b2

monasterium fratrum minorum de Ragusio

1409-10-21 Pro fratre Laurencio guardiano
(…) Et similiter [in minori consilio] captum fuit et declaratum quod dicti procuratores [fratrum minorum de Ragusio] accipiant in racionem yperperos viginti tres expensis pro pozale et vera gisterne salvo si dicti procuratores vel fratres sostenderint fratri Laurencio quod alia vice fuerit positum in racione in aliquo libro vel receptum pro aliquibus elemosinas qui tunc teneatur satisfacere idem frater Laurencius. Et similiter declaratum fuit quod illi perperi XXII dati per dictum fratrum Laurencium cuidam de Signis pro certo lignamine sint dicti fratri Laurencii et quod dicti procuratores non recipiant illos in racione. (Ref 33, f. 120v)

1412-09-22
Captum fuit in minori consilio de asuciendo (?) guardiano fratrum minorum et ser Pasquali de Sorgo et ser Clementi de Resti procuratoribus fratrum minorum de Ragusio quod ipsi pro meliori utilitate ecclesie possint locare Iohani Antonii de Richo de Florencia speciario in Ragusio domum cum stacione dicte ecclesie in qua ad presens habitat idem Iohanes ad artem speciarie pro yperperos quadraginta singulo anno usque ad annos quadraginta sex venturis, cum condicione quod dictus Iohannes presens et consciens teneatur suis propriis expensis aptare <et> reparare dictam domum omnibus suis expensis. Et similiter suis expensis teneatur levare de novo uno palmento cum cooperta et murare ubi necesse fuerit. Et cum fuerit elevata in altum ut predictum, possit aliis locare et affitare ad suam voluntatem semper salvis et resservatis iuribus ecclesie in dictis perperis quadraginta. (Ref 34, f. 41v)

1418-07-16
Captum fuit de consentiendo procuratoribus ecclesie Sancti Francisci de Ragusio <pro> reparatione ecclesie modia centum calcis pro eorum denariis. (CMin 2, f. 1v)
1418-8-18 Pro fratre Laurencio de Mence
Captum fuit de ordinando ut guardianus fratrum minorum et custos dare debeant fratri Laurencio de Menze eius cellam in loco ordinis fratrum minorum quam alias habere consuevit in dicto ordine. (CMin 2, f. 8v)
1418-08-18 Pro fratre Laurentio pro celia
Captum fuit quod frater Laurencius de Mence qui redit ad dominum Balsam pro relatione sue ambassiate dimittere debeat claves sue celle in manibus procuratorum conventus sancti Francisci cum hac condicione quod si redierit per totum mensem septembris proxime futurum prout dixit se rediturum dicta clavis sit ad eius peticionem si autem ad dictum terminum non rediret dicta clavis et cella sit ad peticionem fratrum dicti conventus. (CMin 2, f. 8v)
1418-09-10 Pro procuratoribus Sancti Francisci
Captum fuit de consentiendo procuratoribus ordinis Sancti Francisci duas trabes ex illis qui sunt ad portam Pillarum que empte fuerunt pro domo artis lane quas dicti procuratores solvere teneantur nostro comuni pro eo precio quo per nostrum comune empte fuerunt. (CMin 2, f. 11r)
1418-09-20 Pro fratribus minoribus
Captum fuit de concedendo ex gratia conventui et fratribus ordinis minorum quod pro faciendo duos arcus oportunos in eorum ecclesia habere possint ab officialibus artis lane ligna duo dummodo exinde dicti officiales non finiscerent laborerium dicte artis. (CMin 2, f. 13r)

1422-10-01 Pro canapo conprestando fratribus minoribus
Captum fuit quod officiales armamenti conprestare debeant de canapis comunis procuratoribus conventus Sancti Francisci de Ragusio pro deponendo campanam de campanili eiusdem, dando procuratores predicti pignus sufficiens de argento de restituendo canapos quos receperint illesos. (CMin 3, f. 13v)
1422-11-28 Pro accipiendo stragnum magnum fratrum minorum pro milio comunis
[ball. LXXXXVIIII] Prima pars est de accipiendo stragnum magnum fratrum seu conventus Sancti Francisci de Ragusio apud coquinam dicti conventus pro retinendo ibidem milium comunis. Et de providendo dicto conventui de yperperis ducentis de denariis nostri comunis pro quodam laborerio ibidem in dicto conventu futuro. Captum per LXXXIII, contra XVI. (CMa 2, f. 104v)
1424-02-15 Libertas massariis
Captum fuit de dando libertatem massariis bladorum possendi aptare sive aptari facere domos fratrum predicatorum <et fratrum minorum> in quibus est milium comunis eo modo prout eis videbitur melius ad expensis comunis. (CMin 3, f. 121v)

1423-05-29 Pro sartiis concedendis fratribus minoribus
Captum fuit de dando libertatem officialibus armamenti quod dare debeant mutuo fratribus minoribus Ragusii sartias pro trahendo campanam suam super campanile suum accipiendo ab eis pignus sufficiens. (CMin 3, f. 72r)

1424-12-14 Pro fratribus minoribus pro pena frumenti gracia
Captum fuit de liberando fratres et conventus sancti Francisci de Ragusa et de franchando ipsos a pena quarti de frumento quod ultimo fuit diviso per civitatem et de precipendo officialibus super hoc deputatis quod fratres predictos pro dicta pena molestare non audeant. (CMin 3, f. 181r)

1425-10-04 Pro Bosidar et Radun lapicidis
Captum fuit de dimittendo Bosidar lapicidam ire ad calcinam suam ita tamen quod nemini possit laborari preterquam calcarie sue. Ita tamen quod Radun socius eius attendere debeat ad laborerium campanilis Sanctorum Laurentii, Petri et Andree. Preterquam si magistri predicti essent occupati ad laboreria in conventum Sancti Francisci videlicet voltare quod sequi debeant laboreria voltarum predictarum. (CMin 3, f. 257r, dokument objavljen u / the document published in Novak Klemenčič 2014, 13, bilješka / note 30)

1435-04-06 Pro officialibus armamenti pro trabe ulini danda fratribus minoribus
Captum fuit quod officiales armamenti dono dare debeant lignum unum ulini brachiiis decem quod est in arsanata nostra fratribus minoribus conventus nostri Ragusii oportunum pro campana magna ipsius conventus. Et quod sibi commodare debeant taglias et sartiam pro trahendo ipsam supra in turrim. (CMin 6, f. 242r)
1435-06-02 Pro Vitcho Zivanovich pro sepulcro comunicato
Captum fuit quod sepulcrum Bositchi Radomirich sartoris quod est in conventu fratrum minorum Ragusii ante portam loci capituli ipsius conventus super quo scriptum est nomen ipsius Bositchi sit dicti Bositchi et heredum suorum et similiter Vitchi Zivanovich qui possit scribi sive scolpiri facere nomen suum videlicet quomodo dictum sepulcrum est ipsius Vitchi et suorum heredum. Et hoc quia Staniza … scripti Bositchi et Matchus Pripchovich nepos illius Stanize contenti sunt comunicare illud sepulcrum predicto Vitcho Zivanovich. (CMin 6, f. 252v)
1435-07-14 Pro Decussa Pribii pro sepulcro
Captum fuit quod Decussa relicta Pribii <…> que coram domino rectori et suo consilio conquesta fuit quomodo literas sepulture mariti sui, que sepultura posita est in conventu Sancti Francisci penes portam qua itur in dormitorio, fuerant abrase et devastate ipsas literas possit et valeat refici et rescribi sive scolpiri facere ponendo nomen sui mariti et hoc quia duo ex consiliariis parvi consilii missi ad ipsum inveniendum et examinandum sepulturam reportaverunt illud fuisse dicti olim Pribii mariti predicte Decusse. (CMin 6, f. 263r)

1436-08-24 Pro Matulino pro sepulcro
Ser Martolus de Georgio et ser Iunius Mat. de Gradi consiliarii minoris consilii ex commissione et libertate eis data per dictum minus consilium declaraverunt quod sepulcrum quod vendidit Radossavus Miolevich Matulino Mladienovich in ecclesia fratrum minorum de Ragusio ut apparet in cancelaria 1427 indictione 5 die 21 augusti et quod dicit esse subtus pulpitum ubi donne sedent quando predicatur in ecclesia non est sub pulpito sed est prope pulpitum ibi ubi donne sedent quando predicatur super quo sepulcro per ipsum Matulinum empto ut prefertur idem Matulinus literas sculpere et arma sua facere possit pro sua libera voluntate tamquam super proprio sepulcro. (CMin 7, f. 81v)

1437-03-23 Pro officialibus laborerii regiminis
Captum fuit quod officiales laborerii regiminis dono dare debeant procuratoribus conventus minorum Ragusii pro laborerio ipsius eccllesie trabis sive ligna quinque arexi. (CMin 7, f. 134r)
1437-04-09 Pro complendo corum super ballatorium in monasterio minorum
Captum fuit quod procuratores monasterii Sancti Francisci cum celeritate conpleri facere debeant chorum supra ballatorium prout opus est. Et quod solvere debeant nabulum barche que conduxit fratrem Gullinum et alios fratres et ultra nabulum yperperis decem quos idem frater Gullinus expendidit in faciendum expensam fratribus secum ducentis et quod capsellam eorum in qua tenetur denarios ponere debeat in camera. (CMin 7, f. 138v)
1437-05-15 Pro conventu Sancti Francisci pro matonis 1500
Captum fuit de mutuando conventui nostro Sancti Francisci miliare unum cum dimidio matonorum ex illis qui sunt in regimine nostrum pro fabrica ipsius regiminis. (CMin 7, f. 148r)
1437-10-29 II trabes donate fratribus minoribus de Ragusio
Captum fuit de donando duas trabes vetuste de larese ex illis regiminis conventui ordinis fratrum Sancti Francisci. (CMin 7, f. 165v)

1438-03-31 Pro monasterio et conventu Sancti Francisci
Prima pars est quod procuratores monasterii Sancti Francisci in Ragusio gualizare faciant teritorium et amblitum sepulcrorum existentium in conventu et ecclesia sancti Francisci predicta, et simliter ipsas sepulturas gualizare faciant. Per XXVIII contra V.
Secunda pars est de non (cancell.) (CRog 6, f. 187v)

1439-02-09 Pro monasterio Sancti Francisci
Captum fuit quod procuratores monasterii Sancti Francisci nullam inovationem facere debeant de laboreriis quos vicarius conventus dicti monasterii fieri petit in dicto monasterio sed stare debeat dictum monasterium in eo statu et esse quod et prout stat cum in eo provisione nil defficiat ad necessaria conventus. (CMin 8, f. 27r)
1439-05-28 Pro Antonio Gruchanovich
Captum fuit quod sepultura que fuit olim Pribne uxoris Dabixini Pricich de Zuppana posita in claustro monasterii Sancti Francisci de Ragusio apud portam qua itur in coquinam sit et esse debeat Antonii Gruchovich dicti Gutezevich et suorum heredum in perpetuum et hoc quia constavit presenti consilio per testes et in formam scriptam per comitem Zuppane dictam quondam Pribnam donasse et renuntiasse eidem Antonio dictam sepulturam cum hoc quod dicta Pribna quantum decederet sepeliri possit in qua dicta sepultura dicti Antonii posita ante ecclesiam Sancti Michaelis in Zupana in qua quidem sepultura ipisus Antonii etiam constavit presenti consilio ipsam Pribnam tempore eius mortis sepultam fuisse. Et hoc salvo semper omni suo iure cuicunque alii habenti meliora et potiora iura in ipsa sepultura. (CMin 8, f. 60r)

1440-10-26 Libertas data massariis bladorum pro repezando cohopertam conventus Sancti Francisci pro mileo comunis
Captum fuit de dando libertatem massariis nostri communis quod possint et debeant repezari facere cohopertam conventus Sancti Francisci super magazenum ubi stat milium nostri comunis prout eis opportunum esse videbitur. (CMin 8, f. 199v)

1441-06-13 Pro sepultura Petri de Primo
Captum fuit audita peticione Petri de Primo facta pro una eius sepultura existente in ecclesia fratrum minorum ad interiore porta cori eiusdem ecclesie et visa relatione duorum nostrorum consiliarium minoris consilii missorum ad videndum dictam sepulturam qui retulerunt dictum Petrum de Primo dictam sepulturam de novo fieri fecisse et in ea aliquod ad huc reportatum non esse prout probatum fuit per legiptimas guarenticias superinde repertas quod dictus Petrus de Primo possit facere de dicta sepultura omnem suam voluntatem tamquam de re propria. (CMin 8, f. 260v)

1442-05-17
Captum fuit de concedendo Radivoy barbitonsori et fratribus quod possint libere murari, laborari et reaptari facere sepulturam eorum existentem in ecclesia Sancti Francisci prope portam ipsius ecclesie pro libito voluntatis. Et hoc quia minori consilio constavit ex relatio duorum de consilio missorum ad videndum ipsam sepulturam dictus Radivoy et eius fratres ius habere in ipsa sepultura. Reservato tamen iure habentibus pociora iura in dictam sepulturam quod dictus Radivoy et fratres eius habeant non permutando nec variando scripturam scriptam super dictam sepulturam. (CMin 9, f. 83v)
1442-06-09 Pro Pribissava relicta Radovaz
Captum fuit quod sepultura que dicitur fuisse Radovaz Petossevich in claustro Sancti Francisci propter legatum quod facit idem Radovaz Pribissave uxori sue in suo testamento de ipsa sepultura quod sit et esse debeat dicte Pribissave relicte dicti olim Radovaz. Et quod ipsa Pribissava possit super lapide sive plancha ipsius sepulture insculpi nomen et literas nominis ipsius olim Radovaz mariti sui. Ita tamen quod salvum sit ius unicuique pretendenti ius habere in ipsa sepultura. (CMin 9, f. 94v)

1446-02-16 Pro sepultura magistri Thomaxii medici
Audita peticione magistri Thomaxii de Ancona medici salariati comunis Ragusii dicentis sibi per Martolum et Marinum de Mislien fraters donatam fuisse unam sepulturam positam et constructam in cimiterio ecclesie Sancti Francisci de Ragusio videlicet sub porta capituli eiusdem super qua sculpi facere vellet per lapicidam incidi fierique literas eius subscriptionis ut cognosci nunc et in futurum possit ad futurorum memoriam dictam sepulturam fore et esse personam ipsius magistri Thomaxii visique relatione duorum consiliariorum videlicet ser Iunii Marcii de Crieva et ser Michaelis de Zamgno qui ivisse faciunt per dominum ad videndum et examinandum dictam sepulturam dicentes dictam sepulturam reperuisse esse illam quam dicti de Mislien donaverant ipsi magistro Thomaxio tam per subscriptionem factam per illos di Misilen quam etiam per informationem sumptam a fratribus monasterii sancti Francisci. Et viso etiam quod Martolus de Mislien constituti in minori consilio coram domino rectori et eius consilio predicto oram confirmavit fuisse et esse vera. Captum fuit quod dictus magister Thomaxius tamquam verus dominus et patronus dicte sepulture sibi alias donate habere pro suo libera voluntate fieri facere possit super ipsam sepulturam arma sua et literas ac inscriptioenm sui nominis et de ea sepultura facere omnem suam voluntatem tamquam de re sua propria. (CMin 10, f. 217r)

1449-03-13 Pro sepultura Catarine Volotice
Captum fuit quod Catarina Volotiza possit consentire et dare Marcho Illich dicto Pes unam ex duabus eius sepulturis quas habet in claustro monasterii fratrum eclesie Sancti Francisci apud portam refectorii videlicet illam in qua non sunt aliqua ossa mortuorum. Et hoc attento quod pro allegente informatiam scriptam per consularios minori consilii amissos superinde ad locum constant ipsum Catarinam heredem ipsas duas sepulturas ad eius spectantes. (CMin 12, f. 60v)

See also:
de conventu Sancti Francisci: Philippi de Diversis de Quartigianis Lucensis artium doctoris eximii et oratoris Situs aedificiorum, politiae et laudabilium consuetudinum inclitae civitatis Ragusii [1440], Pars secunda, Cap V, 30, 31
Serafino Razzi, La Storia di Ragusa, pr. Giuseppe Gelcich, Dubrovnik, 1903
Seraphinus Maria Cerva, Prolegomena in sacram metropolim Ragusinam [MDCCXLIV], editio princeps, prir. Relja Seferović. Caput XXXII. de paroeciis in Ragusina dioecesi, monasteriis ac insignioribus templis locisque piis. 427-434; Caput XXXVI. De sacris Ragusii reliquiis. 447-497