtus Sanctam Margaritam. Et aliter portum exire non permittatur intelligendo quod navis mittere debeat batellum suum ad levandum et accipiendum dictum terenum et scopaturas. (CMin 4, f. 260v)
1430-01-24 Pro officialibus laboreriorum
Captum fuit de dando libertatem officialibus laboreriorum comunis quod emere debeant duas grede sive trabes et eas poni facere in coperta arsanate magne loco illarum que fragide sunt. (CMin 5, f. 11v)
1430-10-17 Pro officialibus laboreriorum pro arsanata
Captum fuit de dando libertatem officialibus laboreriorum comunis quod sub pena yperperorum XXV pro quolibet eorum debeant reaptari facere podatas archetorum arsanate que seu qui ruunt et quicquid aliud opportunum est fieri et reaptari in dictis archis. (CMin 5, f. 69v)
1432-02-20 Provedimentum allatum per tres nobiles officiales super inde ellectos pro conservatione et augmentatione nostre rei publice, et hoc pro novis presentialiter sonantibus firmatum ut infra
(…)
Item a benplacito del pizolo consiglio che lor vadano a veder e examinar le mure de la citade nostra per mar. E fazano e provedano quanto li parera esser de bisogna de proveder per quelle mura. E specialmente a far murar la torre de la penna del porto nostro. Per omnes.
Item a beneplacito del pizolo consio fazasi serar de muro sotto la torre de le cadene, azio che non sia ambito in torno de quella, come altre fiade fu prexo per conseio del pregato. Per omnes.
Item a beneplacito ut supra, sia provezuto o con muro o con rete de ligname, che larsenate non sia aperto, che si possa intrar ne insir de la citade per la via di mar. E che a questi tempi de mo, sia fatto meglior guardia di quello si fa al presente dentro dal arsenate. Per omnes. (CRog 5, f. 66rv)
1432-03-15 Provedimentum allatum per tres nobiles pro eo ellectos pro custodia civitatis, firmatum fuit capitulatim(?) ut infra
(…)
Item chel sia repezate le casete son intorno le mure, e in le torre per guardia di tuto li fara bisogna. E mancando alguna di quelle ad esser fatta, si debano persimile far di novo…(?). Per omnes
E chel si debia far far le porte con le sue serature e chiave a tute le scale de le mure, dove son al presente et e usitato de esser. Le qual chiave siano ricomandate e date a salvar alli piu proximi visini de quelle scale, siano persone sufficiente. I quali vixini debano di sera aprir le ditte porte ale guardie et la matina serarle, salvando ut supra esse chiave apresso desi.
(…)
Primo chel detto menor consiglio vada a veder et examinar le mure de la citade per mar etc.
Secundo che si faza di muro serar sotto la torre de le cadene etc.
Tertio sia serato larsenate con muro o con rete etc.
(CRog 5, f. 72r)
1432-03-22 Pro officialibus laboreriorum communis
Captum fuit quod officiales laboreriorum comunis teneantur et debeant aptare et refficere barbacanum arssenatorum nostrorum parvi et magni ac cohopertos ipsorum repezare et pontem sive ripam lignaminum portus nostri usque ad turrim moli videlicet ex laborerio lapidum ubi fuerit opportunum repezare et similiter muros becarie. Item post dictum laborerium dicti oficiales teneantur et debeant fieri facere unam aliam lapidum penes catenam nostri portus videlicet citra catenam ad cantonatam aliam usque ad primam fenestram domus catene que vadat in mari versus barbacanos arsenatus nostri et longam tantum quantum non possit deinde transire nisi per aquam maris. Item dicti officiales similiter teneantur et debeant fieri facere et sequi novum murum civitatis nostri inceptum a monasterio Sancte Marie de Castello usque ad foveas bladorum comunis. (CMin 5, f. 186v)
1432-03-22 Pro officialibus laboreriorum communis
Captum fuit quod officiales laboreriorum comunis teneantur et debeant aptare et refficere barbacanum arssenatorum nostrorum parvi et magni ac cohopertos ipsorum repezare et pontem sive ripam lignaminum portus nostri usque ad turrim moli videlicet ex laborerio lapidum ubi fuerit opportunum repezare et similiter muros becarie. Item post dictum laborerium dicti oficiales teneantur et debeant fieri facere unam aliam lapidum penes catenam nostri portus videlicet citra catenam ad cantonatam aliam usque ad primam fenestram domus catene que vadat in mari versus barbacanos arsenatus nostri et longam tantum quantum non possit deinde transire nisi per aquam maris. Item dicti officiales similiter teneantur et debeant fieri facere et sequi novum murum civitatis nostri inceptum a monasterio Sancte Marie de Castello usque ad foveas bladorum comunis. (CMin 5, f. 186v)
1432-07-23 Pro officialibus laboreriorum
Captum fuit quod officiales laboreriorum debeant facere claudere portam unam nostri arsenatus versus mare cum lignamine quod lignamen sit sufficiens pro palangis quando galee varabuntur faciendo fieri fundamentum dicte seralie de petris quod totum laborerium fieri faciant cum parere Antolini protomagistri et Marci marangoni. (CMin 5, f. 210v)
1432-12-04 Pro officialibus armamenti
Captum fuit quod officiales armamenti per totam diem crastinam debeant destrui fecisse et levasse solaro quod est in arsanata supra portam et tendit supra galleam. (CMin 6, f. 2v
1433-03-16 Pro officiales laboreriorum
Captum fuit quod officiales laboreriorum debeant poni facere canalia lapidea ad cohoperturam arsenatus nostri versus Plateam quot fuerint opportuna quo aqua queat duci ad cisternam nostre Sponce. (CMin 6, f. 28v)
1433-09-06
Captum fuit quod officiales laboreriorum sub pena yperperorum XXV pro quolibet crastina die incipere debeant ad faciendum ponere canalia ad arsenatam et laboreria illorum canalium prosequi cum solicitudine. (CMin 6, f. 68v)
1436-02-13 Pro arsanata nostra
Prima pars est de faciendo tres nobiles officiales qui forment et formatum portent ad consilium rogatorum et provedimentum quod eis videbitur faciendo pro securitate arsanate nostre. Captum per XXI contra XI.
Secunda pars est de ordinando in presenti consilio. (cancell.) (CRog 6, f. 35r)
1436-02-23 Provedimentum pro arsanata
Prima pars est de firmando provedimentum insfrascriptum pro arsanata delatum per officiales, et lectum in presenti consilio. Captum per 21 contra XI.
Secunda pars est de corrigendo. (cancell.)
In margine: pro arsanata
Per schivar molti inconvenienti, i quali occorere poriano stagando lo nostro arsenate aperto come al presente se ritrova, pare alli officiali açio elletti, sia e provedere si debia in questo modo.
Prima che tutte le porte del dicto nostro arsanate siano ra(??) questo modo inserare se deiano, zoe che in lo mare intra li pilastri delli archi desso arsanate, siano fatte soglie de piere grosse incastrade com frezo, alte per raxon come fara bisogno, per modo in lo tirar e cavar le gallee del arsanata non sia inpazo. Lo qual soglier sia cavado per mezo per tutta longeza, e sotto li detti archi metere se debia uno travo, lo qual cavato sia per tutta sua longeza per modo che la cavatura desso travo con la cavatura delle soglie si corresponda per piombino. Et in queste due cavature metere se debiano palange, comenzando da uno pilastro per fino laltro. E le ultime due palange le quale vegnerano per le predicte porte siano inserate con le seradure, le qual mettere si debia sopra il travo. E le chiave dele dicte porte star debiano in la cancellaria com le chiave dele torre. E per che la gallea nova la qual e in larsanata dreto la dohana del peso e piu longa del suo arsana, e trapassa fora del archo circa braza duo. E lo muro chi e infra detta dohana e lo arsana e grosso braza duo e mezo, lo qual mur cavar se debia peer mesura tanto che la poppa della dicta gallea possa intrar dello dicto muro. E questo per che quella ancora la porta seria impazada
E per che al presente in larsanata non sono palange ne travi, per pui cha(!) duo gallee, et ancora vegneriano manchar palancheper le dicte porte pero com presteza sia mandato in boiana(?) per le dicte palange e travi. E siano trovate bone e alla mesura delle porte cusi de longeza e largeza, come de groseza, e quante et quanti farano bisogna.
E per che sono piu fenestre nelli arsanati le qual guardano in verso piaza e sopra piscaria e sono senza le porte, pero a tutte quelle talle fenestre siano fatte le porte con li romanesi et aperte non siano noma ali bisogni.
Et in questo modo medemo inserar se debia lo pizolo arsenate de verso el mar. (CRog 6, f. 36r-36v)
1436-02-24 Officiales ad faciendum recludere arsanatam
Ser Marinus Ra. de Goze, ser Andreas Mar. de Gondola, ser Nicola Io. de Caboga electi fuerunt officiales ad fieri faciendum laboreria in et pro recludendo et claudendo sive ferando arsanatam nostram in omnibus et per omnia secundum provedimentum heri captum in nostro consilio rogatorum cum libertate et modis et condicionibus consuetis. (CMin 7, f. 27r)
1436-05-22 Pro officialibus armamenti pro batello
Captum fuit quod officiales armamenti conperstare debeant officialibus laborerii arsanate batellum comunis pro conducedo lapides pro laborerio ipsius arsanate. (CMin 7, f. 58r)
1436-05-22 Pro porta arsanate que cum clavi ab extra claudi et aperiri debeat
Captum fuit quod decetero fieri debeat una clavis cum fera ab extra ad portam arsanate nostre que porta claudi cum dicta clavi ab extra debeat quando pulsatur ad terciam que clavis ad ipsam terciam dari et permutari semper debeat domino noctis qui illa nocte erit et que porta aperiri debeat ad ave Maria de mane et ipsa clavis reddi custodibus arsanati. Et quod officiales laboreriorum facere debeant dicta laboreria. (CMin 7, f. 58v)
1436-05-26 Officiales
Ser Paladinus de Gondola et ser Marinus Mi. de Restis ellecti fuerunt officiales ad eundum cum magistris Appulis ad molendina Breni et ad Vergatum et alibi ubi sunt aque ad ostendendum aquas sive loca aquarum nostrarum et ab eis sciscitandum si aliquo modo aliqua aqua dictorum locorum posset conduci Ragusium et quomodo qua via et quo precio, et voltas arsenatus, portum quam mundandam iuxta formam partis hodie in rogatorum captam. (CMin 7, f. 60r)
1436-09-25 Pro officialibus laboreriorum comunis
Captum fuit quod officiales laboreriorum comunis aptari facere debeant in domo arsanate Antonio protomagistro coquinam sive fochinum coquine ipsius ita quod bene stet (et eam ignis dubitari (?) non possit, cancell.). (CMin 7, f. 89r)
1437-11-06 Quod reperiatur unus qui custodiat res arsenatus nostri pro I-o mense
Captum fuit quod officiales armamenti habeant libertatem reperiendi unam bonam personam que debeat custodire res que sunt inter nostrum arsenatum comunis pro uno mense ad rationem ypp. quinque in mense cuius mensis dominium nostrum intendat providere de uno armeraglio ipsius arsenate. (CMin 7, f. 166r)
1437-11-06 Pro batello comunis reponendo in arsanatu
Captum fuit quod officiales nostri armamenti debeant trahi et poni facere batellum magnum nostri comunis in nostro arsenatu in loco non impediente galeas nostras. (CMin 7, f. 166r)
1437-01-15 Officiales laboreriorum arsanate
Ser Benedictus de Gondola electus fuit officialis laboreriorum arsanate unacum ser Marino Ra. de Goze et ser Nicola Io. de Caboga officiales ipsius laborerii cum auctoritate, modis et condicionibus consuetis. (CMin 7, f. 119r)
1438-01-08 Pro aptando campanam, scalam, bombardas magnas et logiam cohoperiendo
Captum fuit in minori consilio quod officiales fabrice et laboreriorum regiminis aptari facere debeant expensis nostri communis scalam lignaminis qua itur ad campanele regiminis. Item aptari faciant campanam magni consilii positam in dicto campanile prout fuerit necesse. Et etiam faciant reaptari cohopertam logie Platee ubi fuerit opportunum. Et bombardas magnas que sunt descoperte in regimine faciat reponi et collocari in nostro arsenatu in loco et taliter quod non veniant occupare locum galearum nostrarum. Et in causa quo ibidem stare abiliter et collocari non possent absque sinistro et occupatione locorom galearum nostrarum faciant eas cohoperiri de assidibus taliter quod aqua pluvialis non noceat ipsis bombardis. (CMin 7, f. 190r)
1438-05-25 Pro arsenatu claudendo
Captum fuit quod officiales deputati ad aclaudendum nostrum veterum arsenatum debeant incipere ad laborandum ad ipsum arsenatum ad tardius per totum mensem iunii proxime futurum sub pena ypp. XXV pro quolibet ipsorum officialium. (CMin 7, f. 220v)
1438-06-28 Pro arsanate repizande et reaptande
Captum fuit quod officiales laboreriorum comunis debeant fieri facere archetos et repezare et aptare cohopertam nostri arsanate magne expensis comunis et similiter arsanate parve reaptare cohopertam. (CMin 7, f. 231v)
1438-09-19 Pro copertis utrumque arsenate aptandis
Captum fuit quod officiales laboreiorum nostri comunis debeant ordinari et reaptari facere omnes copertas utrumque arsenatus et etiam predictam unius arsenatus que nunc stat super unum tronchum ligni < et in arsenatu parvo a latere becharie subtus planum fieri facere archetos> et quod incipiant laborare ad tardius die vigesimo secundo mensis instantis continuando ad laborandum usque quo completum et perfectum fuerit laborerium sub pena ypp. XXV pro quolibet ipsorum officialium. (CMin 7, f. 252v)
1438-09-19 Quod officiales ad claudendum arsanatam incipiant ad laborandum
Captum fuit quod ser Marinus Na. de Goze et socii officiales ellecti ad claudendum arsenatum nostri comunis debeant incipere ad laborandum ad tardius in fine instantis mensis continuando deinde ipsum laborerium usque ad complementum et perfictionem ipsius sub pena ypp. XXV pro quolibet eorum officialium. (CMin 7, f. 252v)
1438-12-11 Pro bombardis locandis
Captum fuit quod officiales armamenti duas bombardas maiores nostri communis debeant poni facere et locasse in arsenatu nostro et in loco quod non impediant arsenatum nec etiam ad avar(?) galeas. Et pro predicta ocasione possint <destruere et amoveri> facere portam arsenati (unam portam seu foramen, cancell.) quam post locationem ipsarum bombardarum debeant murare et scoppari facere. (CMin 8, f. 3r)
1439-01-13 Officiales
Ser Blaxius de Ragnina, ser Nicola Marini Ia. de Gondola, ser Iohannes Franchi de Sorgo, ellecti fuerunt officiales ad claudendum nostrum arsenatum cum modis et condicionibus consuetis. (CMin 8, f. 21r)
1440-03-15 Pro repezando cohopertam arsenatus
Captum fuit quod officiales laboreriorum nostri communis reperzari facere debeant cohopertam nostri arsenatus ubi aqua sive pluvia perveniat et damnum facit. (CMin 8, f. 139v)
1441-04-10 Pro procuratoribus domine Sancte Marie
Captum fuit de concedendo licentiam procuratoribus domine Sancte Marie quod possint locari facere in arsenatu nostri lignamen quod sibi portatum est de ponta non occupando cum illo lignamine locum alique gallee. (CMin 8, f. 246r)
1441-05-09 Pro officialibus laboreriorum libertas
Captum fuit quod officiales laboreriorum ampliari facere debeant portam arsanatus nostri tantum et taliter quod bombarda magna comunis nostri intrare possit in arsenatu. (CMin 8, f. 251r)
1442-09-18 Pro tecto arsenatus et domus armiralii aptandis
Captum fuit quod officiales nostri laboreriorum debeant aptari facere tectum arsenatus nostri et domus admiralii in omnibus et singulis locis ubi transpluit et aquam facit.1442, die XXIII octobris. Captum fuit quod dicti officiales usque ad festum Sancti Martini proxime futurum debeant aptari fecisse cohopertam arsenatus et domus armiragli ubi transpluit. (CMin 9, f. 120r)
1443-03-16 Pro aptando arsenatum et dentes collocando
Captum fuit quod officiales armamenti aptari facere debeant barbacanum nostri arsenatus prout fuerit opportunum et eis melius videbitur convenire. Et quod dentes lapideos deputatos pro coronis turrium existentes ad portam sive ripam portus collocari debeant in antimurus civitatis donec ponatur in opere ubi fuerit opportunum. (CMin 9, f. 165r)
1443-05-16 Pro repiçando cohopertam nostri arsanatus
Captum fuit de dando libertatem officialibus laboreriorum quod repizari facere debeant cohopertam arsenatus et canallie eiusdem prout opportunum fuerit. (CMin 9, f. 175r)
1443-11-30 Pro tectu arsenatus repizando
Captum fuit quod officiales laboreriorum debeant repizari facere omnes tectus arsenatus ubi expediens fuerit. Et quod incipere debeant cum primo bono tempore sub pena yperperi XXV pro quolibet eorum. (CMin 9, f. 216v)
1444-03-04 Pro barbachano arsenate repezando
Captum fuit quod officiales laboreiorum cum primo bono tempore debeant repezari et reaptari facere barbachanum arseantur comunis. (CMin 10, f. 20r)
1445-06-17 Contra officiales armamenti
Captum fuit quod officilaes nostri armamenti ad penam ypp-i XXV pro quolibet eorum tantum quod exonerabuntur matonii et salizabitur pallmentum in arsenatu ibidem debeant facere stare armiraglium aut aliam personam de qua considere possint ad custodiendum ne aliquid de armamento furtentur. (CMin 10, f. 139v)
1445-12-17 Pro officialibus laobreriorum libertas
Captum fuit quod officiales laboreriorum debeant repezari facere copertas tectorum ambarum arsenatuum nostri comunis ubi transfluunt et etiam frontispicium facere ubi opus fuerit. Et quod etiam facere debeant unum ferrum ad cathenas portus nostri sicuti sibi demonstrabitur per Michoe armaglio. (CMin 10, f. 188v)
1446-03-14 Pro arsenatu novo
Prima pars est de induciando super facto novi arsenatus de quo arrengatum fuit in presenti consilio per XVIIII contra XVIII
Secunda pars est de cassando (cancell.) (CRog 9, f. 226v)
1446-03-14
Prima pars est de induciando per totum mensem maii proxime futurum. (cancell.)
Secunda pars est de induciando per totum mensem januarii proxime venturum. Per XX contra XVII (CRog 9, f. 226v)
1446-06-12 Pro reparatione cohoperte nostri arsenatus
Captum fuit quod officiales laboreriorum debeant videre et examinare cohopertam nostri arsenatus comunis parvi si indiget reparationem et acconciamentum. Et indigente acconciamento debeant illam reppezari facere. (CMin 11, f. 16v)
1446-12-01 Pro aptando arsenatum
Captum fuit quod officiales laboreriorum debeant repezari et reaptari facere rupturam cohoperte arsenatus parve prout fuerit opportunum et de pluri aptari facere debeant canale cohoperte arsenatus magni quod respicit usque piscariam. (CMin 11, f. 58v)
1447-09-25 Pro repezando cohopertinas nostri arsenatus
Captum fuit quod officiales laboreriorum debeant repizari facere cohopertas nostri arsenatus. (CMin 11, f. 129r)
1448-02-10
Prima pars est de induciando super facto novi arsenatus fiendi (cancell.)
Secunda pars est de deliberando. Per ballotas XVIII contra XIIII. (Cog 10, f. 155v)
1448-02-10
Prima pars est de cassando quod pro nunc non consuletur super ipso arsenatu novo fiendo. Per ballotas XVIIII contra XIII.
Secunda pars est de providendo super ipso arsenatu novo (cancell.) (CRog 10, f. 155v)
1448-10-15 Pro officialibus laboreriorum
Captum fuit quod officiales nostri laboreriorum debeant tam in arsenatu quam magno tam in copertis quam in muro debeant aptari facere ubi et sicut opus fuerit et etiam in domo habitationis armiralii arsenatus tam in coperta et palmentis quam in etiam in muro ubi et sicut opus fuerit. Et similiter copertam domus ponderis farine debeant repezari facere prout opus fuerit. (CMin 12, f. 18r)
1448-11-12 Pro porta arsenatus aptanda
Captum fuit quod officiales laboreriorum aptari facere debeant portam nostri arsenatus videlicet fiblis(?) et masculis ferri. (CMin 12, f. 24r)
See also:
de arsenatu: Philippi de Diversis de Quartigianis Lucensis artium doctoris eximii et oratoris Situs aedificiorum, politiae et laudabilium consuetudinum inclitae civitatis Ragusii [1440], Pars secunda, Cap VI, 36
Serafino Razzi, La Storia di Ragusa, pr. Giuseppe Gelcich, Dubrovnik, 1903
Seraphinus Maria Cerva, Prolegomena in sacram metropolim Ragusinam [MDCCXLIV], editio princeps, prir. Relja Seferović. Caput XXXII. de paroeciis in Ragusina dioecesi, monasteriis ac insignioribus templis locisque piis. 427-434
