e4
in sexterio Sancte Marie
1403-01-20
Ser Blasius de Sorgo et ser Andreas de Volçio fuerunt electi ad videndum et cognoscendum affictum unius domus ecclesie sancti Blasii de Platea quam procuratores dicte ecclesie volunt dare ad affictum imperpetuum et reportant minori consilio. Ref 32, f. 25v)
1403-01-27
In dicto minori consilio captum fuit de dando auctoritatem et liberam facultatem procuratoribus ecclesie sancti Blaxii locandi et dandi ad affictuum imperpetuum unam domum dicte ecclesie positam in Ragusio in sexterio sancte Marie penes domum ser Iunii Mathe de Georgio, quam domum ser Iacobus de Menze tamquam epitropus Iache de Drago dedit dicte ecclesie sancti Blaxii cuicumque persone dictis procuratoribus videbitur (prout eis melio cancell.) pro quocumque affictu et prout melius et utilius pro dicta ecclesia invenire poterunt concordare. (Ref 32, f. 26v)
1422-9-30 Officiales
Ser Martolus de Zammagno et ser Petrus de Lucari electi fuerunt officiales ad videndum et examinandum quemdam domum monasterii de Daxa fratrum minorum que est posita in sexterio Sancte Marie prope domum filiorum et heredum ser Marini de Menze quam vult accipere ad affictum Simon texarius pannorum imperpetuum et referendum presenti consilio quod iustum videbitur eis quod solvere debeat idem Simon annuatim eidem monasterio pro affictu domus predicte. Officiales consiliarii predicti retulerunt domum predictam dari debere ad affictum in perpetuum pro yperperis duodecim in anno quia pro bono et utilitate dicti monasterii Daxe. Qua relatione visa per et audita per minus consilium captum fuit quod dictam domum dari debeat ad affictum imperpetuum pro dictis yperperis duodecim annuatim ut supra. (CMin 3, f. 12v)
1423-12-11 Libertas procuratoribus Sancti dominici
Captum fuit de dando libertatem procuratoribus conventus fratrum predicatorum quod cum voluntate prioris eiusdem conventus affictare possint perpetualiter Dabisivo Dobretinich dicto Latiniza unam domum dicti conventus positam in sexterio Sancte Marie prope domum Sancti Iacobi de Viciniza cum omnibus suis iuribus et pertinentiis pro ypp. sedecim quolibet anno. Et hoc quia ad dictam extimationem electi fuerunt ser Zore de Palmota et ser Benedictus Pe. de Gondola consiliarii ex minori consilio ad videndum et calculandum dictam domum qui post aliquos dies reportaverunt in eorum bonam conscientiam quod debetur dicto conventui pro dicto afficto annualiter dictis ypp. sedecim. (CMin 3, f. 105r)
1431-08-11 Pro domo monasterii Sancte Marie affictata Antonio de Butcho
Cum ad noticiam domini rectoris et minoris consilii deductum fuerit quod dona Margarita priorissa monasterii Sancte Marie angelorum cum monialibus et procuratoribus ipsius monasterii affictaverat Antonio de Butcho unam domum dicti monasterii cum tribus stragnis in dicta domo posita in Ragusio in sexterio Sancte Marie usque ad quadraginta annos proxime futuros pro yperperis LV in anno prout de dicta affictatione apparet in diversis notarie die ultimo marci 1419 que affictatio aseruetur facta in detrimentum ipsius monasterii cum maius affictuum habeatur de ipsa domo et etiam quod ordines Ragusii et potissime ordines scripti in reformationibus ad cartas quinque quo cavetur quod nullus conduci possit ad affictuum aliquam possessionem alicuius monasterii nisi prius per minus consilium mittantur duo boni homines qui extimant et affictationem et possessionem si iusto pretio affictantur vel non. Ex quo visa dicta affictatione ut supra facta et viso ordine de quo super fit mentio ac viso ultra quod ipsa affictatio facta fuit contra formam ipsius reformationis quia per minus consilium nullus missus fuit ad extimandum ipsam domum et affictationem captum fuit quod ipsa affictatio quia facta fuit contra ordinem predictum cassari et annullari debeat ubi scripta est et pro cassa et nulla habeatur et intelligatur. (CMin 5, f. 136v)
1438-04-03 Libertas data conventui Sancti Dominici affictandi imperpetuum unum domum
Captum fuit de dando libertatem domino priori et procuratoribus conventus fratrum Sancti Dominici de Ragusio affictandi in perpetuum unam domum dicti conventus positam in sexterio Sancte Marie de Castello infra suos confines que domus fuit Mathe Simonis de Mathessi Liubisse Radaz Striexevich pro ypp. XX-ti solvendis annuatim dicto conventui pactis, modis, clausibus et solemnitatibus consuetis et de quibus et prout dictis domino priori et procuratoribus melius videbitur pro utilitate dicti eorum monasterii. Cum hoc quod in locatione fienda de dicta domo obligentur solemniter bona dicti Liubisse et specialiter casale dicti Liubisse contiguum dicte domui. (CMin 7, f. 208v)
See also:
Della mercatura et del mercante perfeto.Libri quattro di M. Benedetto Cotrugli Ragueo scritti gia piu di anni CX et hore dati in luce. In Vinegia all’Elefanta MDLXXIII, relevant parts.
Governo della Famiglia di M. Nicolò Vito di Gozze, Gentil’huomo Raguseo, Accademico occulto, In Venetia: Presso Aldo CIƆDXXCIX, relevant parts.
Philippe du Fresne Canaye, Voyage du Lévant, M. H. Hauser,Paris: Ernest Leroux editeur MDCCCXCVII, relevant parts.
