d4 ecclesia sancti blasii |

d4

ecclesia Sancti Blasii

1403-03-03 Modus festi XC martirorum singulo anno fiendi.
In maiori conscilio ballotis LXIII. Prima pars est de firmando ordinem portatum pro solepnitate fienda in die XL martiorum videlicet VIII marcii. Captum per ballotis XXXV.
Cum gloriosisima dies fuerit illa quadraginta martiorum quorum precibus proditorum tractatorum doloxe et iniquo pensatos? contra quietum et paciffichum statum comunis regiminis civitatis nostre Ragusii mirachuloxe divina potencia revelavit. Ideo dignum et iustum est ipsam diem oracionibus et luminariis cereis quolibet anno imperpetuum exprensis nostri comunis honorifice venerari hoc modo, videlicet: Omnes processiones presbiterorum et fratrum cuiuscunque regule in nostra chatedrali ecclesia sancte Marie illo die more solito congregentur et tres reliquie per thexaurarios nostros extrahantur. Et dominus rector Ragusii omnesque consiliarii de nostro consilio rogatorum cum comitiva solita ire cum ipso domino rectore ad festum sancti Blasii teneantur et debeant asociare prefatas reliquias et processiones quilibet cum uno doplerio acenso in manu illius ponderis et stature sicut sunt illi qui portantur in festo sancti Blasii de mense februarii sub pena yperperorum decem pro quolibet de dicto consilio rogatorum qui fuerit in Ragusio et non venerit ad portandum dictum doplerium. Et qui vadit per Plateam excusacionem non habeat. Volentes quod qui de dicto consilio rogatorum dormierit in civitate Ragusii in illa nocte precedente festum non vadat extra civitatem nisi quod portaverit doplerium. Et si aliquis de dicto consilio rogatorum non venerit pro aliqua eius infirmitate et si non scuxaverit illo die per se vel alium mitendo ad presenciam rectoris ad iurandum statum ille talis quod ipsa pena yperperorum decem quod debitor scribatur in camera. Et pena illa subito exigantur. Que processiones cum dictis reliquiis circhumdent? loziam nostre Platee laudes voce alta solempniter decantando. Et intrent ecclesiam sancti Blasii super altare magno dicte ecclesie ipsas reliquias depponantur que sic stent donec celebrabitur missa solepnis. Que missa finita dicte reliquie ad earum locum cum processionibus et cum quatuor dopleriis acenssis repportentur. Insuper omnes doplerii sint capelani dicte ecclesie sancti Blasii per oblationem solepnitatis supradictis?. (Ref 32, ff. 206v-207r)

1408-01-24 Pro aurificibus et petrariis
Item captum est quod aurifices vadant retro et petrarii vadant ante cum solemnibus pro honorando festum Sancti Blasii patronis nostri et deinceps non fiat questio inter eos. (Ref 33, f. 42v)

1412-12-14
Captum fuit [in minori consilio] de dando ecclesie Sancti Blasii pro servicio ecclesie modia viginti calcis. (Ref 34, f. 53r)

1413-06-16
Captum fuit [in minori consilio] quod cum denariis venditionis possessionum Nixe Stanoevich quos ipse Nixa legat (!) in eius ultimo testamento ut ex ipsis debeat fieri quoddam pulcrum altare in ecclesia Sancti Blasii de Platea, ornari debeat altare maius dicte ecclesie Sancti Blasii. (Ref 34, f. 78r)

1416-12-10 Pro ecclesia sancti Blasii
Captum fuit de portando ad maius consilium de dando de bonis nostri comunis sive denariis in manibus procuratorum ecclesie sancti Blasii iperperos centum annuatim de denariis dohane magne ad hoc ut in dicta ecclesia fiant decentes celebrationes officiorum prout convenit dicte ecclesie que est caput et basis huius civitatis. (CMin 1, f. 97v)
1416-12-12 Pro Sancto Blasio [ball. LXXVII] Prima pars est de dando de denariis nostri comunis de doana maiori procuratoribus Sancti Blasii gloriosissimi horatoris et protectoris nostri pro offitiando et aliis opportunitatibus dicte ecclesie ad reverentiam et honorem dicti sancti yperperos centum.
Captum per LXXV, contra II. (CMa 1, f. 50v)
1416-12-12 Pro eodem [Sancto Blasio] [ball. LXXVI]I
Prima pars est de dando dictos yperperos centum dicte ecclesie
Sancti Blasii perpetualiter quolibet anno ad dictam doanam [maiorem]. Captum per LVI, contra XX.
Missa ad librum. (CMa 1, f. 51r)

1417-06-03
Captum fuit de faciendo policiam procuratoribus sancti Blasii pro ponendo laboreria in opere de iperperis trecentis ad dohannam magnam. (CMin 1, f. 139v)

1418-04-21 Pro procuratoribus sancti Blasii
Captum fuit de faciendo apodoxiam ser Martolo de Zamagno et ser Nicolino de Gondola procuratoribus sancti Blasii de ypp. ducentis ad dohanam magnam pro laboreriis sancti Blasii. (CMin 1, f. 200v)
1418-04-28 Pro procuratoribus sancti Blasii
Captum fuit de dando libertatem procuratoribus ecclesie sancti Blasii quod possint expendere pro columpnis necessariis dicte ecclesie de denariis nostri comunis quantum fiunt expediens et quod pro ipsis columpnis habendis micteri possint Venetias aut Istriam aut Corzulam prout eis videbitur. (CMin 1, f. 201v)
1418-05-10 Pro procuratoribus sancti Blasii
Captum fuit de faciendo graciam procuratoribus sancti Blasii quod emere possint pro eorum denariis modios centum calcis ab illis quibus eis melius videbitur pro laboreriis necessariis per eos faciendis. (CMin 1, f. 203r)

1419-01-27 Pro intabulatione sedilium positarum ab extra per conchas Sancti Blasii
Captum fuit de precipiendo officialibus laboreriorum quod intabulati faciant sedilia Sancti Blasii ab extra circum quaque per chonchas dicte ecclesie. (CMin 2, f. 40r)
1419-09-02 Pro ecclesia Sancti Blasii
Captum fuit de faciendo procuratoribus Sancti Blasii apodissiam de ypp. centum ad dohanam fontici pro pretio columnarum renovandarum in dicta ecclesia sancti Blasii. (CMin 2, f. 82r)
1419-10-08 Pro ecclesia Sancti Blasii
Captum fuit de portando ad maius consilium de dando ecclesie Sancti Blasii de Platea pp. mille pro faciendo construi unum tabernaculum in dicta eclesia supra altare magnum rami deauratum cum intaliis et laboreriis sicut procuratoribus dicte ecclesie videbitur de quibus denariis fiat appodissia ad dohanam magnam. (CMin 2, f. 87v)
1419-10-28 Pro tabernaculo ecclesie Sancti Blasii de Platea [ball. LXXXX] Prima pars est de dando de denariis nostri communis ecclesie Sancti Blasii de Platea yperperorum mille pro faciendo construi unum tabernaculum in dicta ecclesia supra altare magnum ramis deauratum cum intalibus et laboreriis prout procuratoribus dicte ecclesie videbitur. Captum per omnes. (CMa 2, f. 11r)
1419-10-29 Pro polica procuratorum Sancti Blasii
Captum fuit de faciendo unam poliçam ypp. mille ad dohanam magnam procuratoribus Sancti Blasii pro tabernaculo futuro supra altare dicte ecclesie secundum partem captam in maiori et generali consilio civitatis Ragusii in hoc eodem milessimo die videlicet 28 mensis presentis octobris. (CMin 2, f. 91r)
1419-12-04 Pro ypp. mille dandis procuratoribus Sancti Blasii pro tabernaculo [idem] (CMin 2, f. 94v)

1420-04-13 Pro ecclesia Sancti Blasii
Captum fuit de dando procuratoribus ecclesie Sancti Blasii pro salegio ecclesie predicte et reparatione altaris de denariis nostri comunis ypp. quinquaginta ad fondecum et alios ypp. quinquaginta ad gabellam beccarie. (CMin 2, f. 123r)
1420-07-11 Pro lapicidis Sancti Blasii pro cuppis gratia
Captum fuit de consentiendi de gratia lapicidis qui incidunt lapides et marmora pro ecclesia Sancti Blasii in Glustiça cuppos mille pro eorum opportunitate ad incidendum dicta laboreria verum cum eorum denariis. (CMin 2, f. 140r)

1421-01-30 Pro Sancto Blasio
Captum fuit quod ob reverentiam et honorem Beatissimi Blasii gloriosissimi martiris et protectoris nostri et huius civitatis vexilliferi occasione cuiusdam brachii noviter reperti de reliquiis dicti sancti et oblati monasterio Sancte Clare quod dictum brachium reponi et salvari debeat per dominis thesaurarios cum aliis reliquiis civitatis et de portando ad maius consilium quod quolibet anno in die octava post festum Sancti Blasii de mensis februarii dominus rector cum consilio et processione cum clero debeat associare et deferri facere dictum brachium ad monasterium pulcellarum et ibique stare ad missam et postea reduci facere ad locum reliquiarum prout sit et consuetum est de panno Sancti Simeonis quod ipsa dies octava celebrari debeat et scribi debeat in calendario festuum. (CMin 2, f. 173v)
1421-01-31 Pro brachio Sancti Blasii nuper inventi [ball. LXXXIIII] Prima pars est quod ob reverentiam et honorem beatissimi et gloriosissimi martiris Sancti Blasii protectoris nostri et huius nostre civitatis vexilliferi brachium quoddam ipsius martiris ex reliquiis eius repertum et oblatum monasterio polzellarum Sancte Clare reponatur et repositum salvari debeat per dominos thesaurarios Sancte Marie cum aliis reliquiis civitatis. Et quod quolibet anno in octava festi Sancti Blasii de mense februarii quod dominus rector cum consilio et processione cum clero associare debent et deferri facere dictum brachium ad monasterium polzellarum et ibi stare ad missam et postea reduci facere ad locum reliquiarum prout sit et consuetum est fieri de panno Sancti Simeonis. Et quod ipsa dies octave dicti martiris celebrari debent et describi in kalendario festivitatum.
Secunda est de non capiendo dictam partem. [Non fuit posita] (Prima pars est de deliberando super facto dicti brachii. cancell.)
Secunda est de induciando superinde. Captum. (CMa 2, f. 55r)
1421-05-20 Pro cambiendo columnas Sancti Blasii
Captum fuit quod ser Ursus de Zamagno et socii procuratores Sancti Blasii vel ipse solus per se et nomine sociorum libertatem habeant faciendi cambiri et seu permutari in ipsa ecclesia Sancti Blasii de Plateis cloumnas quatuor a latere pelagi eo modo et forma quibus melius et tutius visum sibi fuerit nulli parrendo expense dumodo permutatio ipsa fiat sine discrimine et periculo. (CMin 2, f. 193v)
1421-08-08 Pro ecclesia Sancti Blasii
Captum fuit de dando libertatem ser Urso de Zamagno procuratori Sancti Blasii et Ser Nalcho de Georgio et <…………………..> consiliariis deputatis loco aliorum procuratoribus dicte ecclesie Sancti Blasii possint accipere yperperos centum grossorum ex doana maiori pro laborerio columnarum dicte ecclesie de illis ypp. VIIIC assignatis eisdem ecclesie per comune Ragusii ad dictam doanam pro laborerio tabernaculi cappelle maioris dicte ecclesie. (CMin 2, f. 210v)

1422-11-24 Pro coro Sancti Blasii
Captum fuit de eundo ad maius consilium quod ypp. mille qui debebant expendendi in pinnaculo Sancti Blasii debeant micti in laborerio fiendo in coro in ecclesia Sancti Blasii predicti. (CMin 3, f. 27v)
1422-12-10 Pro choro futuro in ecclesia Sancti Blasii [ball. LXXVIII] Prima pars est quod yperperi mille qui debebant expendi in pinaculo Sancti Blasii debeant poni in laborerio futuro in coro in ecclesia Sancti Blasii predicti. Capta per LXXIII, contra IIII, extra I. (Secunda pars est de non ponendo in dicto laborerio dictos yperperos mille. cancell.) (CMa 2, f. 105r)

1423-06-22 Pro coro Sancti Blasii
Captum fuit quod corum construendum in ecclesiam Sancti Blasii de Platea debeat esse amplum quanta est amplitudo ecclesie ipsius claudendo videlicet dictas tres naves ecclesie relinquendo videlicet portam unam in qualibet navi et de commitendo procuratoribus ipsius ecclesie Sancti Blasii quod debeant intendere ad executionem ipsius laborerii secundum designamentum eis datum quod est signatum per B cum undecim figuris. (CMin 3, f. 76v)

1424-03-15 Pro forma cori Sancti Blasii
Captum fuit quod corus qui fit in ecclesia Sancti Blasii debeat esse in illa forma prout corus Sancte Marie maioris dummodo sit straforatus cum fenestris a parte inferiori secundum designamentum superinde factum. (CMin 3, f. 131r)

1425-01-27 Pro procuratoribus Sancti Blasii
Captum fuit de dando libertatem procuratoribus Sancti Blasii quod prout eis videbitur pro meliori levare faceri possint illas columnas ecclesie Sancti Blasii de quibus videbitur et loco ipsarum alias reponi facere. (CMin 3, f. 195v)
1425-04-23 Pro columnis erigendis in ecclesia Sancti Blasii libertas officialibus armamenti
Captum fuit quod officiales armamenti comunis dare debeant lignamina necessaria procuratoribus Sancti Blasii pro columnis erigendis <in ecclesia Sancti Blasii> ita tamen quod non incidant lignamina predicta et quod officiales armamenti comprestent eis taglas et sartias necessarias. (CMin 3, f. 217v)

1426-04-08 Libertas procuratoribus Sancti Blasii
Captum fuit de dando libertatem procuratoribus Sancti Blasii quod dare possint et debeant monialibus Sancte Clare pro opportunitate monasterii earum illa petia colonarum veterum que extrahate fuerunt de dicta ecclesia Sancti Blasii. (CMin 3, f. 297v)
1426-05-18 Pro procuratoribus Sancti Blasii [ball. LXIIII] Prima pars est de dando de denariis nostri comunis procuratoribus Sancti Blasii pro opportunitatibus laboreriorum ipsius ecclesie yperperi centum quinquaginta. Captum per LXIII, contra I. (CMa 3, f. 115r)

1428-02-26 Pro procuratoribus Sancti Blasii pro lateribus lobie
Captum fuit quod omnes lateres ex veteribus lateribus lobie comunis qui supererint a saligando habitationem officialis clavium carcerum comunis debeant dare procuratoribus Sancti Blasii pro sagiando (!) voltas dicte ecclesie Sancti Blasii cum condicione quod dicti procuratores non possint nec debeant facere aliquid altare supra dictas voltas ecclesie Sancti Blasii sine expressa licentia domini rectoris et parvi consilii. (CMin 4, f. 143r)

1429-02-28 Pro non vendendo aliquid super segiis arsenate et Sancti Blasii
Captum fuit quod nemo audeat vendere <granum vel aliud> aliquid super segia que sunt ad latus arsenate in Platea nec super segia circa concham Sancti Blasii sub pena grossorum XXI pro quolibet et qualibet vice qua fuerit contrafactum. (CMin 4, f. 226v)
1429-02-28 Pro segiis fulciendis de arice per officiales laboreriorum
Captum fuit quod officiales laboreriorum debeant mittere Venetias acceptum de tabulis de arice pro fulcimento segiorum lobie tam cohopertorum quam discopertorum et circa concham Sancti Blasii. Et quod fulciant segium arsenate cum maderiis gabelarum que non sint sufficientia pro laborerio galearum. (CMin 4, f. 226v)
1429-08-10 Pro officialibus laboreriorum pro reaptatione plurium
Captum fuit de cohortando officialibus laboreriorum comunis quod aptari facere debeant corlat in quo ferrantur equi prout opus est. Et similiter tabulas becarie et sedelia prope arsanatam et circumcirca ecclesiam Sancti Blasii per totum presentem mensem augusti sub pena yperperorum XXV pro quolibet eorum. Et quod accipere possint ab officialibus gallearum si opus fuerit pro aptando corlat trabem unam. (CMin 4, f. 259r)

1437-03-07 Pro procuratoribus Sancti Blasii
Captum fuit quod procuratores ecclesie Sancti Blasii possint et valeant permutare quatuor columnas magnas dicte ecclesie in loco ipsarum ponere alias quatuor novas prout eis melius videbitur. (CMin 7, f. 130r)
1437-03-07 Pro officialibus armamenti
Captum fuit quod officiales armamenti ex lignaminibus nostri comunis mutuo dare debeant procuratoribus Sancti Blasii lignamina que erint opportuna pro pontis et potellis pro permutatione columnarum IIII-orum in dicta ecclesia necessis et similiter talias et sartias oportunas. (CMin 7, f. 130r)

1441-11-23 De donando Sancto Blasio pro reparatione [b. CXXIII] Prima pars est cum hoc fit quod procuratores Sancti Blasii fieri fecerunt unum pulchrum paramentum pro ecclesia Sancti Blasii magni valoris et non habeant unde possint ipsum solvere defficiente sibi parte precii eiusdem. Ideo de donando ypp. CCC Sancto Blasio pro supplemento dicti paramenti. Et hoc de denariis nostri communis. Per CXIII, contra VII.
(Secunda pars est de non dando. Cancell.)
In margine: Poliza fuit facta die 12 marcii 1442.
(CMa 6, f. 151r)

1442-03-13 Pro officialibus laboreriorum
Captum fuit quod officiales laboreriorum debeant incaudari facere sedia existentes circumcircha ecclesiam Sancti Blaxii et logiam comunis. (CMin 9, f. 67v)

See also:
Philippe du Fresne Canaye, Voyage du Lévant, M. H. Hauser,Paris: Ernest Leroux editeur MDCCCXCVII, relevant parts.
Anonymi item Nicolai de Ragnina, prir. S. Nodilo, Zagrabiae, 1883
Serafino Razzi, La Storia di Ragusa, pr. Giuseppe Gelcich, Dubrovnik, 1903
Seraphinus Maria Cerva, Prolegomena in sacram metropolim Ragusinam [MDCCXLIV], editio princeps, prir. Relja Seferović. Caput IX. Divus Blasius martyr Ragusii patronus elegitur. 287-288; Caput XXXII. de paroeciis in Ragusina dioecesi, monasteriis ac insignioribus templis locisque piis. 427-434; Caput XXXIV. De praecipuis Ragusii divorum feriis. 437-441