domus pro dotis
1402-11-04
In minori consilio captum fuit de dando arbitrium et liberam auctoritatem epitropis testamenti quondam Marini de Bexanti et tutoribus eius heredum quod possint dare domum dicti quondam Marini Radulle olim eius uxori in solutionem pro eius dote quantum extimatum per bonos viros. (Ref 32, f 15r)
1403-03-22 Pro Milsa Zepichuchia.
Item in dicto [minori] consilio captum fuit de portando ad maius consilium de faciendo graciam Milse Zepichuchie quod possit dare in dote filie sue unam domum suam de lignamine uxoris sue positam <…..> cum condicione quod dictus Milsa et eius bona remaneat obligatus uxori sue de tanto quanto extimata fuerit dicta domus. (Ref 32, f 33r)
1420-3-12 Pro filia Milosii Sulich
Captum fuit de dando libertatem tutoribus olim heredum Milosii Sulich quod possint cassari facere unam presentationem per eos factam ad vendendum domus dicti olim Milosii pro dote Marie filie dicti olim Milosii si et inperpetuum primo videant quod Michoç Milosevich olearius vir filie dicti olim Milosii sit obligatus pro dote dicte olim matris uxori eiusdem Michoçii conversa in dote dicte uxori sue quam domum emit Antoe de Butcho. (CMin 2, f. 117r)
1420-7-15 Pro Magdalena filia Michaelis de la Bona
Captum fuit de faciendo graziam Magdalene filie Michaelis de la Bona quod pro dando dotem secundo viro suo possit cum licentia domini Michaelis patris sui vendere domum quam dedit in dote primo viro ipsius Magdalene. (CMin 2, f. 140v)
1420-7-16 Pro Radula Nalieschi Purchich
Captum fuit de dando licentiam Radule uxori olim Naleschi Purchich quod pro suo nutrimento er substentione victus sui possit vendere unam de duabus domibus quas habet quam venditionem facere debeant ser Matheus de Gradi et dominus Matchus Pervus qui esse debeant tutores eiusdem Radule et quod denarii extrahendi de venditione predicta debeant stare in manibus ipsorum tutorum de quibus debeant dare eidem Radule pro victu suo yperperos viginti quolibet anno quousque durabunt dicti denarii. Alia vero domus quam habet dicta Radula vendi non posse sed post mortem dicte Radule deveniat ad proximiores in gradu dicti olim Nalieschi cuius fuit dicta domus prout est iustum secundum formam statutorum Ragusii. (CMin 2, f. 141r)
1423-4-8 Pro tutoribus et filiabus quondam Grubazii marinarii
Captum fuit de dando libertatem tutoribus heredum quondam Grubaze marinarii quod vendere possint domum ipsius quondam Grubazii et medietatem precii ipsius domus dent pro dote unius filie ipsius quondam Grubazi que est affidata et aliam medietatem precii domus predicte positare debeant in comune nostro videlicet in camera que alia medietas precii predicti stare debeat in comune ut supra ad petitionem alterius filie ipsius quondam Grubazii. (CMin 3, f. 58r)
1425-5-24 Pro tutoribus heredum Nixe Gosdarich
Captum fuit de dando libertatem tutoribus heredum Nixe Gosdarich quod de domo dicti quondam Nixe vendere possunt unum quartum sibi restantem de ipsa domo ultra residuum ipsius domus quod accipit uxor dicti Nixe pro dote <………> previgno dictorum heredum pro yperperis quinquaginta grossorum pro nutrimento ipsorum heredum. (CMin 3, f. 225r)
1427-10-14 Pro tutoribus heredum quondam Nixe Ratcovich libertas
Captum fuit de dando libertatem tutoribus heredum quondam Nixe Ratchovich quod vendere possint domum dictorum heredum pro dote danda filie dicti quondam Nixe Ratcovich et pro residuo quando vendita fuerit domus predicta et reuntantur (?) ad presens consilium pro residuo dotis que defecerit. (CMin 4, f. 112v)
1430 Pro tutoribus filiarum Miochi botarii
Prima pars est de dando libertatem tutoribus filiarum Cagnos sive epitropis testamenti Miochi bottarii quod ex precio domus dicti quondam Miochi, vendite per dictos epitropos, dare et solvere possint Thomcho Marchovich cerdoni marito Marusse maioris filie uxoris dicti Cagnos yperperos circa XL quos restat habere dictus Tomchus pro integritatem dotis dicte uxoris sue, non obstante clausa dotali dicte matris Marusse predicte que vult ex pretio venditionis domus predicte, videlicet medietate eiusdem precii quod emetur una domus quod fieri non possit attento … . (CMa 4, f. 124v)
1433-04-28 Pro tutoribus heredis Angelini de Maxi
Captum fuit quod tutores heredis Angelini de Maxi possint et libertatem habeant vendendi domum unam dicte tutorie positam in ruga Sancte Marie de Castello Ragusii pro dote sive vestibus filie dicti olim Angelini pro quanto plus vendi poterit. (CMin 6, f. 38v)
1438-05-20 Pro heredibus Stipchi Dobrosalich marinarii
Captum fuit de dando libertatem tutoribus heredum Stipchi Dobrosalich marinarii quod possint dare in dotem filie dicti Stipchi dimidam domum ipsius tutorie secundum ordines, usum et consuetudinem Ragusii posite super tereno archiepiscopatus. (CMin 7, f. 219r)
1438-11-07 Pro tutoria filie Lucaz Michatovich
Captum fuit quod tutores Petronelle filie olim Lucaz Michatovich pro maritatione dicte Petronelle possint promittere et dare in dotem ipsi filie dicti Lucaz domum super terreno archiepiscopatus que fuit dicti Luchaz cum ordinibus et secundum morem civitatis. (CMin 7, f. 261r)
