e5

in contrata Pusterle

1412-01-18
Ser Nicolas de Ragnina, ser Nalcho de Proculo electi fuerunt [in minori consilio] ad videndum unum casale monasterii Sancte Marie ab Angelis quod dare volunt monace ad affictum perpetuale et extimandum quod esset conveniens accipere de affictu anuali.
1412, die XXVII ianuarii predicti ser Nicola et ser Nalchus officiales electi ad extimandum predictum caxale reportarunt domino rectori et minori consilio quod affictus conveniens dicti casalis est yperperorum octo. Et erat bene locatus pro dictis perperis octo. Quam extimacionem predicti domini rector et minus consilium aprobaverunt et firmaverunt Ruscho chançelario conducenti dictum casale a dictis monacabus pro dictis yp. octo imperpetuum.
(Ref 34, f. 6v)
1412-02-23 Pro domo Ruschi cancelarii
In minori consilio per dominum Pasqualem de Resti rectorem et minus consilium euntes in contrata Pusterne ad videndum laborerium quod Ruschus quondam magistri Christofori cancelarium Ragusinus volebat facere in casale per ipsum accepto ad affictum a domina priorissa et procuratoribus monasterii Sancte Marie Angelorum et ibi existentes et diligenter mensurandis cum passo ligneo comunis ius quod comune habet ibi per emptionem factum per officiales comunis a Laurencio de Volcasso ut apparet in libro vendicionum cancelarie MCCCLXXXIIII, die sextodecimo aprilis, captum et declaratum fuit quod incipiendo a facie muri comunis intus civitatem et non a scalis versus caxalem dicti Ruschi remaneat de tereno vacuo per via comunis brachii decem. Et alii brachii duo comunis usque ad sumam brachiorum duodecim empcionis predicte sunt in dicto muro comunis duplicato post empcionem predictam. (Ref 34, f. 12r)