c5
Sponza
1402-09-09
In consilio rogatorum ballotis XXVIII. Prima pars est de induciando adinveniendum domum pro habitatione domini comitis Stephani venturi Ragusium. Captum fuit pro ballotis XIIII. (Secunda pars de deliberando in presenti consilio). (Ref 32, f. 119v)
1402-09-23
Die XXIII septembris. In consilio rogatorum ballotis XXVII. Prima pars est quod veniente comite Stephano Rassie Ragusium de recipiendo eum in pallacio nostri regiminis. Secunda pars est de recipiendo eum in domo comunis nostre hostarie. Captum per XIIII. (Ref 32, f. 120r)
1402-09-25 Officiales.
Ser Clemens de Bodaça, ser Iohannes Iacobi de Gondola, ser Dobrac de Benzolla. In minori conscilio more sollito congregato ellecti fuernut officiales ad faciendum evacuari domum hostarie pro adventu comitis Stephani et ad providendum de omnibus que eis videntur oportuna in dicta domo pro dicto adventu et de predictis informandum proximum conscilium. (Ref 32, f. 11v)
1403-04-02 Pro Dragich.
In minori conscilio captum fuit de faciendo graciam Dragich de Nareno quod possit ponifacere frumentum suum in domo nostre ostaree pro suento? licando eum ad bunplacitum regiminis. (Ref 32, f. 34r)
1403-04-02 Pro ser Michaelo.
Item in dicto conscilio [minori] fuit facta gracia ser Michaeli de Resti quod possit poni facere frumentum suum in magazenis et camaris domus nostre ostaree et illum ibi tenere ad bunplacitum regiminis. (Ref 32, f. 34r)
1415-6-29 Pro comune
Captum fuit de claudendo et murando portam conductus quod est in Sponza et stet quemadmodum olim stabat. (CMin 1, f. 33r)
1415-11-27 Pro Thomasio de Franco
Captum fuit de dando ser Michaeli de Crieva, ser Thomaso de Franco locum in Sponga commodum pro recondendo suum frumentum et unam stationem extra absque solutione aliqua et comune teneatur solvere bastaxios in discaricando et hoc quia in fontecho non potuit habere aliqua statio vel magazenum. (CMin 1, f. 49r)
1415-11-29 Pro dohana
Captum fuit de precipiendo officialibus laboreriorum comunis quod fieri faciant fenestram magnam dohane maioris ferratam fortiter et desuper voltam ipsam dohanam fieri faciant et reparare muros circum circa ubicumque opus est. (CMin 1, f. 49v)
1415-12-2 Pro Nani de Florentia
Captum fuit de concedendo Nani de Florentia quod possit facere discaricari in Spongia frumentum quod fecit aportari Ragusium et quod possit facere unam stationem extra fontecum sine aliqua solutione. (CMin 1, f. 49v)
(sunt multe similes deliberationes non transcripte)
1416-12-2 Pro campana dohane maioris
Captum fuit de portando ad maius consilium de faciendo expensis communis unam campanellam ad officium dohane maioris pro maiori comoditate dicti officii. (CMin 1, f. 96r)
1418-2-11 Pro solaro futuro ad Spunzam pro custodibus
Captum fuit de faciendo unum solarum ad Spunzam ubi possint dormire custodes civitatis. (CMin 1, f. 185v)
1422-1-3 Pro … aptendo
Captum fuit de committendo officialibus laboreriorum quod aptari faciant officialibus s…in Spongia duo tabulata pro conservatione pannorum et mercantias qui faciant …. … reparando et fortificando portas et fenestras dicti loci pro securitate ... .(CMin 2, f. 236v)
1423-1-16 Pro massariis bladorum
Captum fuit de dando libertatem massariis bladorum nostri comunis quod faciant reparare locum Spongie ubi aqua facit damnum mileo comunis et revidere mileum et quod faciant mensurare blada de Canali que sunt in fonteco et vendere debeant illa secundum libertatem quam habent ab isto consilio. (CMin 3, f. 41v)
1426-2-14 Pro suffitta Spongie et pro cathena portus
Captum fuit quod officiales laboreriorum comunis faciant repeçari faciant suffittam prope Sponzam comunis et quod faciant aptari cathenam portus. (CMin 3, f. 287r)
1428-05-29 Pro argagnis et rebus existentibus in Spongia ad discopertum salvandis et reponendis
Captum fuit quod officiales armamenti portari et reponi facere debeant in uno ex magazenis vacuis qui sunt prope portam maris omnia illa argagna et res legnaminis que levate fuerunt de stragno ubi factus est carcer novus et que reponite fuerunt in Spongia et ibi stant ad aerem et vastari possent per pluviam et similiter in ipso magazeno reponi facere debeant si tantum vacuum erit et ibi stare poterunt res que sunt sub campanile. (CMin 4, f. 165v)
1428-10-19 Pro Spongia saliganda per officiales laboreriorum
Captum fuit de dimmitendo officialibus laboreriorum comunis quod saligiare faciant secundum solarium in Spongia comunis tam in cameris quam extra cameras cum lateribus. (CMin 4, f. 196v)
1428-10-19 Pro laborerio in Spongia
Captum fuit de commitendo officialibus laboreriorum quod fieri faciant in Spongia comunis a latere levantis unum subtus tectum incipiendo a residentia officialium stime usque ad domum magnam Spongie cum uno pillastro in medio laborando in tantam altitudinem et amplitudinem prout deliberatum fuerit per minus consilium. (CMin 4, f. 196v)
1428-11-04 Pro officialibus saligii et laboreriorum
Captum fuit quod officiales salegii dare debeant officialibus laboreriorum comunis tot lateres quot opportuni eis erunt pro saligiando palmenta Spongie secundum partem captam in presenti consilio. (CMin 4, f. 200r)
1429-02-19 Pro Radossavo ad Spongiam
Captum fuit quod Radossavus guardianus ad Spongiam nullo modo debeat tenere familiam secum in Spongia et quod quacumque die defecerat debeat cassari ab officio et pro uno anno nullo modo possit esse ad dictum officium. (CMin 4, f. 223v)
1432-03-18 Pro cameris spongie saligiandis
Captum fuit quod officiales laboreriorum comunis reparari facere debeant cum lignamine palmentum secundum supra cameras in Sponçia et cum matonis saligiari facere cameras ipsas dicti secondi palmenti et si superfuerint matoni eis similiter saligiari facere debeant ipsum secundum palmentum. Et hoc de illis matonis qui sunt in Sponçia ex officialibus salegii. (CMin 5, f. 185v)
1433-02-07 Pro palmento Sponze refficiendo
Captum fuit quod officiales nostri laboreriorum debeant poni facere in Sponza nostri comunis dentes et plancis sub palmento, faciendo reparare et aptare illud palmentum opportune quo bene stet. (CMin 6, f. 22r)
1433-03-16 Pro officiales laboreriorum
Captum fuit quod officiales laboreriorum debeant poni facere canalia lapidea ad cohoperturam arsenatus nostri versus Plateam quot fuerint opportuna quo aqua queat duci ad cisternam nostre Sponce. (CMin 6, f. 28v)
1433-04-02 Pro officialibus laboreriorum pro canalibus arsanate
Captum fuit de dando libertatem officialibus laboreriorum communis quod pro laborerio et expensas canalium cum dentibus ponendorum ad arsanatam pro conducendo aquam ad cisternam Sponzie et componere et acordare possint cum magistris et ipsam expensam facere dando ab yperperis sex infra pro quolibet passu canalium cum dentibus prout melius facere poterunt pro avantalio nostri comunis. (CMin 6, f. 33v)
1434-07-20 Pro officialibus laboreriorum
Captum fuit quod officiales laboreriorum comunis si eis videbitur quod palmentum domus scole supra slanizam non sit sit sufficiens et ydoneus possint ipsam cambire et aptare prout eis melius videbitur. (CMin 6, f. 153v)
1434-08-10 Pro officialibus laboreriorum pro scola et fiendis in ea
Captum fuit quod officiales laboreriorum comunis ad primum palmentum domus scole fieri facere debeant unam fenestram slanzatam brachiorum duorum ad quadrum et in secundo palmento fieri facere debeant ubi dixit magister Filipus duas fenestras quamlibet cum uno colonello prout sunt fenestre palaciorum comunis et quod palmentum soffite solare facere debeant cum tabulis et ad portam volte qua itur supra archivoltum fieri facere debeant unam seram cum clave quam clavem facere debeant officiales armamenti. (Et quod etiam emere debeant banchas viginti longas ruperis ex his que portarunt per Sclavonos ut pueri sedere valleant. cancell.) Et fieri facere debeant unam catedram pro ipso magistro Filippo. Et quod fieri facere debeant banchas pro sedendo pro pueris de trabibus quotquot et prout eis melius videbitur. (CMin 6, f. 160r)
1434-09-23 Pro officialibus laboreriorum et armamenti pro scola
Captum fuit quod officiales laboreriorum facere debeant ad primum palmentum domus scole unam cameram cum travaturis et fieri facere debeant tres vel quatuor banchos cum feris pro reponendo et salvando libros scolarum et pro banchis pro sedendo pro pueris accipere debeant ex maderiis arsanate non bonis pro galleis et ipsas fieri facere debeant, quos maderios non bonos pro galeis officiales armamenti vigore presentis partis ipsis officialibus laboreriorum dare debeant quotquot voluerunt. (CMin 6, f. 171r)
1435-02-01 Pro officialibus laboreriorum pro lodio Sponze
Captum fuit quod officiales laboreriorum reparare et aptari facere debeant oportune lozetam que est contigua cum domo Sponze expendendo in dicto laborerio yperperos decem in totum. (CMin 6, f. 221v)
1435-02-12 Pro officialibus laboreriorum comunis pro logieta ante Sponziam
Captum fuit de dando libertatem offcialibus laboreriorum comunis quod logietam ante Spongiam ubi dormiunt custodie reaptare et repezare facere debeant cum illa quam minori expensa fieri poterit. (CMin 6, f. 225v)
1435-12-01 Pro massariis bladorum pro duabus domibus comunis aptandum pro ponendo granum
Captum fuit de dando libertatem massariis bladorum comunis quod illas duas casetas comunis que sunt inter gettum et comerchium comunis sive in palmentis sive in voltis prout sibi videbitur aptari facere debeant ut granum in eis reponi et salvari possit et quod domum que est magis bassa levare possint equalem altri prout melius videbitur convenire. Et quod scalam eundi ad dictas domos facere possint in Spongia ponendo archum a Sponzia ad murum dictarum domorum prout sibi videbitur. (CMin 6, f. 294v)
1436-08-05 Pro officialibus laboreriorum comunis pro domibus reaptandis
Captum fuit de dando libertatem officialibus laboreriorum communis quod tam cohopertam Spongie quam aliorum domorum comunis circumstantium que vasta et destructa fuerunt propter incendium suprascriptum in domibus comunis quas tenebat Pascoe et magister Franciscus aurifex repezare et reaptare facere debeant prout opus fuerit. Et quod hic emere aut alibi ad emendum mittere debeant legnada opportuna pro cohopertis et palmentis domorum ipsarum comunis conbustarum et alia que neccessaria sunt pro ipsis domibus reaptandis parari facere debeant. (CMin 7, f. 76r)
1437-12-10
Captum fuit quod lectica cum bancho existens in Spongia nostri communis reponi debeat in domo armiragli nostri arsenatus pro usu et habitatione ipsius armiragli. (CMin 7, f. 178r)
1437-12-10
Captum fuit quod Tripchus de Catharo restituere debeat in Spongia illam lecticam quam de dicto Spongia accepit. (CMin 7, f. 178r)
1438-01-11 Pro conductu scole aptando
Captum fuit quod officiales laboreriorum nettari et aptari faciant conductum existentem in scola communis per modum quod damnum nec detrimentum slanizis comunis. (CMin 7, f. 191r)
1438-01-21 Pro armiraglio comunis
Captum fuit de dando lecticam que est in Spongia armigaglio nostro arsenatus pro eius usu. (CMin 7, f. 195r)
1438-09-25 Libertas data liopauzariis
Captum fuit quod liopauzarii possint vendere liopauzarias subtus logiam Spongie iuxta consuetum non obstante aliqua allia parte in contrarium loquente.(CMin 7, f. 254r)
1438-12-09 Pro expensa fienda in scolis magistri Filippi
Captum fuit de committendo officialibus laboreriorum quod in domo ubi magister Filipus agit scolas possint fieri facere certa scampua et cathedram cum consilio cuiusdem magistri Filippi spendendo in ipsis ab ypp. decem infra. (CMin 8, f. 2r)
1440-06-06 Pro loca milii reaptanda
Captum fuit quod massarii nostri bladorum aptari facere debeant loca in quibus reconditum fuit milium nostri comunis venditum videlicet turrim regiminis, Spongiam et magazenum Sancti Dominici. Ita et taliter quod milium nostri comunis optime collocari, salvari et custodiri possit absque damno et detrimento nostri communis. (CMin 8, f. 165r)
1440-07-01 Pro fenestris et portis Spongie reaptandis
Captum fuit quod officiales nostri armamenti aptari facere debeant fenestras Spongie nostre et poni facere feraturas ad portas ipsius Spongie prout fuerit expediens. (CMin 8, f. 172v)
1440-07-27 Nectandum conductum slanize et scolis
Captum fuit quod officiales laboreriorum nectari et aptari facere debeant conductum slanize quod vadit per domum in qua retinet scolas magister Philippus de Diversis prout sibi melius videbitur fore opportunum. (CMin 8, f. 178v)
1440-08-28 Pro stationibus Spongie aptande et repezande
Captum fuit de dando libertatem massariis bladorum quod possint et debeant aptari et repiçari facere stationes que sunt in Spongia nostri communis in quibus collocare possint frumentum tam nostri communis quam granum specialium personarum ad voluntatem dictorum massariorum. (CMin 8, f. 189r)
1440-11-07 Dormire debeat unus dominus de nocte in doana maiori
Captum fuit quod omni et singula nocte unus ex sex dominis nocturnis debeat dormire in dohana maiori donec dominus voluerit et aliud superinde terminavit sive ordinavit. (CMin 8, f. 201v)
1441-11-21 Pro palmento in Spongia aptando quia minatur ruynam
Captum fuit de dando libertatem massariis bladorum quod possint aptari facere expensis comunis palmentum positum in Spongia quod minatur ruinam et illud salizari facere et ponere unum par dentium lapidum subtus bordenalle existens sub (dicto palmento cancell.) cohoperta dicti palmenti. (CMin 9, f. 37r)
1443-05-25 Pro officialibus laboreriorum
Captum fuit quod officiales laboreriorum repizari facere debeant in Spongia comunis nostri totum illud quod opus est officialibus stime. (CMin 9, f. 178r)
1443-09-03 Pro salizando et repizando Spongiam
Captum fuit quod officiales laboreriorum salizari facere debeant saletam Spongie super qua ligantur panni et de pluri repizari facere curtinum et aptari facere circumcirca pozale dicte Sponze prout fuerit opportunum. (CMin 9, f. 201v)
1443-10-24 Pro camereta fienda sub logia Spongie
Captum fuit quod officiales laboreriorum fieri facere debeant sub logia Spongie unam cameretam cum duabus letteriis pro reductu et dormicione duorum de nocte in illa forma et modo prout ordinaverunt ser Iohannes Mat. de Georgio et ser Iunius Mat. de Gradi, consiliarii minoris consilii. (CMin 9, f. 211v)
1444-01-02 Pro Spongia communis aptanda
Captum fuit de commitendo officialibus laboreriorum de scripta debeant aptari facere in Spongia communis ubi sibi magis necesse et opportunum fuerit et facere expensum premissa de causa ab yperperi quinquaginta infra. (CMin 10, f. 5r)
1444-10-15 Pro magazenis in Spongia aptandis
Captum fuit de dando libertatem massariis bladorum faciendi aptare magazenos que sunt in Spongia pro collocando granum. Et quod pro aptari faciendo dicta magazena possint expendere usque ypp-i decem. (CMin 10, f. 71r)
1444-10-27 Pro cisterna Spongie aptanda
Captum fuit quod officiales regiminis aptari faciant cisternam Spongie et alciorari facere murum ipsius Spongie a parte levantis sub scalam granariorum per modum quod pueri non possint ascendere nec descendere per dictum murum. (CMin 10, f. 74v)
1446-02-16 Pro magazenis duobus Spongie asseruandis massariis bladorum
Captum fuit quod officiales biscotti biscottum quod habent in magazenis Spongie collocari facere ac ponere debeant in uno trium magazenorum predicatorum et conduci reliquos volcios(?) liberos et expeditos assignare debeant massariis bladorum per totam diem sabbati proxime futuram sub pena ypp-iorum quinque pro quolibet. (CMin 10, f. 216v)
1446-05-11 Libertas data ser Nicole de Menze et ser Michaeli de Zamagno consiliariis super Spongia aptanda
Captum fuit quod ser Nicola Bla. de Menze et ser Michael de Zamagno consiliarii minoris consilii debeant processe et attendere ad faciendum aptari et ordinari pozale cisterne Spongie prout opus fuerit. Et quod etiam vasellos existentes in ipsa Spongia debeant aptari facere prout opus fuerit et eos facere repponi et salvari facere in armamento nostro. Et similiter quod murum dicte Spongiae respicientem versus slanizas possit corigi et alzari facere sicuti eis videbitur expensis comunis nostri. (CMin 10, f. 239v)
1447-02-14 Pro officialibus laboreriorum
Captum fuit quod officilaes laboreriorum debeant reparari facere in Spongia comunis tectum supra capannam et locum ubi sedent officiales et etiam aptari facere dischum et armarium in ipsa Spongia. (CMin 11, f. 78r)
1447-09-26 Contra ludentes et trepudiantes in doana
Captum fuit quod nulla persona cuiusque condicionis existat (videlicet tam nobilis quam de populo cancell.) non audeat nec presumat ire nec intrare Spongiam dohanarum pro ludendo trepudianibus aut aliquem alium actum inhonestum facientibus sub pena standi octo diebus in carceribus nostri comunis introduxit per quolibet contrafaciente et qualibet vice qua contrafactum fuerit. (CMin 11, f. 129v)
1448-04-18 Pena officialibus de scripta
Captum fuit quod officiales de scripta laboreriorum debeant repezari facere copertam arsenatum nostri parvi per totum hunc mensem sub pena ypp. XXV pro quolibet eorum et similiter quod debeant aptari facere fenestras scole domini Steffani prout opus fuerit. (CMin 11, f. 189r)
1448-04-18 Contra pangogolas
Captum fuit quod omnes pangole vendere non possint de pane nisi sub tecto Spongie et ibi prope et non alibi sub pena grossorum sex pro qualibet vice que aliqua earum contrafaceret. Et quod ibi in ipso loco non fuerit nec lac nec aliquod aliud nixi panis venalis vendi non possit. (CMin 11, f. 189v)
